Filipi 4:12 - ŊWÀʼ NYÙY

¹² M kìíy ne mo dzə̀ wìr wàa tàn, e kfə̀n kìíy mo dzə̀ wìr wàa ker vifá vinín. M nen kìíy sa lèn mo dzə̀ m wàa dzə, a sheʼrí, a m fə̀m dzə́ e le. Kìn m kér kifá ké a yi, kìn bó m yòʼ kérí, kìn m tanè, kìn m kér vifá vidzə̀m, m kù a sheʼrí sheʼrín.

Filipi 4:12 Referans Kwoze

Matio 11:29

Vèn toór kimbùŋ a dzə̀ kém, a yu a dzə̀ fo mò. M yii géʼ e wíri géʼén, kér shilív shee nyaáŋ. Vèn ku wìy, e meèmè, é meliv men mè rəsin.

2 Korin 11:27

M lo, m wàa gisín e lìm, a sòrkìr, a shiíy là mbuùné. Kfə́n lo, m bùŋ kifá kee yi, e shìíy e jìŋ. M du fomóʼó, m bùŋ mendzə́v mée no, yímóʼó m shìíy fó ndzə, e kidzər.

2 Korin 11:9

Mò‑oò ló a buŋ kifá, a bó m yòʼ‑oò ló a leéy ven gheéy. Vintatì veé Masedonia vi túm afə́r vesən ámóʼó, á wìy e vifá ve mò‑oò búŋ vi vidzə̀m. A kù dzə̀ mo m wíy a dzə, a bó yòʼ dzə̀ m wàa leéy kifá kímóʼ kí fo vèn gheéy.

Remrí 32:10

Nyùy Tàr kù‑uù yèn Isray, aá ghán, ján e tím woʼ. Wóʼ, a shwér wo tavíné shaa fo. Wù‑uù kìŋsìn áwune, e gèʼ shó, réŋréŋ mo wìr gèʼ e wàn si və,

Aysaya 8:11

Á bèy, Nyùy Tàr wáa suŋnín e mò woo Aysaya, m wáa yu vitaáví və́ e mǒ wùn, kù moo ji wun woo Nyùy kum mo kúmen e kiwó ki. Wù‑uù tír mo, kantì jii, m wáa yen a fó a jùmrì vinyo ve wír vìne yii. Wù‑uù sùúy e mò jii,

2 Korin 11:7

Mo mò‑oò jayin ne, e bóo wìy, a fìʼtì sáʼka Nyùy wo juŋ e vèn kisáŋ, bo m kù‑uù jày ne. Bó m fèn‑eè jày jáyín, e bóo lì kitú kém shishàr ji m fíʼ koʼór ven á?

2 Korin 10:10

M kì ji wír ámóʼó káy mo jii, m yii sáŋ ŋwàʼ, m shèŋrì, wú wàa sənín kinyo, e kfə̀n a dìn sáʼ ye tavíné. Yii bèy, m lóo dzə fo si, la á yòʼ yèn á mbòv, a bó ndzə̀né yòʼ dzə̀ á e kinyò ke m suuyì.

2 Korin 10:1

Mo woo Por, m kì ji wír ámóʼó lo, á wàa suúy a jii, m lóo saŋ kinyo, a m dzə̀ fó səné, m wàa ghàŋtì shuu, mee fo si, m wàa boòrì a lám. Mo woo shooy, m nén a boòrì ven ji weè, mo Kristu kù yii boorì, a suúy jii,

Jeremia 31:19

Vèr‑iì bìn ndzə̀m e wò, lèn wáa dzə, a vèr sí rəm ntéŋ. Mo à yiìn, vèr kiíy jay wor, vèr nén a dzə e nsòvkìtu, a ker woómé wùn à dzə̀rkìtu, bìʼ ajay ve vèr‑iì yii, aá dzəə́ kúy kuyín.› »

Nehemia 9:20

Wò‑oò fò Kiyoy ké ke juŋ ki aáwune, kí wáa tir áwune, a bó à yòʼ‑oò lo yàr fó yiír áwune e manna, aà yòʼ‑oò lo yàr fóo fo mendzə́v ji á nó.

Matio 13:52

Wù suúy jii, «Dzə̀ rú, wìr wo wù sí yéʼey kinyo ke saʼ Nyùy ye yí wiy lèn, ŋgaàŋ dzə̀ moo taà laʼ wo wù kér ambùʼmé vee fó ŋgùʼ wùn à vee lène e wùn kitàv. Wù lo, wù fə̀ə́r wo wù gheenen wun e ghan se wù kòŋèn.»