Filipi 4:2 - ŊWÀʼ NYÙY

² M lón fo Ewodia wùn Sintike jii, áwune ku màyìr a vinyo vév, e kfə̀n shuu e mòʼón, bìʼ fo áwune dzəə̀n wír Tàr wòsən Kristu, aá dzə̀ kintatì kimòʼón.

Filipi 4:2 Referans Kwoze

Hibru 12:14

Vèn wáa mùm kitávín ji vèn à wíri wáa dzə dzə́ ye juŋe ji nyaáŋ, e kfə̀n a mùm feyì ji vèn wáa ker a dzəʼə̀m ye yí wáa dzə e juŋ, là nsem, a kiíy jii, a wìr bùŋ dzəʼə̀m yee bey, bo bó yòʼ dzə̀ á wù wìy yèn Nyùy.

1 Korin 1:10

Afə̀r vem, m nén a lòn feyì e Tàr wòsən Jesus Kristu yir jii, vèn ku tàtí, a dzə a shuu e mòʼón, e làa yòʼ jàvsìn, a dzə jeéy jeéy. Vèn kú a sìysì kinyo kén amòʼón, a tiy a dzə̀ e kíwun ki.

Maak 9:50

Shiŋgwáŋ shi dzə̀ kifá ke juŋ ki. Yii bèy, a shí lò, e səə̀rí, á yeè shó, bo shí kfən nyòm. Vèn wáa dzə moo shiŋgwáŋ she nyomèn shí, a dzə e wírí mvəm, a yiì, é vèn à wíri wáa dzə ji nyaáŋ.»

1 Tesalonika 5:13

Vèn wáa ghvəm áwune kijuŋ, a kòŋ shilív shidzə̀m, bìʼ fo áwune lim bìʼ ven. Vèn kfə́n a kuumé ji lá vèn yòʼ a taŋnín ven ven.

Kèʼlo 45:24

Wù màysì, e tsəə̀né afə́r və́. Á lòo dù, wù suúy aáwune ji lá áwune yòʼ a taŋnín a e dzəə.

Filipi 3:16

Kinyo ke kuʼùn kí dzə̀ ji vèsən ku ghàr á kinyo ke vèsən yeʼeyin ne, e sèéy sho kijuŋ.