Filipi 4:17 - ŊWÀʼ NYÙY

¹⁷ A bó m yòʼ suuy bèn ji m shéʼri a dzə̀ vifá ve vèn‑eè fó e mò. M shéʼri a dzə̀ vilaámé ve Nyùy wíy laamé ven shó bìʼ kinyo ke vèn yii e mò kin.

Filipi 4:17 Referans Kwoze

Titur 3:14

A dzə̀ wír vee vèsə́n kintatìi kù a kiíy ji á wáa yiì lim ye juŋe, a sə vinyo ve ví dzəə̀n é shií. Lá áwune yòʼ a dzə dzəə́n kisáŋ.

Hibru 6:10

Bó Nyùy yòʼ yii lóʼ wír. A bó yòʼ dzə̀ wù làysìn mo vèn rə́si lim e wùn kinyò. Wù yoʼ làysìn mo vèn koŋ wír ve dzəə̀n və́ adzə̀m, sə́ áwune. A vèn lim a dzə̀ fo wun réŋréŋ mo vèn kù yii, e shem lèn.

Joon 15:8

Vèn lóo dzə moo tám wo wú koom kijuŋ, bo vèn kóʼor a dzə̀ yír Tàr wor, din ji vèn dzə̀ rú wír vém.

1 Pita 5:2

A m tír ven jii, vèn kú a leéy a fo kintatì ke Nyùy wayin e věn kiwo ki, a dànèr mo wìr yii danèr njiì və. Vèn wáa leéy feyì kijuŋ ji kòŋ a ven, e làa yòʼ a leéy mo á kàn ven kánen. Lá vèn yòʼ a leéy, a dìy mbàm, bìʼ fo kee shooy ki dzəə̀n woómé se kuʼùn sí.

Titur 1:7

Mo lèmèn Nyùy ŋgaàŋ ji kilìmbìy ke wìr və́, kí yoʼ ghèén ji wù wáa ker nsem e dzəə yìmòʼ. Kìn dzə̀ ji wù wáa koʼnín, e kfə̀n a nyarnín, a no meluʼ e ŋàŋ, a tàʼ melaà, a dìy a dzə̀ shuu və́.

Filipi 4:11

A bó m yòʼ kfə̀n suuy sa fó a dìn ji m búŋ a kifá. M mèrìr ne dzəʼə̀m yém, yí gheén mo.

1 Tesalonika 2:5

Vèn kì kijuŋ, a Nyùy kì sá bèy, ji bó vèr yòʼ‑oò lo wìy, a leèrì wíri léerin, a bó vèr yòʼ‑oò lo bòm sá kinyo ji á fíʼ koóy kifá.

2 Korin 9:5

Á kinyo ke kí yiìn, bo m shoŋri afə́r vesən vin ji á ku wìy fo mbìy, e bàʼtí fómo wo vèn‑eè kàʼàn və̀n, m wíy lóo wìy, a wù sì é kiwo ji fómo won, fo kí wáa dzə mo á kàn ven kánen.

Ŋwàʼ woó Rom 15:28

Kí nén a dzə jii, m wíy dù, wáy mbàm sìn aáwuné kiwo, é m nèn lì dzə́ə, a dù e wòŋ woo Spen. Lóo dù, é m shaa, e ghàn ven.

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

2 Korin 11:16

A m kfə̀n suuy, lo li jii, lá wìr yòʼ a yen a ji m suuy a dzə̀ kitú, a m yúŋsi yùŋsín. A wìr yén bèy, kii ŋgaàŋ, wù kù yòʼ a yuurí kinyo ke kiyúŋ kin ki dzəə́ yìi a saà wún shó shishàr.

Malakay 1:10

Wù yoŋ feyì jii, «Ke m taʼ ki dzə̀ ji wìr fo věn mvəm ku sə̀tí shúu lav cùu sə́tín, fo vèn kfən tòn və́y é kiy cù. M yòʼ kér shií won, a bó m yòʼ yíi səəsí cu yén. Á ke yòŋèn mo woo Nyùy Tàr woo Taà Mànjòŋ.

Ŋgàn 19:17

Wìr wo wù shám ŋgaà kitàn, maʼ a dzə̀ Nyùy Tàr ŋgwáʼ, a wù wíy kòr mo wù‑uù màʼàn.

Ŋwàʼ Jud 1:11

Lòné dzə̀ aáwuné vitu. Áwune yii vinyo a dzə̀ vé Keen, kfə̀n maysì, wáyri wó e jay wo Balaam‑eè yiìn, bìʼ fo á wáy vifií vév a dzə̀ é mbàm. A Nyùy kù wíy laàr áwune adzə̀m mo wù‑uù laàrìn Kora wo wù‑uù loòn, a tsəy kóy wùn wun.

2 Pita 2:3

Mo wír vìne kù taʼ a dzə̀ mbàm, á lo, aá nèn taà vinyo vinín, a boʼtí ven shó ji á fíʼ koóy. A Nyùy kù‑uù shòv ne áwune fó ŋgùʼ, e bàʼtí lòn wo áwune wíy nəə́ sho.

1 Timoti 3:3

Bó yòʼ dzə̀ wàa dzə wír wo wù nó meluʼ e ŋàŋ, a bó yòʼ dzə̀ wàa dzə wo wù wámri wíri. Kù kér fó a dzə wir kiman, e làa yòʼ a taŋnín, é la yòʼ a dzə sa wír wo wù kér shií é mbàm.

Filipi 1:11

A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.

Mayka 7:1

Ŋgeʼ sém féyì! M sì moo ŋgaà vinsíy wo á kavin vifá fo kwaʼ, wù wáa ghan, a siy, a dzə moo wír wo á rèŋèn ruʼ, yí kpú, wù wáa jiysí vileérí. Vifá vìn vi dzə̀ ve m kér shií shó, a bó m yòʼ kér kée bàʼ shuu sho.

2 Pita 2:15

Áwune màʼtì dzə́ə yee réŋ, e bìn e ye kisaŋ, a yiì mo Balaam woo wan Beor‑iì yiìn. Vé‑eè beè wun e kinyò ke bi kí, wù wáa kòŋ bìʼ mbàm se vé‑eè kàʼàn wun sho.

1 Timoti 6:10

Kfə́ə se vinyò ve bi ví sidzə̀m si kù ghán a dzə̀ é bǎm mbàm se wìr wáy vifií shó. Kù dzə̀ mo wír ámóʼó màʼàyìn ne kinyo ke Nyùy ke dzəə̀n ke ru kí, e nə̀ə́ e mvə̀m vinyò vinín, a rəsí, a rə̀m ntéŋ, a dzə̀ bìʼ shií wo á kér e mbàm.