Filipi 4:11 - ŊWÀʼ NYÙY

¹¹ A bó m yòʼ kfə̀n suuy sa fó a dìn ji m búŋ a kifá. M mèrìr ne dzəʼə̀m yém, yí gheén mo.

Filipi 4:11 Referans Kwoze

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,

2 Korin 9:8

A dzə̀ Nyùy, wù fò ven nyanyày vifa, vèn wàa ker vifá ve vèn kér shií shó vidzə̀m, é ví wáa jamtín jamtín, é vèn wáa ŋwàr, a tomrí vinyo ve juŋ vi shó vidzə̀m,

2 Korin 6:10

A vinyo vi fə̀m kooy ver, a vèr sov kitú, vèr kù yòʼ a sheʼrí Nyùy ghán sidzə̀m. Vèr dzə̀ aŋgàa kitàn, yii bèy, a wír aníne kooy fo vèr. Kifá ke dzə̀ wìr yèn ji kér kí yòʼ dzə̀, yii bèy, a vèr kì kijuŋ ji Nyùy fò ne vifá vidzə̀m ji vér.

2 Korin 8:9

Vèn kì sá mo Tàr wòsən Jesus Kristu‑uù shamen vèsən. Vifá vidzə̀m vi dzə̀, a yì‑iì kér wun, wù màʼtì bìʼ vèsən, e wìy e ndzə ji ŋgaà kitàn. A wù‑uù yii bèy, ji vèsən fíʼ nəə́ e Nyùy mvə̀m vikùʼùy.

Hibru 10:34

Vèn‑eè yii bèy, bìʼ fo vé‑eè rə́r mendzən fo vé sháŋ vee shooyi. Wíri‑iì lóo bàn ven, lóo faàsì vifá vén, vèn kù a biimé biimén, a sheʼrí, bìʼ fo vèn kiìn ji vèn kér vifá vén vímóʼ ví ve ví shaàn veé nsay fèn vìn, a bó yòʼ dzə̀ vee shooy vi wìy mày.

2 Korin 11:27

M lo, m wàa gisín e lìm, a sòrkìr, a shiíy là mbuùné. Kfə́n lo, m bùŋ kifá kee yi, e shìíy e jìŋ. M du fomóʼó, m bùŋ mendzə́v mée no, yímóʼó m shìíy fó ndzə, e kidzər.

Ŋwàʼ Luk 3:14

Vé rər ámóʼó wìy sa, e dzə̀r jii, «Kér kí wáa dzə kfə́ ji ka, a dzə̀ vèr yiì ka?» Wù bìnèr jii, «Vèn wáa yen fó a bemér wír, a faàsì kifá, e kfə̀n a yen fó a gòvtì wír e kinyò. Vèn kú a sheʼrí a dzə̀ kifá ke á laʼ ven shó.»

Kèʼlo 28:20

Jakov nèn kàʼ Nyùy Tàr jii, «Nyùy, aà yiì a dzə wòsò, a leéy fo mò é ghan ye m du rə̀n, a fo mo vifá ve yi wùn à ndzə̀y se m wáa màʼ si,

Ŋwàʼ Fəə 2:21

Mooser wìy, e nèn yiì lò, a koŋ fó a dzə wùn wìr woo shooy. Wù nèn fò wán və woo Tsippora ji wíiy və.