Filipi 4:3 - ŊWÀʼ NYÙY

³ M nen kfə̀n a suúy e wò woo ŋgaà wom ŋgoo feyì ji à ku sə̀ á vikìy vee shooy, aá mán vinyo vév. Dzə̀ wír ve vèr áwune‑eè katìr, fiʼtì sáʼka Nyùy wo juŋ, a yì‑iì fiʼtì vèr à Kilemon, aàŋgaà vém ŋgoo ámóʼó sá. A wír vìn adzə̀me dzə̀, a Nyùy sàŋ ne yír sév é ŋwàʼ wo á sáŋ yír sé wìr ve á wíy lùŋ sho.

Filipi 4:3 Referans Kwoze

Ŋgaà Yen 13:8

Kù dzə̀ mo wír veé kitu ke nsay adzə̀me wíy a ghvəm nyám yee shooy ji Nyùy, a yu fo fo. A kù wíy a ghvəm wír adzə̀m ve bó á yòʼ‑oò lo sàŋ yír sév é ŋwàʼ Wàn Njiì wo vé‑eè yuyrin. A ŋwàʼ və̀ne dzə̀ wo vé‑eè saŋen yír sé wìr ve á kù‑uù wíy lùŋ sho, é bo ndzə wìy a kèʼ.

Ŋgaà Yen 3:5

A kù dzə̀ mo á wíy màʼ ndzə̀y se fəvír sí e wìr wo wù só vinyo ve bi ví wùn, a bó m yòʼ wíy səʼsí yír ŋgaàŋ fo ŋwàʼ wo á saŋen yír sé wìr ve á wíy lùŋ sho. M wíy tiím e Tàr wor Nyùy wùn à nshèelav sə́ sí si, a suúy feyì ji wìr və̀n dzə̀ wóom.

Ŋwàʼ Luk 10:20

Yii bèy, lá vèn yòʼ a sheʼrí a dzə̀ anyùy ve á yú ven. Vèn wáa sheʼrí a dzə̀ ji Nyùy sàŋ ne yír sén é ŋwàʼ woó yuv.»

Filipi 1:27

Á bèy lèn, kinyo ke vèn wáa yiì ki dzə̀ jii, vèn wáa ker liì a dzə̀ á wo wìr ve á jumrì rú kinyo ke Jesus Kristu. A ke m taʼ ki dzə̀ jii, kìn m wìy fo vèn, kìn bó m yoʼ wìy, m kù a yu a ji vèn tíy kitávín, kér shilív shimòʼón, e kfə̀n a yu ji vèn wày vifií, a fùnèn kinyo kimòʼón cáʼ ji sáʼka Nyùy wo juŋ wáa dù fo mbìy, é wíri wáa biimé.

Ŋgaà Yen 21:27

A bó yòʼ dzə̀ sá kifá ke kí kér shilóm ki nə̀ə́ é laʼ fèn gheéy. A bó yòʼ dzə̀ sá wír wo wù yii liì kisaŋ, kìn wo wù bóʼti kimboʼtì, wù nə̀ə́ fó. Kù wíy nəə́ wír ve yír sév sí dzəə̀n é ŋwàʼ Wàn Njiì Nyùy wo vé‑eè saŋen yír sé wìr ve á wíy lùŋ sho.

Ŋgaà Yen 17:8

Nyàm ye à yén rə̀n dzə̀ ben, a yì‑iì kpù ne. Yì‑iì ló a dzə e tin, e bóo kpu. A yì kfə̀n wíy fəə fo biíntùr, a ŋèʼ. A yì fəə́ bèy ji yì ku nə̀ə́ lèn, a dzə̀ é lòn woo là may. Wír veé kitu ke nsay adzə̀me wíy a leéy nyám rə̀n, a ker gháʼ, bìʼ fo yì‑iì ló a dzə fo mbìy, e nèn lò, e kpù, e bóo kfə̀n a dzə sho lèn, a ŋèʼ. A kí kù wíy a ghaʼ a dzə̀ wír ve bó yír sév sí yòʼ dzəə̀n é ŋwàʼ wo vé‑eè saŋen yír sé wìr ve á kù‑uù wíy lùŋ sho é bo ndzə wìy a kèʼ.»

Filipi 4:2

M lón fo Ewodia wùn Sintike jii, áwune ku màyìr a vinyo vév, e kfə̀n shuu e mòʼón, bìʼ fo áwune dzəə̀n wír Tàr wòsən Kristu, aá dzə̀ kintatì kimòʼón.

Ŋwàʼ woó Rom 16:12

Vèn shaʼti sá vikìy vin, Tifena wùn Tifoosa ve á lim fo Tàr wòsən Jesus Kristu, à ŋkar yem Pesir wo wù lìmèn ne fo Tàr wòsən Jesus Kristu e ŋàŋ.

Ŋwàʼ woó Rom 16:9

Vèn shaʼti sá Ubanur wo wù tatin, vèr áwune wáa lìm kinyo ke Jesus Kristu, e shàʼtì sa Shitakir woo ŋkar yem tìm.

Ŋwàʼ woó Rom 12:1

Afə̀r vem, mo Nyùy rə́si shám vèsən é ŋàŋ ben, m nén a lon feyì jii, vèn ku tàtí vitú vén adzə̀m, e fò e Nyùy, a dzə, a yu a dzə̀ fo wun. Vèn ku yiì bèy ji vèn wáa dzə a moo kifá ke á liìn, e cù Nyùy sho, wù wáa yu vijuŋ. Á dzə́ə yee réŋ ye dzə̀ vèn fò melív men e Nyùy, a bùnrì fo fo.

Nsùyrì Nyùy 69:28

Yír yéví ku fəə̀ fəə́n fó ŋwàʼ wìr ve á wíy lùŋ. Lá à yòʼ tàtí áwune é ŋgoo wìr ve á ghvə́m wò.

Ŋwàʼ Fəə 32:32

Ku làysìn jay wov. Aà dzə̀ làa yòʼ làysìn, à fə̀ə́r yír yém fo wò ŋwàʼ wo à saŋen yír sé wìr vé sho.»

Ŋgaà Yen 20:12

M yén wír ve vé‑eè kpukin ne, aá tíy e shùu kàvàʼ, à ve kuʼkìné, à ve terií. Á nèn a mvə̀ʼtì aŋwàʼ, e dù, e mvə̀ʼ wúmóʼó, a dzə̀ wo vé‑eè saŋen yír sé wìr ve á wíy lùŋ sho. Á nèn a saʼ aŋkfə vìn, a leéy vinyo ve áwune‑eè yii a dzə̀ fó aŋwàʼ ve vé‑eè sáŋ sho, e bó a tinén.

Kolosia 1:7

A wìr wo wù‑uù tòmbìy fèr kinyo kee shooy e vèn dzə̀ Epafar wo vèr áwune lim kinyo ke Jesus Kristu wír amòʼón, a vèr koŋ wun feyì. Wù nèn lì kirə́ʼ kér, e wìy, a fìʼtì kinyo ke Jesus Kristu e vèn shilív shimòʼón.

Daniel 12:1

Nshìylav Nyùy ye yì‑iì màʼàn ndzə̀y ye baán nèn kfə̀n a suúy jii, «Ghán see shooy si wíy gheén, é Mayker woo nshìylav Nyùy ye kuʼùn ŋáʼáy, a kù dzə̀ wun woo shó wo wù shiy wír vé, wù ŋáʼayì, é ghán sé ŋgeʼ ye tavín sí tsə́ŋén, a kfə́ə ŋgeʼ rə̀n wíy a dzə, a yì yòʼ‑oò ghàn ne a dzə mo vé‑eè kèʼèn, e gwàr woŋ, é bo vitúm vi wáa dzə e nsay. Wíy lòo dzə e ghan fóo fèy, é wír vée luŋ, wír adzə̀m, ve yír sév sí wíy a dzə e Nyùy ŋwàʼ.

Ŋgaà Yen 20:15

Yír wìri‑iì búŋ fo ŋwàʼ wo vé‑eè saŋen yír sé wìr ve á wíy lùŋ sho, á kù màʼ ŋgaàŋ a dzə̀ é kimbiirìn ke və̀y fey.

Esiker 13:9

«M yíi màʼ kiwó kém, e ghar aŋgàa ntum sho, ve á tiísi kinyo kisáŋ ji ghèm á mo ndzə, tiísí fú kimboʼtìi. Bó áwune yòʼ wíy nəə́ e wír vémé kitar. Bó á yòʼ wíy saŋ yír sév e wír veé Israyí ŋwàʼ kintaŋ, a bó vee shooyi yòʼ wíy nəə́ e nsay Isray, é vèn nèn kìíy ji m dzə̀ á Nyùy Tàr woo Taà Ndzə.

Aysaya 4:3

Fo ké wìr ve á wíy ber e Sion, a dzə̀ ji wir dzə̀m wo wù wíy bòy, e gòʼ e Jerusalem, á kù wíy a yen ji dzə̀ rú wír vee jeéy ji dzə̀ vé Nyùy Tàr. Kù dzə̀ ji wìr dzə̀m wo Nyùy Tàr saŋen yír sév ji á wíy lùŋ, a dzə sho atin e Jerusalem.

Filipi 1:5

bìʼ fo m kù kuúme mo vèn‑eè tatin mo, e kèʼ fo kishiíy ké mbìy ki, vèsən wáa sàmèr sáʼka wo juŋ woo bìʼ Jesus Kristu, e shem lèn.

Filipi 1:7

A dzə̀ m wàa kuumé ven bey, bìʼ fo vèn dzəə̀n tím yém, a vèsən tíy e kinyò kimòʼón, a dzə̀ ke Nyùy bùʼùn vèsən shó wír adzə̀m. Vèsən tíy sho lèn wo m dzəə̀n é sháŋ, a kù‑uù tíy vèsən é ghan se mò‑oò dzəə́ ghán, binèr fo sáʼka Nyùy wo juŋ, naarì mo wù dzəə̀n.

Filipi 1:12

Afə̀r vem, m taʼ, e yiì, é vèn kiíy ji ŋgeʼ se sí kooyin mo sin si yiì ne, sáʼka wo juŋ woo kùm Jesus Kristu wáa kuy kuyín, a dù fo mbìy.

Filipi 1:16

bìʼ fo áwune koŋ mo, aá kì ji wày Nyùy mo é sháŋ ji m fíʼ a dzə e ntoʼ fèn, a bìnèr fo sáʼka wo juŋ woo kùm Jesus Kristu.