Filipi 4:19 - ŊWÀʼ NYÙY

¹⁹ Nyùy wo m bunrì və̀n kér nyanyày vifa, a wù wày ne vidzə̀m e Jesus Kristu kiwo, a wù wíy a fo ven ve vèn kér shií shó vidzə̀m, a fo feyì nyanyày.

Filipi 4:19 Referans Kwoze

Nsùyrì Nyùy 84:11

Nyùy Tàr, wun woo Nyùy dzə̀ shuy wìr və́, a kfə̀n dzə̀ wun kikiŋ kév. Wù din koŋ rə́ aáwune, kóʼor ghay wóv. Bó yòʼ dzə̀ wù kìm kifá ke juŋ ki fo wír vəə́, wír və́, ve á ghán e wun mbòv, là kiloʼ.

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

1 Timoti 6:17

M nén kfə̀n a suúy e wò jii, à kú a tir wír ve á kér bùʼ a dzə̀ woó ndzə fèn a ji lá á yòʼ a koʼór wún, a tiír vifií a dzə̀ é bùʼ foo fèy, bìʼ fo bó yòʼ dzə̀ á kìíy ghán se wù mayì. Áwune wáa tiír vifií a dzə̀ e Nyùy wùn. Fó wun vifá vidzə̀m, a wù fó nyanyày feyì ji vèsən wáa yu vijuŋ fo fo.

Mayka 7:7

Yii bèy, fo kém kí, m kù yíi a beè a dzə̀ Nyùy, a shìy a dzə̀ wun wo wù luŋèr mo. Wun woo Nyùy wo m suyrì kù yíi yu tóŋ yém.

Malakay 3:10

«Vèn wiy e nsùʼ wo a kì dzə̀ vèn wìy shó e dzə̀m, e lèm e mǒ kitàv. Nsùʼ woo ji á jav kifá ke á keŋen kirə́ʼ e ghvə̀m, e fò kee kimòʼón e Nyùy. Vèn wiy shó, é viyíkìr vi fíʼ a dzə e mǒ lav. Mo woo Nyùy Tàr woo Taà Mànjòŋ suuy jii, ‹Vèn ku mùm mo, e wìy e nsùʼ və̀n, e yèn mo m lo, e mvə̀ʼ shúu yuv, e cuùrì kisəəvì, é kí kuʼ, é vèn búŋ vitáv vé a lèm sho.

Nehemia 9:15

Jìŋ‑eè lóo yar áwune, à tsə́nsí viyíkìr ve ví‑iì loòn a dzə̀ fó yuv. Kilòŋ kí wáa yum áwune, à fəə́r mendzə́v fó kilan, á nó. À kfən yòŋ aáwune ji á du, e yòv a nsay ye wò‑oò lìʼìn ji à wíy fo aáwune.

2 Samuel 22:7

Ŋgeʼ si‑iì rùn e mǒ kitu, m tóŋ e Nyùy Tàr, m rəə́mé Nyùy wom. Tóŋ yémé tó e wun kitùʼùr, wù yú jí yem e wun lav cù.

Nsùyrì Nyùy 36:8

Á kù yí vifá ve à nə́ʼsin áwune shó nyanyày, a vifá vé ve juŋ vi léŋ moo ndzə́v, a wíri tú, nó.

Kolosia 1:27

A kù dzə̀ mo wù‑uù sìysìn ji wun wíy yiì, é wír vəə́ kiíy á kinyo ke wù‑uù lìtìn kin, kee ji wun wíy bùʼ vitúm vidzə̀m e vijuŋ ve ghaʼán ví. Mo Jesus Kristu siìn e věn meliv, a dzə̀ vèn kìíy ji vèn wíy nəə́ e wun woo Nyùy mvə̀m vijùŋ veé yuv.

Efesor 3:16

Mo dzəə̀n wun wo kuʼùn, a vifá vidzə̀m vi dzə̀ a dzə̀ e wùn kiwo, m nén a lon ji wù ku yiì, é Kiyoy kfə́ kí wáa tavír ven, é vèn wáy gháŋ, é melív men mè wáa lùm e wùn kinyò ghán sidzə̀m.

Kolosia 3:16

Vèn kú a kuumé kinyo a dzə̀ ké Jesus Kristu ghán sidzə̀m, é kí wáa lìm e věn vifii, é wìr wáa yeʼéy fə́r və, a tir e vifií ve ví lo a dzə̀ fo Nyùy vi. Vèn kú a sheʼrí Nyùy fo věn meliv ghán sidzə̀m, a yòv luŋ se sí fəə́ fo wùn ŋwàʼ, kìn dzə̀ se Kiyoy kfə́ kí fó e ŋgaàŋ, e kfə̀n a yòv símóʼ sí, a sùyrì wun sho.

Ŋwàʼ woó Rom 8:18

A m kì féyì jii, bó yòʼ dzə̀ á fìʼsìn ŋgeʼ ye vèsən yén fo shintàm fèn wùn à vijuŋ ve vèsən wíy a ker e yuv ghán sidzə̀m vi gheéy.

Efesor 1:7

A kí dzə̀ jii, mo Jesus Kristu‑uù cùtìn mensə́ mvə fo vèsən, Nyùy làysìn ne vinyo vesən ve bi ví, vèsən vee wír Kristùu bóy á fo ŋgeʼ, e lùŋ. Á mo Nyùy kòŋèn vèsən é ŋàŋ, e bùʼ e lúm mbùʼmé və̀ne ben,

2 Korin 4:17

A ŋgeʼ se vèr yén fo shintàm fèn sìn si náŋsin ver náŋsín, é vèr wìy nə̀ə́ e Nyùy mvə̀m vijùŋ ve ghaʼán ví, ve bó yòʼ dzə̀ ví mày, a bó yòʼ dzə̀ wìr kìíy móo fìʼ.

Ŋwàʼ woó Rom 9:23

A wù‑uù yii bèy ji wun rə́r á mendzən me wìr ve wù‑uù yiìn ne shòʼ fó ŋgùʼ ji wun wíy bùʼ e vijuŋ və́ ví, é wìr dzə̀m yén á mo wun woo Nyùy yii koŋ wíri, rə́r mendzən mev é ŋàŋ.

Efesor 3:8

Wù‑uù fò lim yee shoon a dzə̀ e mò və̀n, mo wo m dzəə̀n bám fo wír vəə́ adzə̀m. Wù‑uù tùm mo ji m wáa ghan fo wír ve bó yòʼ dzəə̀n veé Israyi, a fìʼtì a nyanyày vijùŋ wo Nyùy fó e wír ve á tatin wùn à Jesus Kristùu adzə̀m.

Nsùyrì Nyùy 130:7

Éè wìr veé Isray, vèn kú a tiír a dzə̀ Nyùy Tàr fó mbìy. Kù kér wun koŋ ye yí tíy fo, a kù luŋèr wun wíri ŋkuuŋkùŋ.

Nsùyrì Nyùy 104:24

Rúrú, Nyùy Tàr, lim yée kùʼ e ŋàŋén. Wò‑oò bòm vifá vidzə̀m, a dzə̀ mo vifií vé vi dzəə̀n vishoón. Kitú ke nsay ki kù rún e vifá ve wò‑oò bomen ví.

Efesor 1:18

A kí dzə̀ jii, wù ku ŋàʼár melív men, é mè wáa tiy a dzə̀ é kinyò ke wù‑uù liìn ven shó, é vèn wáa kiíy mo kí dzəə̀n, e kfə̀n a kiíy vijuŋ ve ghaʼán ve wù kàʼàn wír və́ shó adzə̀m,

Efesor 2:7

A wù‑uù yii bèy ji wun din á mo wun kòŋèn vèsən, e bùʼ e mbùʼmé woo là mfìʼ bìʼ Jesus Kristu wo vèsən áwune tatin, aá wáa yen ghán sidzə̀m, e dù, e mày.

Ŋwàʼ woó Rom 2:4

A dzə̀ é ghanmóʼ, à wàa kwàʼtì ké jii, mo Nyùy kfəmen, a leéy wíri ji nyaáŋ, a rər mendzən mev, bo bó wù yòʼ wíy màʼ a ŋgeʼ e wò. Aà kwaʼtì bèy, à kù yòʼ a kuumé jii, Nyùy yii lèn bèy a dzə̀ cáʼ ji à fiʼ yèn jay wò, e bìnèr shilív shé.

2 Wòŋ 18:13

Mikayia nèn sùúy jii, «Rúrú, mo Nyùy Tàr dzəə̀n shó, a dzə̀ m kù sùúy kinyo e fòn cáʼcáʼ a dzə̀ ke Nyùy wom yòŋèn.»

Kèʼlo 48:15

Wù wáa səə̀vì Joosev, a suúy jii: «Nyùy atàr vém vee Abraham wùn Aysi, Nyùy wo áwune‑eè ghvə́mé, Nyùy wo wù‑uù leey fo mò, e wìy meé lán,

Daniel 6:22

Nyàr, Nyùy wom‑ee lo tsə̀nsí a nshìylav rə, e sə̀tí a shúu abvərə̀ʼ ji fo á lémér á mo. Wù‑uu yii bey, bìʼ fo wù yenen ji bó m yòʼ kì á fo kinyò. Nyàr, éè tàr wor, m sà‑aa yií ne kintéŋ ke kinyò e fòn a?»

Ŋwàʼ woó Rom 11:33

Vèn ku yèn búʼú mo Nyùy koŋ wíri, rə́r mendzən mev é ŋàŋ. Vifií və́ ví dzə̀ vigháʼán, a wù kì vinyo vidzə̀m. A bó yòʼ dzə̀ wìr kìíy mo wù lo, wù kwàŋ kinyo kfə́, a bó yòʼ dzə̀ wír wù kìíy sá mo wù yii vinyo ve wù yii.

1 Pita 5:1

M nén a tir wír ve dzəə̀n atǎr kintatì e věn mvəm. A m tír moo wír wo dzəə̀n sá taà kintatì wùmòʼ, kfə̀n suuy moo wír wo wù‑uù yenen e sí rəə́ mo Kristu yén ŋgeʼ bìʼ vèsən, kfə̀n suuy moo wír wo vèn áwune wíy nəə́ e vijùŋ ve Kristu wíy wìy sho.

1 Tesalonika 2:12

vèn wáa ker a liì wo wù gheenen Nyùy. A dzə̀ wun woo Nyùy wo wù liìn ven ji vèn wáa dzə e wùn mvə̀m saʼ, e nəə́ sa e wùn mvə̀m vijùŋ.

Ŋwàʼ woó Rom 1:8

A dzə̀ m kù tòmbìy fèr mo m shéʼri feyì, bee Taàtá Jesus Kristu, beerì Nyùy wo wù kér mo, bìʼ fo wíri sí yú virə́ʼ vidzə̀m mo vèn wayin shilív e Jesus Kristu wùn, a tiy vèn áwune.

Joon 20:27

Wù nèn sùúy e Tomar jii, «Wìy ri, e mùmrì wó yémé e kiwó ki, e kfə̀n lèéy mo yí dzəə̀n. Tsə́nsí kiwó ké ki, e mùmrì sa búu wóm nsaŋe, e bèr kiŋkìnèn, e biìmé ji dzə̀ rú á mo.»

Joon 20:17

Jesus suúy shó jii, «Lá à yòʼ a ghar mo, bìʼ fo m yóʼ ne kfə̀n fo Tàr wór wùn. Ku dù duùn, e tiìsí aàfə́r vémé ji m sí kóʼ, e yen a Tàr wor wo dzəə̀n sá Tàr wov. Dzə̀ Nyùy wom, a kfə̀n dzə̀ sá wóov.»

Filemon 1:4

M lo ji m bunrì fo wò, Filemon, m kù a burí Nyùy búrín ghán sidzə̀m,

2 Korin 12:21

A m kfə̀n fan fó wìy wìy, é Nyùy yii, é m wáa woomé, a sòv kitú fo wír ve vé‑eè yii vinyo ve kisaŋ vi, e làa yòʼ bìnèr melív mev, e shem lèn, kù jaŋ a dzə̀ kinjàŋ, yii kfə́ə joònè woo bey.

Nehemia 5:19

Éè Nyùy wom, á kuumé rì mo e shiliv she juŋ shi, bìʼ kinyo kidzə̀m ke m yiìn e wír vìne.

Matio 6:32

Wír ve á yii wáy vifií é vinyò foo fèyi dzə̀ ve bó á yòʼ kiìn Nyùy. Vèn dzə̀ kén, a Tàr won wo wù dzəə̀n é yuv kìíy ne ji vèn kér shií é vifa foo fèn vidzə̀m.

Filipi 4:7

Vèn lóo yiì bèy, é Nyùy nèn a yiì, é melív men mè wáa dzə nyaáŋ, é wùn à vifií vén ví ku nèn a tiy a dzə̀ e Jesus Kristu wùn. A bó yòʼ dzə̀ wìr kìíy móo fìʼ nyaáŋ wo Nyùy fó və̀n gheéy.

2 Wòŋ 31:8

Fòn Hesekiya wùn aàtǎr ntoʼ vəə́ wìy, e yèn vikfə́r ve vifa vìy, e bùrí Nyùy Tàr, e beèrì wír və́ veé Isray.