Filipi 4:1 - ŊWÀʼ NYÙY

¹ Á bèy lèn afə̀r vem, m koŋ ven féyì, a jìŋ yen yár mo é ŋàŋ. Dzə̀ ven vin ve á yii, a m kér kishéʼrì. A m kfə̀n kwá ŋgúʼ a dzə̀ bìʼ ven. Ŋkar sem, vèn ku nèn a tiy kitávín a dzə̀ vèn à Tàr wòsən Kristu mo m kì suuyin ne.

Filipi 4:1 Referans Kwoze

Filipi 1:27

Á bèy lèn, kinyo ke vèn wáa yiì ki dzə̀ jii, vèn wáa ker liì a dzə̀ á wo wìr ve á jumrì rú kinyo ke Jesus Kristu. A ke m taʼ ki dzə̀ jii, kìn m wìy fo vèn, kìn bó m yoʼ wìy, m kù a yu a ji vèn tíy kitávín, kér shilív shimòʼón, e kfə̀n a yu ji vèn wày vifií, a fùnèn kinyo kimòʼón cáʼ ji sáʼka Nyùy wo juŋ wáa dù fo mbìy, é wíri wáa biimé.

1 Korin 16:13

Kén kí nén a dzə jii, vèn ku wày a dzə̀ á vifií, a tiy kitávín é kinyò ke Jesus Kristu ke vèn biimen. Vèn ghár melív men, é mè táv.

Filipi 2:16

mo vèn fiʼtì sáʼka wo wù fó dzəʼə̀m yee là may aáwune. Vèn lóo yiì bèy, Jesus Kristu wíy wiy e kishiíy fó, é m wáa tuy shwín ji bó m yòʼ‑oò lo sòrkìr, lim yémé lày a kisáŋ.

Nsùyrì Nyùy 27:14

Éè wan ŋkfə wìr, ku tìír rì vifií ví a dzə̀ e Nyùy Tǎr wùn. Tiím kitávín, e kùr shilív shí. Eènó, ku tìír vifií ví a dzə̀ e Nyùy Tǎr wùn.

1 Korin 15:58

Á bèy lèn, ŋkar sém sé sày, vèn wáy ri shilív, a tiy kitávín, a yu kinyo kimòʼón cáʼ ji kinyo ke Tàr wòsən Jesus Kristu, a kiíy ji kinyo kidzə̀m ke wìr yii bìʼ wun woo Kristu ki yòʼ dzə̀ á kí lày kisáŋ.

Filipi 1:8

M suuy bèn, a Nyùy kì sá ji m kér rú á shií fo vèn, koŋ ven shilív shidzə̀m réŋréŋ mo Jesus Kristu koŋè.

Hibru 10:23

Vèsən ku nèn màysì, e tìír vifií é ŋkàʼmé wo vèsən fiʼtì ji vèsən kù wíy lùŋ ŋkuuŋkùŋ. Lá vèsən yòʼ a tùʼtìn, bìʼ fo vèsən kiìn ji Nyùy wo wù kàʼàn vèsən é kinyò fèn dzə̀ á wù kù yiì kíwun.

Ŋwàʼ woó Rom 2:7

Lóo dzə wír wo wù‑uù rə́si yii a dzə̀ vinyo ve ru ví, leey ji wáa binsí Nyùy, shiy mbùʼmé a dzə̀ wo Nyùy ji wùn Nyùy ku wìy a dzə ghán sidzə̀m, é Nyùy nèn fò ké ŋgaàŋ a dzə̀ dzəʼə̀m yee là may.

Joon 8:31

Jesus nèn a suŋnín lèn a dzə̀ e wír ve vé‑eè sí wáy shilív e wùn wó vìyi, a suúy jii, «A vèn lò, a tiy a dzə̀ e mǒ kinyò, bo vèn dzə̀ rú wír vém,

2 Timoti 2:1

Wan wom Timoti, kú a yeʼtí a dzə̀ é vitaaví ve Jesus Kristu fó e vèsən ví, a tiy kitávín.

Filipi 2:26

Jìŋ yen sí yár wun e ŋàŋ féyì, a wù kfə̀n sov kitú, bìʼ fo wù‑uù yuun ji vèn‑eè yù á ji wun kì joyì.

2 Korin 1:14

A vèn fə̀m dzəə́ méŋnin vinyo ve m yii vímóʼ ví lèn, bo m kù wày vifií e věn wùn ji vèn wíy màysì, e yen a mo vinyo vee shooy vi dzəə̀n. Wíy lóo dzə e kishiíy ke Tàr wòsən Jesus wíy kfən, vèsən lóo tiy e wùn si, é vèn nèn a koʼnín bìʼ mo, réŋréŋ mo m wíy a koʼnín bìʼ ven.

Lim Aŋgàa Ntum 11:23

Wù dù, e mèé fo, e yèn mo Nyùy bùʼùn wír vìy e vijuŋ vi, wù wáa sheʼrí, a tir áwune ji á kú a tiy a wùn à Taàtá Jesus shilív shimòʼón.

Lim Aŋgàa Ntum 2:42

Á ku nèn a yu kinyo kimòʼón a dzə̀ ke aŋgàa ntum Jesuse yéʼeyì, wùn áwune wáa ghanén, a yinín kikóŋ, a bùnrì amòʼón.

Nsùyrì Nyùy 125:1

Wír ve á wayin shilív e Nyùy Tǎr wùné dzə̀ moo Gwan Sion, wo bó yòʼ dzə̀ kifá ki sə̀ʼ, a wù tíy ji ŋkǐŋ ghán sidzə̀m.

2 Pita 3:17

Ŋkàr sem, mo vèn kiiyin ne bèy, vèn wáa yen fó biimé kimboʼtì ke wìr ve á méŋ Nyùy vìn, e ran kilíŋ ke Nyùy foon e vèn.

Hibru 4:14

Vèsən wáa kuumé ji vèsən kér taà cù wo kuʼùn wo wù táti vèsən à Nyùy, a dzə̀ Jesus woo Wan Nyùy wo wù‑uù duùn, e mèé e ntoò yùv fo Nyùy dzəə̀n. Vèsən ku nèn ghàr kinyo kfə́ ke vèsən biimen kitávín,

Hibru 3:14

Kifá ke Kristu kér kidzə̀m ki sì sá késən, a vèsən fèn tíy a dzə̀ é kinyò ke vèsən‑eè wayin shilív shó fo mbìy, e dù, e jòʼsì.

2 Tesalonika 2:15

Bìʼ bey, afə̀r ver, vèn kú a tiy rì kitávín, a ghar vinyo ve vèr‑iì yeʼeyin ven shó, kìn dzə̀ ve vèr‑iì fiʼtì e vèn, kìn dzə̀ ve vèr‑iì sáŋ fo vèn.

Kolosia 4:12

Epafar wo dzəə̀n wír woo věn kintatì, shaʼtì sa ven. Wù lim sa kitávín fo Jesus Kristu. A wù yii kuúme ven ghán sidzə̀m, bunrì ji Nyùy ku yiì, é vèn wáa tiy kitávín vèn à Nyùy, e màysì a dzə ji wír və́, a kiíy kinyo ke wù taʼ ji vèn wáa yiì, a tiy a dzə̀ shó.

Galatia 5:1

Vèn wáa kiíy jii, Kristu‑uù fə̀ə́r ne vèsən fó vikwàn vee bìʼ nsər ji lá vèsən yòʼ dzə́ə a rèŋ vikwàn. Vèn ku nèn a tiy rì ji wír ve á bòyìn ne, e làa yòʼ biimé ji vèn kfən kfə̀n ji akwàn.

Lim Aŋgàa Ntum 14:22

Á wáa ghan bèy, a lùmèr melív me aŋgàa biimé, a tir áwune ji á kú a ghar kinyo ke Jesus kijuŋ, a kiíy a ji wùn áwune kér fó wìy yen ŋgeʼ sinín, e bóo wìy nəə́ e Nyùy mvə̀m saʼ.

1 Tesalonika 3:13

Vèn lóo yiì bèy, é wù nèn a tavír melív men, é vèn wìy a dzə wír Nyùy ŋkuuŋkùŋ. Wíy lóo dzə e ghan se wun woo Taàtá wòsən Jesus wíy a wìy wùn à wír vəə́ adzə̀m, é vèn nèn a tiy sa e Nyùy woo Tàr wòsə́n si, là nsem.

Matio 10:22

Wìr dzə̀m wíy a bàn ven, bìʼ fo vèn dzəə̀n wír vém. Yii bèy, vèn wáa kuumé jii, wìr wo wù wíy tiím kitávín, e dù, e jòʼsì waà wíy lùŋ.

Ŋwàʼ Jov 31:36

Rúrú, bo m kì yíi a beʼ e mbèʼ, é wìr dzə̀m wáa yen. Bo m kì yíi sòv e kitu moo ntáráʼ.