Filipi 4:13 - ŊWÀʼ NYÙY

¹³ Mo kù fó Jesus Kristu vitaáví e mò, m nén a dzə, vinyo vidzə̀m vi wáa gheén mo gheénén.

Filipi 4:13 Referans Kwoze

Aysaya 41:10

Lá vèn yòʼ a fàn, m dzə̀ vèsən. Lá kindzə́m kí yòʼ a gwàr ven, m dzə̀ Nyùy won. M kù wíy a fo ven vitaáví, a sə ven. M wíy a kìŋsìn ven e vitaáví vém ve ghaʼán ví.

Kolosia 1:11

Vèr kfə́n a lon jii, Nyùy wo vitaáví vidzə̀m vi dzəə̀n və́ kú a tavír ven, é vèn wáa shaà e mvə̀m ŋgeʼ sidzə̀m, a lì vinyo vidzə̀m ji weè, a sheʼrí,

Efesor 6:10

Kidzə̀m ki nén a dzə jii, vèn wáa tiy a kitávín. A kí dzə̀ jii, vèn kú a tiy vèn à Tàr wòsən Kristu, a yeʼtí a dzə̀ e və́ vee vitaáví ve ghaʼán ví.

Efesor 3:16

Mo dzəə̀n wun wo kuʼùn, a vifá vidzə̀m vi dzə̀ a dzə̀ e wùn kiwo, m nén a lon ji wù ku yiì, é Kiyoy kfə́ kí wáa tavír ven, é vèn wáy gháŋ, é melív men mè wáa lùm e wùn kinyò ghán sidzə̀m.

Joon 15:7

A vèn fèn tíy e mǒ wùn, a jí sém sí tíy e věn meliv, bo dzə̀ vèn lòn kifá ke á lón fo Nyùy, a ker kíwun.

Aysaya 45:24

Wíri wíy a yòŋ kee kùm mo jii, ‹Vinyo vee réŋ wùn à vitaáví ví kù lo a dzə̀ fo Nyùy Tàr cáʼcáʼ.› » Wìr dzə̀m wo wù ban Nyùy Tàr kù yíi wìy, é wù yii, aáwune wáa woomé.

1 Timoti 1:12

M nén a beèrì Taàtá wòsən Jesus Kristu feyì mo wù‑uù wayin shilív e mǒ wùn ji dzə̀ m yiì á lim rə̀n. A m lim a dzə̀ mo wù foon vitaáví ve m wáa lìm sho.

Matio 14:29

Jesus bìnèr jii, «Á wìy rì.» Pita nèn fəə̀ fó kikoŋ, e kèʼ, a ghan e kitu ke ndzəv, a dù fo Jesus wùn.