Filipi 4:7 - ŊWÀʼ NYÙY

⁷ Vèn lóo yiì bèy, é Nyùy nèn a yiì, é melív men mè wáa dzə nyaáŋ, é wùn à vifií vén ví ku nèn a tiy a dzə̀ e Jesus Kristu wùn. A bó yòʼ dzə̀ wìr kìíy móo fìʼ nyaáŋ wo Nyùy fó və̀n gheéy.

Filipi 4:7 Referans Kwoze

Joon 14:27

M sí du, a m wíy yiì, é melív men mè siíy a dzə nyaáŋ. Nyaáŋ və̀n dzə̀ wo fó mo, a bó yòʼ dzə̀ moo wo wù lo a dzə̀ fó ndzə fèn. Kí nén a dzə jii, lá vèn yòʼ sìíy, a rə̀m a ntéŋ, é melív men mè wáa buʼ.

Aysaya 26:3

Nyùy Tàr, à yii darìr dzəʼə̀m wìr ve vifií vév ví tíy e wò wùn, yii, aá dzə́ dzə́ yee nyaáŋé, bìʼ fo áwune kù sí yoy, tiir a dzə̀ e wò wùn.

2 Tesalonika 3:16

M nén a shàʼtì ven adzə̀m, a lon jii, wun woo Taàtá wòsən Jesus wo wù fó nyaáŋ kú a yiì, é melív men mè wáa dzə a nyaáŋ, a fə̀m kooy ka. A m kfə̀n lón ji wù kú a dzə a vèn áwune ghán sidzə̀m.

Kolosia 3:15

Vèn lóo sìysì kinyo, melív men mè kù a yu a dzə̀ fo Kristu, é vinyo vén ví fíʼ a dù ji nyaáŋ. A dzə̀ mo Nyùy‑iì liìn ven, e tàtí amòʼón ji á wáa dzə a ji nyaáŋ. Vèn ku nèn a beèrì wun woo Nyùy ghán sidzə̀m.

Nsùyrì Nyùy 29:11

Kù távir Nyùy Tàr wír və́. Kù səəvì Nyùy Tàr wír və́ e nyaáŋ.

Galatia 5:22

Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.

Ŋwàʼ woó Rom 15:13

M nén a lon jii, Nyùy wo vèsən shiy ji wù wíy lùŋèr vèsən və̀n ku yiì, é vèn maysi, e wày shilív e Jesus Kristu wùn, é kishéʼrì ki rún e věn meliv, é mè wáa dzə nyaáŋ. Vèn lóo yiì bèy, é Kiyoy ke Ranén kí kfə́n a tavír melív men, é vèn wáa dzə, a leéy a dzə̀ fó mbìy, a shìy ŋkàʼme Nyùy, é wù luŋer ven.

Joon 16:33

M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

Ŋwàʼ woó Rom 8:6

Wìr wo wù tiir vifií é kinyò ke koŋ mensə́ dzə̀ ji ŋgaàŋ kpù ne fo Nyùy mbìv. Yii bèy, wìr wo wù tiir kfə́ vifií é kinyò ke koŋ Kiyoy ke Nyùy nén a dzə e tin fo Nyùy mbìv, wùn Nyùy wáa dzə ji nyaáŋ.

Ŋwàʼ woó Rom 5:1

Mo Nyùy liìn ne vèsən ji wír vee là jay, bìʼ fo vèsən wayin shilív e wun wùn, vèsən áwune nen suùsín, a dzə kijuŋ, a kù yiì Tàr wòsən Jesus Kristu.

Efesor 3:19

Á mo m lón ji vèn ku kìíy a mo Jesus Kristu koŋ ven. A bó yòʼ fə̀m dzə̀ wìr kìíy, e dù, e màysì. Vèn kiiyì, é wun woo Nyùy nèn a dzə e věn meliv, a dànèr ven, é vèn wáa yiì vinyo ve wù koŋ vidzə̀m.

Aysaya 48:18

Wìr ku lì ji vèn‑eè lo yuùrí kém, e yùnín nsər yem, bo vèn kì yíi a dzə dzə́ yee nyaáŋ, é yí wáa dzə, kù moo ndzə́v ye yí léŋ là meemè, é yii yén ye réŋé wáa dù fo mbìy, moo rìbà ndzə̀v wo wù kiy wún ghán sidzə̀m.

Ŋwàʼ Jov 22:21

«Jov, ku koò viŋkar vi vèn Nyùy, e yàr kighvəvrì ki. À yii bèy, é wù fó wò vishí ve juŋ vi.

Ŋwàʼ woó Rom 14:17

A bó wír ve á dzəə̀n e Nyùy mvə̀m saʼa yòʼ dzə̀ ji á wáa nonín, a yinín. Ké saʼ Nyùy ki dzə̀ jii, á wáa yiì kinyo a dzə̀ ke kí gheenen Nyùy, é melív mev mè wáa dzə nyaáŋ, é Kiyoy ke Ranén kí kfə́n a yiì, aá wáa yu vijuŋ.

Aysaya 48:22

Yii bèy, Nyùy Tàr suuy jii, «Wìr wo wù méŋ mo yòʼ kér nyaáŋ.»

Ŋgaà Yen 1:4

Mo woo Joon nén a saŋ ŋwàʼ və̀n fo vèn vee vintatì vee saàmbà ve ví dzəə̀n é wòŋ woo Asia, a shàʼtì ven, a lon jii, Nyùy wo kiyoy kee saàmbàwìr ki tíy e wun shùu kàvàʼ kú a leéy fo vèn, a yiì, é melív men mè wáa dzə nyaáŋ. Dzə̀ wun woo Nyùy wo wù‑uù siìn, a wù dzə̀ lèn, a wù kù wíy a dzə.

Ŋwàʼ Luk 1:79

moo shúy ye yì tó kijàvndzə, yì fò rán e wír ve á kì dzəə̀n é ndzə vitsə̀ʼə́, e nèn lùŋèr vèsən ve á siìn é shùu kpu, e dànèr e dzəə ye yì kér dzəʼə̀m yee nyaáŋ.»

2 Korin 13:11

Afə́r vem, m nén a shàʼtì ven ji á bèr á ne. A m tír ven ji vèn navti vinyo vén, e yuùrí ntir sém kijuŋ. Vèn kfə́n shuu e mòʼón, a dzə dzə́ yee nyaáŋ, é Nyùy wo wù koŋ ven, kfə̀n yii, a melív men mè dzə́ nyaáŋ, nèn a dzə e věn mvəm.

Kintaŋ 6:26

Nyùy Tàr kú a leéy ven, a ŋwàŋkìr, a fo ven nyaáŋ.›

Ŋwàʼ Luk 2:14

«Á wáa burí Nyùy wo wù dzəə̀n é ntoò yùv. Wù fò ne nyaáŋ é nsay fo wír ve wù koŋe adzə̀m.»

Nsùyrì Nyùy 85:8

Mo‑óò yuúrí lèn kinyo ke Nyùy woo Nyùy Tàr yíi a suúy. Wù yíi kàʼ wír və́ e nyaáŋ, wir dzə̀m wo melív mev mè tíy e wun wùn. A kù dzə̀ cáʼ ji áwune maʼti á kiyúŋsì.

Filipi 4:9

Vèn kú a yiì vinyo ve mò‑oò yeʼeyin ven shó, e wày e věn kiwo, kìn dzə̀ kinyo ke mò‑oò suuyin suúyín, kìn dzə̀ ke vèn‑eè yenen, a m yii yiìn. Vèn lóo yiì bèy, é Nyùy wo dzə̀ wù yiì, bo melív me wíri mè wáa dzə nyaáŋ nèn a dzə e věn mvəm.

Ŋgàn 6:22

À yií lóo ghan, é ví wáa dànèr wò, lóo buuné, é ví wáa kìŋsìn wò, yimènè, é ví wáa tir wò.

Aysaya 26:12

Nyùy Tàr, kù ló yiì wò, é bo vèr wáa dzə dzəʼə̀m ye juŋe. Kù yii yii wò, a vinyo vér ví ghán e mboʼ.

Ŋgàn 4:6

Aà ghàr a dzə̀ vifií, bo ví yíi a leéy fo wò. Kú a koytí, é ví wáa kìŋsìn wò.

Ŋwàʼ woó Rom 1:7

M nén a saŋ ŋwàʼ və̀n fo vèn adzə̀m ve á dzəə̀n é Rom, ve Nyùy shavin ne ji və́ vee wír, e wày e wùn shiliv. M wáa shàʼtì ven, a lon jii, Nyùy woo Tàr wòsən wùn Taàtá wòsən Jesus Kristu kú a kòŋ ven, a leéy fo vèn, a yiì, é melív men mè wáa dzə nyaáŋ.

Ŋgàn 2:11

Kiíy ye à kiìn móo tàr kinyóo yíi a shìy wò. Kiíy ye à kiìn jeéyjeéy fó vinyòo yíi a kìŋsìn wò.

Nehemia 8:10

A dzə̀ lèn vèn dù, a yikír, a no vifá ve nyomèn ví, a fo vímóʼ ví e wír ve bó á yòʼ kéríi. Dzə̀ kishiíy ké Nyùy Tàr kee jeéy kí. Lá vèn yòʼ dzə́ə a dzə e nsòv. Kishéʼrì ke Nyùy Tàr kí ku tàvír ven.»

Jeremia 33:6

«Yii bèy, a m wíy lò, e fèr áwune, aá bónén, a dzə atávkín, e yiì, aáwune wáa dzə dzə́ ye juŋe ji nyaáŋ, e kfə̀n a dzə akiŋsìn.

Aysaya 45:7

Kù‑uù yiì mo və̀n, é bo rán wùn à ndzə ye sənér wáa dzə. Kù maʼ mo kisəəvì e wíri, a kù maʼ mo ŋgeʼ. Dzə̀ mo Nyùy Tàr, a yii mo vinyo vìn vidzə̀m.

Hibru 13:20

Nyùy wo wù yii, a melív mèsən mè dzə́ nyaáŋ kú a leéy fo vèn. Dzə̀ wun wo wù‑uù fəərin Taàtá wòsən Jesus fo kpu, wù wáa dzə lèn ji Nshìy Njiì wo Kuʼùn, a leéy fo wír Nyùyi adzə̀m. Yì‑iì cùtì wun mensə́ mvə, e bóo way wíri e Nyùy mvə̀m *mensàŋ me bó yòʼ dzə̀ mè wìy mày.

Ŋwàʼ Jov 34:29

A Nyùy fə̀m dzə́, e làa yòʼ a ghay, a dzə̀ roòmè la wun? A wù bìn ndzə̀m e wíri, a dzə̀ yèn la wun? Yii bèy, kù kér wun wír, a kù kér wun kitúm,

Ŋgaà Yen 2:17

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy ŋòʼ vifá ve yi ve ví lo a dzə̀ fo Nyùy, e fo sho, aá kù lìtì vee shooy a dzə̀ é yuv. A m kfə̀n wíy fo ŋgaàŋ *síbaŋ ye fəvírí, aá sáŋ yír rə́ ye fíyi shó, a dzə̀ meŋkfə́m me ŋgaàŋ, a bó yòʼ dzə̀ wìr wùmòʼ kìíy. Kù kiiy wun woo ŋgaà síbaŋ.»

Ŋwàʼ Jud 1:1

Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.

Filipi 1:2

Vèr nén a shàʼtì ven, a lon jii, Nyùy Tàr wùn Taàtá wòsən Jesus Kristu kú a kòŋ ven, a leéy fo vèn, a yiì, é melív men mè wáa dzə nyaáŋ.

Jeremia 32:16

Mo m foon aŋwàʼ njùn vin e Baruk woo wan Neria, e nèn a bùnrì Nyùy Tàr, a suúy jii:

2 Korin 10:5

Vèr nén a sə̀r kimboʼtì ke kisaŋ ki, e kfə̀n a sə̀r wír ve á din vifií ji á kì vinyo e ŋàŋ, nèn bvəər vifií vé wíri fo á kiíy Nyùy. A vèr kfə̀n shem vinyo ve bi ve wíri kwaʼtì vidzə̀m, binèr áwune ji wír ve á yú a dzə̀ fo Jesus Kristu.

Filipi 1:1

Ŋwàʼ və̀ne sàŋ mo woo Por vèr Timoti ve dzəə̀n aŋgàa lìm Jesus Kristu. Vèr sàŋ a dzə̀ fo vèn vee wír Nyùy ve á dzəə̀n é Filipi adzə̀m ve vèn à Jesus Kristu tatin. A wú dzə̀ fo vèn à vilìmbìy vén ví, à wír ve á lim e věn mvəmé adzə̀m.

Filipi 4:19

Nyùy wo m bunrì və̀n kér nyanyày vifa, a wù wày ne vidzə̀m e Jesus Kristu kiwo, a wù wíy a fo ven ve vèn kér shií shó vidzə̀m, a fo feyì nyanyày.

Filipi 4:21

Vèn ku shàʼtì wír ve dzəə̀n vé Jesus Kristùu adzə̀m, e fò e mò. Afə́r vesən ve á wìyìn, e yèn mo féne shaʼtì ven adzə̀m.