Filipi 4:22 - ŊWÀʼ NYÙY

²² A wír Nyùy adzə̀me shaʼtì sa ven, bo taaka ve á dzəə̀n e Fòn woó *Rom ntoʼ fèn.

Filipi 4:22 Referans Kwoze

Filipi 1:13

A ke kí kooyin kí dzə̀ jii, mo m dzəə̀n é sháŋ a dzə̀ é ntoʼ fèn, vé rər ve á shiy ntoʼ rə̀n wùn à wír veé ntoʼ fèn adzə̀me kìíy ne lèn a ji á wày mo é sháŋ cáʼ ji bìʼ fo m fiʼtì kinyo ke Jesus Kristu.

2 Korin 13:13

Wír Nyùy vee fen adzə̀me shaʼtì ven.

Ŋwàʼ woó Rom 16:16

Vèn shaʼnin, é wìr baámé wír moo fə́r və woo wir Nyùy. Vintatì ve Kristu vee fen vidzə̀m vi shaʼtì ven.

1 Pita 5:13

Kintatì ke kí dzəə̀n é *Babilon fèn ki shaʼtì ven. Maak woo wán wom shaʼtì sa ven.

Hibru 13:24

Vèn shaʼti vilìmbìy vén ví vidzə̀m, e fò e mò, e kfə̀n shàʼtì wír ve dzəə̀n vé Nyùy adzə̀m. Afə́r vesən ve á wìyìn fó wòŋ Itali, e yèn mo féne shaʼtì ven.

Lim Aŋgàa Ntum 9:13

Ananiar nèn sùúy jii, «Tàr, mò‑oò sí yú léŋ wìr və̀n fo wíri anín mo wù‑uù nyavrì e wír vée é Jerusalem.

3 Joon 1:14

M leey jii, m táv keèrí kintóʼ, e bóo wìy, é wòsò dzəʼəm fó si, é bo m fer wò vinyo vee shoon vidzə̀m.

Matio 5:47

A vèn lò, a shàʼtì a dzə̀ ŋkar sén, vèn wàa kwàʼtì ji vèn yii ka ke juŋ kímóʼ kí? Wír ve bó á yòʼ kiìn Nyùyi yii sa bèy.

Lim Aŋgàa Ntum 20:38

A vé‑eè dìy é ŋàŋ bey, bìʼ fo wù kì suuyin ji bó á yòʼ dzəə́ wìy yen a sí rə́. Wù lòo lò, á tsəə́né wun, e mèé e shùu kikoŋ.