Filipi 4:6 - ŊWÀʼ NYÙY

⁶ Lá vèn yòʼ a yaŋyáŋ bìʼ kinyo kímóʼ kí gheéy. Vèn kú a bùnrì a dzə̀ Nyùy, a neèr vinyo ve ví gháʼ ven ví e wùn si. Lóo bùnrì, á wàa beèrì sa wun fo vinyò ve wù rə́si yii e vèn.

Filipi 4:6 Referans Kwoze

1 Pita 5:7

Vèn ku wày akíghàʼ véné a dzə̀ e Nyùy kiwo, bìʼ fo kù rə́si géŋsin wun e vèn.

Nsùyrì Nyùy 55:22

Éè mǒ vèné, ku wày akíghàʼ vée a dzə̀ e Nyùy kiwo. Ku wày bey, é wù wáa kìŋsìn wò. Bó yòʼ dzə̀ wù wìy màʼtì, kifá ki sə̀ʼ wír ve á yúnin wun.

Matio 6:8

Lá vèn yòʼ a yiì bèy. Vèn wáa kiíy jii, vèn lóo lon kifá, a Tàr won kì kìíy ne kifá ke kí gháʼ ven.

Jeremia 33:3

«Á mbaà a dzə̀ mo, é m yú tóŋ yé, e sùúy wò vinyo ve ghaʼtín ví ve ví dzəə̀n é kilìr, aà yóʼ ne kìíy.

Ŋgàn 16:3

Aà wày lim yé e Nyùy Tǎr kiwo, antaŋ vée wàa ghan kijuŋ.

Nsùyrì Nyùy 62:8

Éè wìr vem, vèn tiír vifií ví a dzə̀ e wun wùn ghán sidzə̀m. Vèn neer akíghàʼ véné adzə̀m a dzə̀ e wun si. Kù dzə̀ Nyùy kikfə́vsì kesən.

Kolosia 4:2

M nén a tir ven adzə̀m ji vèn ku ghàr kinyo a ji bunrì, e làa yòʼ a dor. Lóo bùnrì, á wàa way vifií, e kfə̀n a beèrì Nyùy.

Efesor 6:18

Kidzə̀m ki nén a dzə ji vèn kú a lon kén a dzə̀ fo Nyùy ghán sidzə̀m. Vèn lóo bùnrì, lóo lon kinyo ke kí gháʼ ven, vèn kù a yu a dzə̀ fo Kiyoy ke Ranén kí, é kí wáa naàrì ven. Vèn ku nèn a bùnrì ghán sidzə̀m là dór, a lon fo afə́r vén ámóʼó ve dzəə̀n sá wír Nyùyi.

Kolosia 3:17

Vèn lóo yiì vinyo ve vèn yii vidzə̀m, kìn dzə̀ ve vèn suuy suùyín, vèn kù a yiì e Tàr wòsən Jesus Kristu yir, a beè wun, a beèrì Nyùy woo Tàr wov wo wù tatin vèn áwune.

Ŋwàʼ Luk 18:1

Jesus kfə́n a fèr ŋgàn yìmòʼ e wón və́ lìme ji wun fíʼ yeʼéy áwune mo dzə̀ á wàa bùnrì Nyùy ghán sidzə̀m, e làa yòʼ a dor.

Ŋwàʼ Luk 12:22

Wù nèn a suúy lèn a dzə̀ e wón və́ lìme jii, «M tír ven ji lá vèn yòʼ a dìy wún á ji vèn sà yíi a yi ka, a kur ka moo ndzə̀y á.

Nsùyrì Nyùy 51:15

Éè Nyùy Tàr, mvə̀ʼ shuu wómé, é m yiì a burí wò.

Kolosia 3:15

Vèn lóo sìysì kinyo, melív men mè kù a yu a dzə̀ fo Kristu, é vinyo vén ví fíʼ a dù ji nyaáŋ. A dzə̀ mo Nyùy‑iì liìn ven, e tàtí amòʼón ji á wáa dzə a ji nyaáŋ. Vèn ku nèn a beèrì wun woo Nyùy ghán sidzə̀m.

1 Samuel 30:6

Davir nèn lò, e nə̀ə́ é ŋgeʼ ye tavín, bìʼ fo wír və́ adzə̀me‑eè sí dzə́ ji á lo, e tsəmrí wun e tíyí. Kí‑iì nyàr áwune féyì mo vé‑eè kuuyin wón vév, e dù sho. Yii bèy, Davir ku tìír a dzə̀ Nyùy Tàr woo Nyùy və fó mbìy, wù távír wun.

Efesor 5:20

a beèrì wun woo Tàr wòsən fó vinyò ve wù yii e vèsən vidzə̀m, a beèrì ghán sidzə̀m, a beè a dzə̀ Taàtá wòsən Jesus Kristu.

Nsùyrì Nyùy 55:17

M fiʼtì ŋgeʼ sém e wun, diyì. M fiʼtì kijàvndzə, fiʼtì e shùy, fiʼtì vitsə́ʼə́, a wù kù yíi yu tóŋ yém, e sə mo.

Ŋwàʼ Luk 10:41

Taàtá Jesus yòŋ jii, «Maata, Maata, à kaŋkàŋ, tuʼtìn e mvə̀m vinyò vinín,

Ŋwàʼ Luk 18:7

Mo wù‑uù səən wiíy və̀y, bo bó Nyùy yòʼ wíy sə sa və́ vee wír ve wù‑uù shoʼon, aá tóŋ fo wun e shùy, tóŋ vitsə́ʼ ji wù sə́ áwune a? A dzə̀ wù kfə̀n a siʼsíʼ à?

Matio 10:19

Á wíy koóri ven, du sho e lav nsaʼ foo fèy, lá wìr yòʼ a rə̀m ji wun sà yíi bìnèr ji ka á? Á wíy fo ven kinyo ke vèn wáa bìnèr e ghan see shó.

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Ŋwàʼ Luk 12:29

Mo kí dzəə̀n bey, lá vèn yòʼ dzə́ə a yaŋyáŋ, a rə̀m ji á sà yíi a yi ka, a no kaá.

1 Samuel 1:15

Hanna bìnèr jii, «Àáy taàtá wòm, m dzə̀ wiíy, a m dzə̀ é mvə̀m nyar. M yoʼ nò meluʼ, fə̀m à mené mè. M kì bunrì, neer ŋgeʼ sém e Nyùy Tǎr si.

1 Korin 7:32

M suuy vinyo vìn bèn, bìʼ fo m koŋ ji vèn wáa dzə, é la vinyo vee kùm dzəʼə̀m rə̀n vi yòʼ a rəsí, a jivír ven. Wìr wo wù kòŋèn, a dzə là wiíy dzə̀ wo wù wáy vifií a dzə̀ e Tàr wòsən Jesus kinyò, yii kinyo cáʼ ji wáa bòŋ wún Tàr wòsən Jesus.

1 Pita 4:7

Vèn kì sá jii, ghán se ndzə wíy mày si mèʼ ne a fo mentsə̀m. Kí nén a dzə jii, vèn wáa tiy lèn, a kiíy, a yu kinyo kimòʼón ji bunrì.

Matio 13:22

Ŋgoòy ye yì tumkin é mvə̀m kikwìíy dzə̀ wír wo wù yú kinyo ke Nyùy, wù wàa kwàʼtì a dzə̀ dzəʼə̀m yeé ndzə fèn, a tàʼ vikuʼùy. Kí nen yiì, kinyo ke Nyùy ki búŋ kirə́ʼ e wùn shiliv, e lày kisáŋ.

Daniel 3:16

Shadrak wùn à Meshak, à Abednego nèn bùn fon jii, «Nyàr káʼ, bó shií wùmòʼ yòʼ dzə̀ á wo dzə̀ vèr wàa tunér kitú kér e fòn.

2 Wòŋ 32:20

Fòn Hesekiya wùn *ŋgaà ntum Nyùy woo Aysaya woo wan Amot nèn beè Nyùy e kinyo kìn ki, a lon ji wù ku sə̀ á áwune.

1 Samuel 7:12

Samuel lì tíy, e tùúy e kintìntìn ke Mispa wùn Shen. Wù‑uù shù yír kirə̀ʼ kin ji Ebeneser, shu bèy suuy jii, «E wìy meé lán, Nyùy Tàr kù sə́ ver.»

Yòv Viŋgér 2:14

Ŋkar yem tìm, à làynìn ne fo mǒ si, à làynìn moo kibìŋ ke kí dzəə̀n é nsàn kilan, e làynìn moo kibìŋ ke kí nəən é mbvə̀ʼ. Ku yiì, é m yén wò. Ku sùŋnín, é m yú. Ji yè nyòm e ŋàŋ, aà kfə̀n tókir bèn kijuŋ.

1 Korin 7:21

A wìr‑iì dzə̀ kwǎn wìr e ghan fóo fèy, la ŋgaàŋ yòʼ a ci kee shooy. Yii bèy, a wù ben yèn kintóʼ ke dzə̀ wù fəə̀ fó vikwàn, wù kù yòʼ fəə̀.

1 Afòn 8:28

Yii bèy, Nyùy Tàr woo Nyùy wom, ku yù bunrì ye mo woo ŋgaà lìm wò yii e kishiíy ké lán kií. Ku yù tóŋ yémé, e fò mo kifá ke m lóné.

Jeremia 32:16

Mo m foon aŋwàʼ njùn vin e Baruk woo wan Neria, e nèn a bùnrì Nyùy Tàr, a suúy jii:

Daniel 6:10

Daniel yú ji fòn dòn a ne nsər yee shooy, e nèn kfə̀n e wun lav, e kòʼ, e nə̀ə́ e wun mvə̀m lav ye yì‑iì dzəə̀n é ŋkèʼ lav yee fó yuv, aàwundùu tíynin fo arə́, kiʼ Jerusalem. Wù nèn tsə̀m fó nsay, a bùnrì, a beèrì Nyùy və, kù mo wù yii yii akàŋ ataár ataár e kishiíy.

Matio 6:34

Kí nén a dzə jii, lá vèn yòʼ a yaŋrí a kifá ke kí bvəə́shi, a dzə a dzə̀ kibvəə́shí. A dzə̀ á kù a kiíy kee shooy, a sì kibvəə́shí. Lá vèn yòʼ a lì kinyo keé kishiíy ke sən kí, a dzə̀sì e ke sən kí kitu. Ŋgeʼ yeé kishiíy fó kù ghèén a dzə̀ é kishiíy fóo fèy.

1 Timoti 2:1

Kinyo ke dzə̀ m wàa tir wír Nyùy, a boòrì áwune shó fo mbìy ki dzə̀ jii, á kú a bùnrì fo wìr dzə̀m, a lon a ji Nyùy ku shàm áwune, a leéy fo áwune, e kfə̀n a beèrì Nyùy fo áwune amòʼón amòʼón.

1 Timoti 5:5

Wáa dzə wiíy ŋkfə wo wù búŋ rú ŋgaà lèéy, wù nèn a leéy kfə́ a dzə̀ Nyùy, a bùnrì e shùy, a bùnrì vitsə́ʼ ji dzə̀ kù sə̀ Nyùy a wun.