Filipi 4:5 - ŊWÀʼ NYÙY

⁵ Vèn wáa yiì yíi a dzə̀ ye wìr dzə̀m wáa yen ji vèn kér wíri ji weè, a kuumé ji ghán se Tàr wòsən Kristu wíy a wìy si sí méʼ a fo mentsə̀m.

Filipi 4:5 Referans Kwoze

Matio 6:25

«Mo Tàr won siìn Nyùy, lá vèn yòʼ a dìy wún jii, á sà wíy a yi ka, a no ka, a kur ka moo ndzə̀y á? Vèn wáa kiíy ji dzəʼə̀me shaà vifá ve yi, wúné shaá ndzə̀y.

Titur 3:2

Lá á yòʼ a suúy a kinyo ke bi kí e wìr bàm, a yen fo wùn à wìr wáa taŋnín. Á kú a ker wir dzə̀m ji weè, a fo kilíŋ ke dzəə̀n ké wìr e ŋgaàŋ.

Hibru 10:37

A dzə̀ mo Nyùy‑iì suuyin jii: «Bèr shishàr, é wìr wo wù wíy wìy wáa wìy, a bó yòʼ dzə̀ wù ndzə̀y.

1 Pita 4:7

Vèn kì sá jii, ghán se ndzə wíy mày si mèʼ ne a fo mentsə̀m. Kí nén a dzə jii, vèn wáa tiy lèn, a kiíy, a yu kinyo kimòʼón ji bunrì.

1 Korin 6:7

A bó kí yoʼ fə̀m ghèén ji fə̀r wùn fə̀r wáa saʼ nsaʼ. Mo vèn yii bèy, vèn sí maʼ a dzə̀ kintatì. Kí bòŋ ji wìr jáy kinyo e wìr, wù màʼtì, e baàmè fo wùn wun wáa saʼ nsaʼ. Wìr lóo boʼ wír, ŋgaàŋ màʼtì, é wù bóʼ.

Hibru 10:25

Vèsən kú a tarnín ghán sidzə̀m, e làa yòʼ a màʼày kintatì mo wír ámóʼó yii. Wìr kú a tir fə́r və, a lùmèr shilív sə́, a kuumé ji ghán se Taàtá wòsən Jesus wíy kfən si sì á fo mentsə̀m.

Ŋgaà Yen 22:7

A Jesus suuy jii, ‹Vèn yuúrí, m kù sí lo, e bvəy lèn lèn. A wíy bòŋ ké wìr wo wù yú jí se Nyùy se á tiísi e ŋwàʼ fèn, yii mo sí dzəə̀n.› »

1 Korin 8:13

Kí nén a dzə jii, a sì ji m yí kifá, e bìvír fə́r wom, bòŋ a ji la m yòʼ kùm, fó bvəə́r shilív shé fər wom.

Matio 6:34

Kí nén a dzə jii, lá vèn yòʼ a yaŋrí a kifá ke kí bvəə́shi, a dzə a dzə̀ kibvəə́shí. A dzə̀ á kù a kiíy kee shooy, a sì kibvəə́shí. Lá vèn yòʼ a lì kinyo keé kishiíy ke sən kí, a dzə̀sì e ke sən kí kitu. Ŋgeʼ yeé kishiíy fó kù ghèén a dzə̀ é kishiíy fóo fèy.

Ŋgaà Yen 22:20

Wìr wo wù ghemrin vinyo vìn vidzə̀m nén a ratí jii, «Á wáa kiíy rú jii, m kù sí lo, e bvəy lèn lèn.» M nén a binsí jii, «Amen, Tàr wor Jesus, ku wìy wìyìn.»

1 Pita 1:11

Kiyoy ke Kristu ke kí‑iì dzəə̀n aáwuné meliv kí‑iì rə́si yii, aáwune tiísi ji Kristu kù wíy yen ŋgeʼ, fo bàm, é bo Nyùy kóʼór á wun. Á ku nèn a sòvìr ji á kiíy á ghán se vinyo vìn vi wíy koóy, e kfə̀n kìíy saa mo ví wíy ghan, e bóo koóy.

1 Korin 9:25

a kuumé jii, wìr yii lóo dzə ji wun wíy nəə́ e ghay kinsènín, wù bàʼtí wún və́, e mèrìr a kijuŋ. Wù yii bèy, a vinə́ŋsí ve wù túyti sí sho vìn vi dzə̀, a bó yòʼ dzə̀ ví wìy shaàrì. Yii bèy, a vesən vee vinə́ŋsí ví wíy shaàrì.

2 Tesalonika 2:2

Mo léŋe sí du ji kishiíy ké Taàtá kin ki ghèén ne, vèr nén a lon ji lá vifií vén ví yòʼ nèn tàv bvəə̀rí, é vèn wáa tùʼtìn. A wìr fə̀m fer bèy a dzə̀ fo wùn kwàʼtì, kìn wù suuy ji sùúy Nyùy, kìn wù yoŋ fo ŋwàʼ ji sàŋ mo, lá vèn yòʼ biìmé.

Ŋwàʼ Luk 21:34

«Vèn wáa leéy fo věn vitu, a yen fó a ghan, a yi a dzə̀ vitú, a nonín, a baa, a way vifií a dzə̀ é dzə̀ʼə̀m yee fen fo melív men mè rəə́y, é kishiíy kee shooy ki wìy sàsìn, e koò ven moo kitám.

1 Korin 16:22

a tir ven jii, a wìr dzə̀ làa yòʼ a kòŋ Tàr wòsən Jesus, bo lǒn Nyùyi dzə̀ á e ŋgaàŋ kitu. M nén a lon ji Tàr wòsən Jesus ku kfə̀n á cér.

2 Korin 10:1

Mo woo Por, m kì ji wír ámóʼó lo, á wàa suúy a jii, m lóo saŋ kinyo, a m dzə̀ fó səné, m wàa ghàŋtì shuu, mee fo si, m wàa boòrì a lám. Mo woo shooy, m nén a boòrì ven ji weè, mo Kristu kù yii boorì, a suúy jii,