Filipi 4:9 - ŊWÀʼ NYÙY

⁹ Vèn kú a yiì vinyo ve mò‑oò yeʼeyin ven shó, e wày e věn kiwo, kìn dzə̀ kinyo ke mò‑oò suuyin suúyín, kìn dzə̀ ke vèn‑eè yenen, a m yii yiìn. Vèn lóo yiì bèy, é Nyùy wo dzə̀ wù yiì, bo melív me wíri mè wáa dzə nyaáŋ nèn a dzə e věn mvəm.

Filipi 4:9 Referans Kwoze

Jeem 1:22

Vèn kú a yuurí kinyo ke Nyùy ki, a yiì mo kí dzəə̀n. Lá vèn yòʼ a boʼtí vitú vén ji vèn néŋ e Nyùy si, a vèn yuúri kinyo kfə́ yuúrín, e làa yòʼ a yiì.

Filipi 3:17

Afə̀r vem, ven adzə̀m kú a lì mfìʼ a dzə̀ fo mò, e kfə̀n a lì sa fo wír ve á yii vinyo réŋréŋ mo mò‑oò dìnèn e vèn.

2 Pita 1:10

Afə̀r vem, kí nén a dzə jii, vèn ku mùm feyì ji á wáa yiì a vinyo vìn vidzə̀m, bìʼ fo dzəə̀n vinyo ve Nyùy‑iì shoʼon ven, e lì ji wír və́ ji vèn wáa yiì. A vèn lò, a yiì vinyo vee shoon, la vèn yòʼ dzəə jày dzə́ə gheéy,

Joon 13:17

Mo vèn kiiyin ne kinyo kìn lèn, a vèn lò, a yiì, é vèn wáa yu vijuŋ.

Filipi 4:7

Vèn lóo yiì bèy, é Nyùy nèn a yiì, é melív men mè wáa dzə nyaáŋ, é wùn à vifií vén ví ku nèn a tiy a dzə̀ e Jesus Kristu wùn. A bó yòʼ dzə̀ wìr kìíy móo fìʼ nyaáŋ wo Nyùy fó və̀n gheéy.

Ŋwàʼ woó Rom 16:20

Vèn lóo yiì bèy, é Nyùy wo wù yii, a melív mèsən mè dzə́ nyaáŋ, ku nèn màʼ Satan, é vèn kóʼ é kitu wo. M nén a shàʼtì ven, a lon jii, Tàr wòsən Jesus Kristu kú a kòŋ ven, a leéy a fo vèn.

2 Korin 13:11

Afə́r vem, m nén a shàʼtì ven ji á bèr á ne. A m tír ven ji vèn navti vinyo vén, e yuùrí ntir sém kijuŋ. Vèn kfə́n shuu e mòʼón, a dzə dzə́ yee nyaáŋ, é Nyùy wo wù koŋ ven, kfə̀n yii, a melív men mè dzə́ nyaáŋ, nèn a dzə e věn mvəm.

Ŋwàʼ Luk 6:46

Jesus nèn dzə̀r jii, «Bìʼ ka mo vèn yoŋrì mo ji Tàr, Tàr, a bó á yòʼ yii kinyo ke m suuyì?

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Matio 7:21

«Wír ve á yoŋrì mo ji Tàr, Tàr, yòʼ dzə̀ vee shooy adzə̀m ve m wíy lì ji wír vém é ghan se m sí sáʼ ji Fon. Kù wíy a dzə wír wo wù yii kinyo ke Tàr wor wo wù dzəə̀n é yuv koŋ ji wù wáa yiì.

2 Tesalonika 3:4

Taàtá Jesus nén a yiì, vèr wáa way shilív e věn wùn, a kiíy jii, vèn sí yii a vinyo ve vèr‑iì tirin ven shó, aá kù wíy a yiì bèy, a dù duùn fó mbìy.

1 Tesalonika 1:6

Vèr kfə́n a kuumé sa mo vèn bìʼnìn ver, a dzə̀ ji vèn bìʼnìn a dzə̀ Tàr wòsən Jesus Kristu. Vèn‑eè biìmé kinyo ke Nyùy, á nèn a rəsí, a nyàvrì e vèn, vèn kú a way shilív, Kiyoy ke Ranén kí wáa yiì, vèn wáa ker kishéʼrì e věn meliv.

1 Tesalonika 5:23

Vèr nén a lon jii, wun woo Nyùy wo wù yii, a melív mèsən mè dzə́ nyaáŋ ku yiì, é vèn wáa dzə wír və́ ŋkuuŋkùŋ. A vèr kfə̀n lón sa jii, wù kú a shìy ven, é vèn wáa dzə ajuŋ là nsem, a kwàʼtì a dzə̀ vinyo ve juŋ vi, a ker melív me juŋ mè, é la wìr wùmòʼ yòʼ a ker lóm yìmòʼ e wun wùn gheéy, e dù, e meé e ghan se Tàr wòsən Jesus Kristu wíy a wìy.

Ŋwàʼ woó Rom 15:33

M nén a lon jii, Nyùy wo wù yii, a melív mèsən mè dzə́ nyaáŋ kú a dzə e věn mvəm, a leéy a fo vèn. Amen.

Joon 2:5

Yè wov ku yòʼ sùúy e vé kijàvi jii, «Vèn wáa yu a dzə̀ fo Jesus, wù suuy mo wù suuyin, vèn wàa yiì.»

Ŋwàʼ Luk 8:21

Jesus bìnèr kfə́ jii, «Yè wor wùn aàfə́r vémé kù dzə̀ wír adzə̀m ve á yú kinyo ke Nyùy, yii mo kí dzəə̀n.»

1 Tesalonika 2:14

Kinyo ki nén a koóy ven, afə̀r vem, réŋréŋ mo kí‑iì kooy wír veé Juda ve vé‑eè wayin shilív e Jesus Kristu wùn, e tàtí, a dzə ji wír Nyùy. Wír vee věn wòŋe nén a fo sa ven ŋgeʼ mo wír veé Judàa‑aà fó e vee shooyi.

1 Korin 10:31

M nén a suúy kém jii, a wìr fə̀m yí kifá ke yiín kí, kìn wù nó a dzə̀ ke noón kí, vèn kù a yiì vinyo vee shoon vidzə̀m ji wíri wáa yen, a burí a dzə̀ á Nyùy.

Remrí 5:1

Mooser báʼtí wír veé Isray adzə̀m, e sùúy aáwune jii, «Éè wìr veé Isray, vèn yú, vèn yuúrí sáʼ Nyùy wùn à vinyo ve wù tinen ví. Dzə̀ vinyo ve m yoŋ e vèn lán. Vèn yéʼéy, e wày ŋàŋ ji á wáa yiì a mo ví dzəə̀n.

Lim Aŋgàa Ntum 9:6

Lò é yuv, e dù e mvə̀mlaʼ, aá suúy wò kinyo fo ke à kér fó a yiì.»

Aysaya 41:10

Lá vèn yòʼ a fàn, m dzə̀ vèsən. Lá kindzə́m kí yòʼ a gwàr ven, m dzə̀ Nyùy won. M kù wíy a fo ven vitaáví, a sə ven. M wíy a kìŋsìn ven e vitaáví vém ve ghaʼán ví.

2 Timoti 4:22

M nén a shàʼtì sa wò jii, Nyùy kú a shìy shilív shé, a leéy a fo vèn à wír vée adzə̀m.

1 Korin 14:33

A Nyùy sìysì bèy, bìʼ fo wù koŋ kfə́ a dzə̀ nyaáŋ, wù yòʼ koŋ njèʼèr. Ké vikìy kí nén a dzə jii, vèn kú a yiì réŋréŋ á mo vintatì ve wìr Nyùy vímóʼ ví yii vidzə̀m.

Joon 15:14

A vèn yú kinyo kém rú, bo vèn sì ŋkar sém.

1 Joon 3:22

Lóo koʼtí, aá fə̀m lón ka, é wù ku nèn fò kíwun, bìʼ fo vèsən sí yú sáʼ rə́, yii, a wún vəə́ boŋè.

Matio 1:23

«Wánlè ŋgòn wùmòʼ wíy tiím bvəm, a bó wù yóʼ ne kìíy lumèn, e dzəə́ wán lumèn, aá wíy a yòŋ ji Emmanuel.» A nsàv yìr rən dzə̀ jii, «Nyùy sì vèsən áwune.»

Aysaya 8:10

Vèn suúsín, e bà antaŋ véné, yii bèy, a kí yòʼ yíi lìm. Vèn suúy kinyo ke vèn taʼ suúy ki, yii bèy, a kí yòʼ yíi koóy mo vèn kwaʼtì. Ke kí dzəə̀n kí dzə̀ jii, Nyùy dzə̀ vèr áwune.

1 Korin 4:16

M nén a lon ji vèn kú a tiír sa kiwuú kén á mo m tiir kém.