Filipi 4:8 - ŊWÀʼ NYÙY

⁸ Afə̀r vem, kinjòʼsì ké kinyò ki nén a dzə jii, vèn kú a kwàʼtì vinyo a dzə̀ á ve ru ví ve dzə̀ wíri wàa ghvəm, e kfə̀n a kwàʼtì ve ví dzəə̀n là kiloʼ wùn à vee là nsem vi. Vèn ku tìír vifií vén a dzə̀ é vinyò ve ví wáa bòŋ wir dzə̀m, ve wíri wáa yen, a kòŋ. A kinyo ke juŋ ki dzə̀ shó ke dzə̀ wíri wàa burí, vèn wàa kwàʼtì a dzə̀ kee shooy.

Filipi 4:8 Referans Kwoze

Jeem 3:17

Kinyo ke kí din ji wìr kér rú vifií ve ví lo a dzə̀ fo Nyùy ki dzə̀ jii, ŋgaàŋ dzə̀ kfə́, a bó wù yòʼ wáy kiwó e kinyò ke bi kí gheéy. Wù kfə́n a dzə wir nyaáŋ, a ker wíri ji weè, a yuurí kinyo ke wìr, a sham wíri ghán sidzə̀m, a yiì vinyo ve juŋ vi é ŋàŋ. A bó wù yòʼ yii vinyo vìn, yuúri kisùúyjii, a bó wù yòʼ din wún.

Titur 2:7

Titur, kú a ker ké ki a dzə̀ liì wo juŋ, áàwàʼ vé vìne wáa yen, a bìʼnìn. Lóo yeʼéy kinyo, à wàa yeʼéy shilív shidzə̀m, e làa yòʼ a fə̀m kinyo fə́men.

2 Korin 8:21

Vèr wày wáyín féyì ji wìr dzə̀m yén sá mo Nyùy yén ji vèr yii kinyo a là kiloʼ.

Galatia 5:22

Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.

1 Pita 2:12

Vèn lóo dzə vèn à wír ve bó á yòʼ kiìn Nyùyi, vèn kù a dìn a dzə̀ liì wo juŋ. Aá fə̀m lór ven, aá kú a yen a dzə̀ vinyo vén ve ru ví, wíy lóo dzə e kishiíy ke Nyùy taʼ, e sham áwune, wù jaŋè, aá nèn màʼtì liì wov wo bi və̀y, e bìnkìr, a ghvəm a dzə̀ wun.

Hibru 13:18

Kér kí dzə̀, a bó melív mer mè yòʼ sáʼ ver fo věr lìm gheéy. A dzə̀ mo vèr taʼ ji kí ku wìy a dzə bèy, a vèr fə̀m yii a dzə̀ ka. Vèn ku nèn a bùnrì ji Nyùy wáa sə ver.

1 Timoti 4:12

Lá à yòʼ biìmé, é wíri wáa kay wò ji bìʼ fo à dzəə̀n wánlè fo áwune. Kú a dìn a dzə̀ liì wo dzə̀ aŋgàa biimé, á wàa jùmrì, kìn dzə̀ kinyo ke à suuy suùyín, kìn ke à yii yiìn, a kòŋ wíri, a way shilív a dzə̀ e Nyùy wùn, e làa yòʼ a ker liy yee kùm kinjàŋ.

Efesor 5:9

A kí dzə̀ jii, vèn lóo ghan e mvə̀m ran ye Nyùy fó e vèn rən, é vèn nèn a yiì a dzə̀ vinyo ve ru ví ve ví wáa dzə kijuŋ, là kiloʼ.

Titur 1:8

Kù kér fó a dzə wír wo wù koŋ vé kiŋgàné, a kòŋ kinyo a dzə̀ ke juŋ ki. A ŋgaàŋ kù kér fó a lò, a səʼə́m, a yiì vinyo vidzə̀m là kiloʼ, a yu a dzə̀ fo Nyùy, a kiíy mo wù tiir kiwuú kfə́.

1 Joon 3:3

Kí nén a dzə jii, wìr wo wù leey fó mbìy, shiy Jesus, yii baamè vinyo ve bi ví, ji wun fíʼ a dzə là njò, réŋréŋ mo Jesus dzəə̀n.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

Titur 3:14

A dzə̀ wír vee vèsə́n kintatìi kù a kiíy ji á wáa yiì lim ye juŋe, a sə vinyo ve ví dzəə̀n é shií. Lá áwune yòʼ a dzə dzəə́n kisáŋ.

Ŋwàʼ woó Rom 13:13

Vèsən wáa ker liì a dzə̀ wo wìr veé ndzə ye ranén. Lá vèn yòʼ a ghan, a no a dzə̀ meluʼ, a yi vitú. Lá vèn yòʼ a jàŋ kinjàŋ, a yiì joonè woo bey. Lá vèn yòʼ a nyàmnìn. Lá wìr yòʼ a ghèʼ sa wír.

Ŋgàn 20:7

Wìr wo wù yú Nyùy yii ghvə́m kitú kfə́ e njiìn və, a Nyùy səəvì wón və́ bìʼ wun.

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

1 Joon 3:18

Wòn vem, lá vèsən yòʼ a suúy a dzə̀ fó shuù ji vèsən koŋ afə́r vesən. Vèsən wáa kòŋ áwune rúrú, a sə áwune.

Titur 2:2

Lóo dzə vilum vee aránsisi, à wàa tir áwune ji lá á yòʼ a way a vifií é melùʼ. Á wáa way vifií a dzə̀ á e vinyò ve áwune yii, a yiì réŋ mo ví dzəə̀n. Á ku ghàr a dzə̀ á kinyo ke Nyùy kitávín, a kòŋ wíri, a lì ŋgeʼ sidzə̀m ji weè, e làa yòʼ a wàʼ.

2 Korin 13:7

Vèr wáa lon fo Nyùy ji wù ku yiì, é vèn wáa yiì a dzə̀ vinyo ve ru ví. A bó vèr yòʼ suuy bèn ji vèr taʼ ji wíri wáa yen a ji kinyo ke tuuyin ver kí kù tíy fo. Ke vèr koŋ ki dzə̀ cáʼ ji vèn wáa yiì a dzə̀ vinyo ve ru ví, a lim yérí fə̀m yénsin fo ghaŋ.

Kolosia 4:5

Vèn lóo ghan vèn à wír ve bó yòʼ siìn vé Nyùyi, vèn kù a way vifií, a tàʼ a dzə̀ kintóʼ ke dzə̀ vèn dìn áwune kinyo ke ru kí.

1 Pita 4:8

A kinyo ke kí shaàn vidzə̀m ki dzə̀ jii, wìr wáa kòŋ a wír shilív shidzə̀m, bìʼ fo kikoŋnìn ki yii sə́ti ajay anín.

2 Samuel 23:3

Nyùy wìr veé Isray sùŋnín ne, Kilán ke wìr veé Isray ki sùúy e mò jii, ‹Taà saʼ lóo fàn Nyùy, lóo saʼ wíri tìítiy,

Ŋwàʼ woó Rom 13:3

A dzə̀ mo dzə̀ kí kù a dzə bèy, é wìr wo wù bívir nsər fíʼ a fàn ŋgaà nsər. A bó yòʼ dzə̀ wír wo wù lem nsər wù kfə̀n a fàn. Kí nén a dzə jii, a wìr taʼ ji lá wun yòʼ a ghan, a fàn, wù wàa lèm a nsər, é wùn à woŋe nèn a dzə kijuŋ.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

Filipi 3:1

Afə̀r vem, m lóo màysì, e nèn a tir ven ji vèn wáa sheʼrí a dzəʼə̀m ye vèn kér vèn à Tàr wòsən Jesus. M nen kfə̀n a suúy kinyo kímóʼ kí, a dzə̀ ke mò‑oò saŋen ne fo vèn. A bó yòʼ dzə̀ m wàa dor fó a remrí kinyo kee shooy, bìʼ fo kí yíi a shìy ven fo vèn tó é kinyò.

Ŋwàʼ woó Rom 2:29

Wìr woó Juda woo rú dzə̀ woo fó shiliv, a dzə̀ ji á nàŋsín a dzə̀ shilív sə́. A kù nàŋsín Kiyoy ke Nyùy, a bó yòʼ dzə̀ nsər ye á saŋen ji á mo wìr wáa yiì, yì nàŋsín. Ku nèn a binsí Nyùy kinyo ke ŋgaàŋ, a bó ŋgaàŋ yòʼ dzəə́ leey ji wáa binsí a wír.

Aysaya 26:7

Dzəə̀ wìr ve á yúnin Nyùy sì é leŋ. Nyùy Tàr, rúrú, à yii yii, a dzəə̀ wìr ve á ghán e wò mbòv dzə́ bèn ji fèm.

Ŋgàn 31:31

Á kú a koʼór yír rə́ bìʼ vinyo ve wù yii, é wìr dzə̀m woó ntèʼ wáa burí lim rə́.

1 Timoti 2:2

Á kú a bùnrì bèy, bo taaka fo afone wùn à wír ámóʼó ve á sáʼ woŋe adzə̀m, a lon fo áwune, é woŋe fíʼ a dzə ji nyaáŋ, é vèsən wáa dzə dzə́ ye juŋe, a yu a dzə̀ fo Nyùy, a ghan mo wù koŋè.

1 Timoti 5:10

A dzə̀ kù a dzə sa wiíy wo wìr dzə̀m bínsi ji wù kù‑uù rə́si yii a dzə̀ á vinyo ve juŋ vi, dan wón və́ é dzəə yee réŋ, kér wíri e wùn lav, yii lim seé kintatì ke wìr Nyùy, kfə̀n sə́ vé ŋgeʼe. Kú a dzə wiíy wo wù‑uù liìn kitú kfə́ ji wun wáa yiì a dzə̀ á vinyo ve juŋ vi, ji a fəə̀ lim fèé, wun kù a yiì a yiìn.

Remrí 16:20

Kù dzə̀ yii yee tìítiy, a kù mày yee shooy bèy, ye Nyùy Tàr woo Nyùy won taʼà, é bo vèn wìy gòʼ, e yòv nsay ye wù fó e vèn.

Efesor 6:14

Vèn kú a tiy rì a dzə̀ é kinyò ke ru kí ghán sidzə̀m, a dzə moo wír wo wù wovtin ndzə̀y, a taamé kifá. Vèn lóo yiì vinyo ve vèn yii vidzə̀m, vèn wàa yiì a dzə̀ ve bó yòʼ dzə̀ wìr yèn jay sho, é vèn nèn a dzə moo ŋgaà rə̀r wo wù màʼàn kikúm ké kishà ki, kí wáa teʼtín shúu və́ shiliv fo wìr sov.

1 Tesalonika 4:12

Vèn lóo yiì bèy, é wír ve bó á yòʼ kiìn Nyùyi wáa ghvəm ven, é la vèn yòʼ kfə̀n a leéy kifá fo wìr.

Efesor 4:25

Kí nén a dzə jii, lá wìr yòʼ dzəə bòʼtí a fə́r və. Wìr wáa suúy a dzə̀ kinyo ke ru kí e fər və, a kuumé ji mo wùn wun tatin e Kristu kinyò, á sì á ji kitú kimòʼón.

2 Korin 6:8

Á lo, á wàa ghvəm ver ji *aŋgàa ntum Nyùy, kfə́n lo, á wàa shoór ver. Lo, e ghan símóʼ sí, á lòr ver, lo, á wàa burí ver. Wír aníne yoŋ ver ji asə́ŋgúm, a kinyo ke vèr fiʼtì ki kù dzə̀ kíwun ke dzəə̀n ke ru kí.

Lim Aŋgàa Ntum 10:22

Á bìnèr jii, «Tùm Konelur woo mfòóme rə̀r woó Rom ver. Wù dzə̀ wír wo juŋ, ghvə́m Nyùy, a wír veé Judàa búri wun adzə̀m. A nshìylav Nyùy sìíy, e wìy, e sùúy sho jii, wù jaŋ wò e wùn lav, e yù á kinyo ke à yíi suúy e wun.»

Joon 7:18

Wìr wo wù yii kinyo ji yii wun, ŋgaàŋ taʼ a dzə̀ ji wíri wáa burí wun. Wìr wo wù kù yii taʼ kfə́ ji á wáa burí a dzə̀ wír wo wù tumen wun, nén a suúy a dzə̀ vinyo ve ru ví, a bó yòʼ dzə̀ wù lòʼ kinyo.

Ŋwàʼ Luk 2:25

Wáa dzə e ghan see shooy, a wìr wùmòʼ dzə̀ é Jerusalem, a yír rəə́ dzə̀ Simeon, a wù ghvə́m Nyùy, yii mo Nyùy koŋè, kfə̀n shiy ghán se Nyùy wíy rəə̀r melív me wìr veé Isray. Kiyoy ke Ranén kí wáa dzə e wùn shiliv,

Maak 6:20

bìʼ fo Heror kù yòʼ‑oò ghvə́m Joon mo wù‑uù kiìn ji Joon dzə̀ wír woo là jay, e kfə̀n a dzə wir Nyùy. Wù nèn a bavtí Joon, a kòŋ fó a yuurí kinyo kfə́, é bo shilív shí kfə́n a saʼ wun.

Ŋgàn 11:1

Nyùy Tàr ban mfìʼ vidzəə̀sì mbóʼmé, shéʼri mfìʼ yee réŋ.

Ŋwàʼ Rut 3:11

Á bèy nà, lá à yòʼ a fàn. M yíi yiì kinyo kidzə̀m ke à taʼà, bìʼ fo wìr dzə̀m woó ntèʼ fen kì ji à dzə̀ á wiíy wo juŋ.

Ŋwàʼ Luk 16:15

Jesus nèn a suúy aáwune jii, «Kù dzə̀ ven vin ve á laarì sí wíri, din wún ji wír ve juŋe, a kù kì Nyùy melív men. Vèn wáa kiíy jii, vinyo ve wíri búri ji ví mèé e vinyò vi dzə̀ ve ví kóʼoy fo Nyùy kóʼóyín.»

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Lim Aŋgàa Ntum 22:12

«Wìr wùmòʼ wáa dzə fo, a yír rəə́ dzə̀ Ananiar, a wù ghvə́m Nyùy, lem nsər se Mooser, a wír veé Juda vee fóo búri wun adzə̀m.

Yòv Viŋgér 5:16

Jí se sí fəə́ fo wun shuù si nyom moo shiŋgwáŋ. Rúrú, m leey wun, e kèʼ fo kitu, e meé e wuù, koŋ e ŋàŋ. Éè vikìy veé Jerusalem, á wun woo ŋgaà ŋkòŋmé wom, á wun woo ŋkar yem tìm.

Kèʼlo 18:19

M shòʼ ne wun ji wù wáa dànèr a wón və́ wùn à rám rəə́ ji á wáa yunín mo, a yiì vinyo tìítiy là jay, é m fiʼ wìy yiì kinyo kidzə̀m ke mò‑oò kàʼàn wun sho.»

1 Joon 4:1

Ŋkàr sem, wíri wìy ne anín, a ghan virə́ʼ vidzə̀m, a boʼtí ji áwune fiʼtì kinyo a dzə̀ á ke tiísi Kiyoy ke Nyùy. Á lóo suúy bèy, lá vèn yòʼ kù nèn a biimé biimén. Vèn tòmbìy tàr vinyo vee shooy vi vidzə̀m, e bóo kiíy ji ví sà lò rú a dzə̀ fo Nyùy a?

1 Timoti 5:2

a lì sa vikìy vee ŋgày sé wìr ji ayìy vé, e kfə̀n a yen wónlě vikìy moo wón yè won, e làa yòʼ a leéy e sí yímóʼó.

Ŋwàʼ Luk 23:50

Wìr wùmòʼ wáa dzə e Jerusalem e ghan see shooy, aá yoŋ ji Joosev, a dzə̀ wír woó ntèʼ yee Arimatia e wòŋ woo Juda foo fèy. Wù‑uù dzə̀ wír wo juŋ, yii mo Nyùy taʼà, kfə̀n shiy ghán se Nyùy wíy a saʼ vifon və́. Wù kfə́n a dzə sa wír fo vé wòŋ vìyí mvəm, a bó wù yòʼ‑oò ló a tiy e kinyò ke vé‑eè sìysìn, e yiì e Jesus.

Ŋgàn 31:29

«Vikìy aníne kér njiìn wo juŋ, yii bèy, aà shaà áwune adzə̀m.»

Ŋgàn 16:11

Nyùy Tàr koŋ mfìʼ vidzəə̀sì yee réŋ, a kù siysì wun mo mfìʼ sidzə̀m si dzəə̀n.

Ŋgàn 12:4

Wiíy lóo ker njiìn wo juŋ, wíri wàa ghvəm lúm və, lóo shoór lúm və, wù kfə̀n ji kiváv ke kí səə kighvə́r ké lum və.

1 Timoti 3:4

Ŋgaàŋ kù kér fó a dzə wír wo wù kiìn móo leéy fo wùn nsaàlav, a dànèr wón və́, aá wáa yu kinyo kfə́, a ghvəm wun.

Lim Aŋgàa Ntum 6:3

Afə̀r ver, mo kí dzəə̀n ben, kí bòŋ ji vèn shóʼtí wír saàmbà fo věn mvəm, aá wáa lìm vinyo vee shooy. Vèn lóo shoʼtí, vèn lèéy a dzə̀ wír ve wìr dzə̀m biíme ji dzə̀ vee là kiloʼ, e kfə̀n a dzə wír ve á kiìn vinyo, Kiyoy ke Ranén kí rún aáwuné meliv.

Matio 22:16

Á nèn tùm wír vév wùn à wír Fòn Heror ámóʼó ji á du, a woóy a wun. Á dù, e yòŋ jii, «Ŋgaà Yèʼey, vèr kì jii, à kù yii suuy a dzə̀ kinyo ke ru kí, aà kfə̀n yéʼey wíri kinyo ke Nyùy réŋréŋ mo kí dzəə̀n, e làa yòʼ a leéy sí wìr, kìn ŋgaàŋ dzə̀ la.

Ŋgàn 31:10

Kí ghàʼ féyì fóo yen wiíy wo wù kér njiìn wo juŋ. Wiíy woo bey dzə̀ féyì, a wù shaà vifá ve sùsù.

Hibru 11:2

A Nyùy‑iì ló a binsí wír vee fó ŋgùʼ ámóʼó ji wír feyì mensəʼ metàn, a dzə̀ bìʼ fo vé‑eè wáy shilív e wun woo Nyùy wùn, yú a dzə̀ fó fo.

1 Timoti 3:11

A dzə̀ vikìy véví kù a ker sa liì wo juŋ, a lò ji weè, e làa yòʼ a dzə vé viduu, é wáa dzə wír ve dzə̀ á yiì kinyo là kiloʼ.

2 Korin 8:18

Vèr nen tùm wùn fər wòsən wùmòʼ, a dzə̀ wír wo vintatì ve wìr Nyùy vidzə̀m vi kiiyin ne virə́ʼ vidzə̀m feyì ji wù ghán, fiʼtì a sáʼka Nyùy wo juŋ.

2 Samuel 1:23

«Saul wùn Jonatan, wír, aá tó sí, a wíri leey, koŋè. Vé‑eè dzə̀ kintatì fə̀m á mvə̀m kpu. Vé‑eè shwìr, e shaà lùŋ wo wiy, vé‑eè tàv, e shaà bvərə̀ʼ.

2 Pita 3:1

Ŋkàr sem, ŋwàʼ wo m sáŋ fo vèn və́ne dzə̀ wo wú meen ji baà. A m lóo saŋ, m kù a ratí a dzə̀ vinyo ve vèn kiiyin ne vìn, e fíʼ a yìmrì vifií vén, é ví kú a tiy a dzə̀ é vinyò foo fèn.

Nsùyrì Nyùy 82:2

«Vèn wíy a saʼ nsaʼ mbvə́nkíwó, e dù, e meé e le? Vèn yar fó a bìn nsaʼ, a fo e wír ve á méŋ Nyùyi.

Ŋwàʼ woó Rom 14:18

A wìr fò kitú kfə́ e Kristu, a yiì vinyo e dzəə foo fèn, Nyùy nèn a sheʼrí ŋgaàŋ, wíri kfə̀n a binsí sa wun.