Filipi 4:14 - ŊWÀʼ NYÙY

¹⁴ Mo m fə̀m suuy bèn, vèn‑eè lo yiì kijuŋ feyì, e sə̀ mo é ghan sé ŋgeʼ sìn.

Filipi 4:14 Referans Kwoze

Hibru 13:16

Lá vèn yòʼ a làysìn sa fó a yiì vinyo ve juŋ vi, a jàv vifá vén, a sə wír ámóʼó shó. Vèn wáa kuumé jii, vèn lóo yiì bèy, bo dzə̀ á cu ye Nyùy koŋè.

Filipi 1:7

A dzə̀ m wàa kuumé ven bey, bìʼ fo vèn dzəə̀n tím yém, a vèsən tíy e kinyò kimòʼón, a dzə̀ ke Nyùy bùʼùn vèsən shó wír adzə̀m. Vèsən tíy sho lèn wo m dzəə̀n é sháŋ, a kù‑uù tíy vèsən é ghan se mò‑oò dzəə́ ghán, binèr fo sáʼka Nyùy wo juŋ, naarì mo wù dzəə̀n.

Hibru 10:34

Vèn‑eè yii bèy, bìʼ fo vé‑eè rə́r mendzən fo vé sháŋ vee shooyi. Wíri‑iì lóo bàn ven, lóo faàsì vifá vén, vèn kù a biimé biimén, a sheʼrí, bìʼ fo vèn kiìn ji vèn kér vifá vén vímóʼ ví ve ví shaàn veé nsay fèn vìn, a bó yòʼ dzə̀ vee shooy vi wìy mày.

Galatia 6:6

Kímóʼ kí nén a dzə jii, wír ve á yéʼey kinyo ke Nyùy yéʼéyíné wáa jàv a vifá ve Nyùy foon aáwune vidzə̀m, a fo wír ve á yéʼey áwune.

1 Afòn 8:18

Nyùy Tàr nèn sùúy e tàr wor Davir jii, mo wù kér e wun shiliv ji wun baʼri á lav ye á wáa cù wun sho, bo dzə̀ á kwaʼtì ye juŋe.

1 Timoti 6:18

Ku sùúy ji áwune wáa yiì a dzə̀ á vinyo ve juŋ vi, é vikuʼùy vév ví wáa dzə lim ye juŋe ye á yii. Á wáa ŋwàr bùʼ wov woo shooy, a sə wír ve á búŋ sho.

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

Matio 25:21

Tàr wov shéʼrí jii, ‹Beerì feyì, à dzə̀ wánlè woo jwáʼ, aà kér liì wo juŋ. Mo wò‑oò siiyin, a leéy fo shifarìn fèn kijuŋ, m yíi lèm wò lèn, áà wáa leéy fo ke kuʼùn kí. Shaà ri, e nə̀ə́ e mǒ mvə̀m vijùŋ.›

Ŋwàʼ woó Rom 15:27

Kù‑uù kwàʼtì áwune, e sìysì kee shooy. A dzə̀ mo dzə̀ áwune kù yiì bèy, bìʼ fo sáʼka woo kùm Jesus Kristu‑uù loòn a dzə̀ fo wír veé Judàa, é bo á wáa fìʼtì aáwune ve bó yòʼ dzəə̀n wír veé Juda, aá wáa dzə sa wír Nyùy lèn, a yu vijuŋ. Mo áwune yú vijuŋ a dzə̀ bìʼ wír veé Juda, Nyùy fó áwune kifá, á sə́ sá wír veé Juda sho.

2 Wòŋ 6:8

Nyùy Tàr nèn sùúy e tàr wor Davir jii, «Mo wù kér e wun shiliv ji wun baʼri á lav ye á wáa cù wun sho, bo dzə̀ á kwaʼtì ye juŋe.

Ŋgaà Yen 1:9

Mo woo Joon dzə̀ fə́r won wo vèsən tatin é kinyò ke Jesus Kristu. Vèsən nén a yen ŋgeʼ bìʼ wun wír adzə̀m. Yii bèy, á kú a dzə ji nyaáŋ, a yu a dzə̀ fó fo, a kiíy ji vèsən sì á wír və́, aá nə̀ə́ ne e wun mvə̀m vifòn. Mo m kù‑uù sí tíy a dzə̀ e Nyùy kinyò, fiʼtì kinyo ke Jesus Kristu, á nèn koò mo, e shìvìr e shiwòŋ shímóʼ shí é ntìntìn ndzə̀v, aá yoŋ ji Pamor.

Hibru 10:33

Vé‑eè lo, á wàa koorí wír fo vèn, a shaà sho e wírí mvəm, á wàa kèŋ, a nyàvrì sho. Lo e ghan símóʼ sí, á koòrí wír vén, kibér ki wàa ghan fo bàm, a sham, á wàa kèŋ sa áwune.