Filipi 4:4 - ŊWÀʼ NYÙY

⁴ A m suuy e vèn adzə̀m jii, vèn wáa sheʼrí dzəʼə̀m ye vèn kér vèn à Tàr wòsən Jesus ghán sidzə̀m. A m suuy, kfə̀n lo li jii, vèn wáa sheʼrí.

Filipi 4:4 Referans Kwoze

Ŋwàʼ woó Rom 12:12

Vèn kú a kuumé vinyo ve Nyùy kàʼàn ven shó vi, a sheʼrí. Ŋgeʼ ye tavín lóo koóy, vèn kù a dzə ji nyaáŋ, a yu a dzə̀ fo Nyùy. Vèn wáa bùnrì ghán sidzə̀m.

Filipi 3:1

Afə̀r vem, m lóo màysì, e nèn a tir ven ji vèn wáa sheʼrí a dzəʼə̀m ye vèn kér vèn à Tàr wòsən Jesus. M nen kfə̀n a suúy kinyo kímóʼ kí, a dzə̀ ke mò‑oò saŋen ne fo vèn. A bó yòʼ dzə̀ m wàa dor fó a remrí kinyo kee shooy, bìʼ fo kí yíi a shìy ven fo vèn tó é kinyò.

Matio 5:12

Á lóo lovtí e vèn bey, vèn wàa sheʼrí sheʼrín, bìʼ fo vèn kiìn ji Nyùy lèm ne vilaámé vén é yuv vigháʼán. Vèn wáa kuumé jii, dzə̀ sá mo vé‑eè lóvti aàŋgàa ntum Nyùy vee fó ŋgùʼú bey.

1 Pita 4:13

A dzə̀ vèn wàa sheʼrí Nyùy shéʼrín ji wù yiì, vèn wáa yen ŋgeʼ bìʼ kinyo kfə́ mo Kristu‑uù yéné, wíy lóo dzə e ghan se Kristu wíy a wìy, a wù sí kér vikuʼùy a dzə̀ vé Nyùy, é vèn nəə́ sá e wùn mvə̀m vijùŋ, a sheʼrí.

Nsùyrì Nyùy 146:2

M kù wíy a burí Nyùy Tàr, e dù, e meé mo m wíy kpu. Mo m dzəə̀n e tin, m kù yíi a yòv luŋ, a burí Nyùy sho.

Lim Aŋgàa Ntum 16:25

Yiì lòo dzə e ntìntìn vitsə̀ʼ, Por wùn Silar wáa bùnrì, a yòv luŋ, a burí Nyùy, vé sháŋé wáa yuurí.

Lim Aŋgàa Ntum 5:41

Áwune lò fo vé wòŋé si, a dù, a sheʼrí ji áwune ghèén a e wìr ve dzə̀ á wàa shoór bìʼ Jesus.

Galatia 1:8

M nén a suúy jii, a fə̀m wìy ver, kìn wìy nshìylav Nyùy fo yuv, e kfə̀n a fìʼtì kinyo ke bó kí yoʼ shèmsín wùn à ke vèr‑iì fìʼtìn e vèn kí, Nyùy kù shòv ŋgaàŋ.

Nsùyrì Nyùy 33:1

Ven ve á yúnin Nyùy Tàr, vèn wáa ndzəʼ, a sheʼrí wun. Wír Nyùy adzə̀me wáa burí wun.

Habakuk 3:18

bo m kù yíi a yu vijuŋ, a sheʼrí Nyùy Tàr. Dzə̀ wun ŋgaà lùŋèr wom.

2 Korin 6:10

A vinyo vi fə̀m kooy ver, a vèr sov kitú, vèr kù yòʼ a sheʼrí Nyùy ghán sidzə̀m. Vèr dzə̀ aŋgàa kitàn, yii bèy, a wír aníne kooy fo vèr. Kifá ke dzə̀ wìr yèn ji kér kí yòʼ dzə̀, yii bèy, a vèr kì kijuŋ ji Nyùy fò ne vifá vidzə̀m ji vér.

Filipi 2:18

M nén a tàʼ sa ji m wíy lóo sheʼrí e ghan see shooy, vèn wàa sheʼrí a sa.