Filipi 3:7 - ŊWÀʼ NYÙY

⁷ Yii bèy, a m fə̀m‑eè kér séʼ woo ka fó fo, bo m sí yén lèn ji kilày, tíy e kinyò a dzə̀ ké Jesus Kristu.

Filipi 3:7 Referans Kwoze

Ŋwàʼ Luk 14:33

Kù dzə̀ sá mo vèn kér fó baʼtí réŋréŋ, a bó yòʼ dzə̀ wìr wàa dzə ŋgaà wom ŋgoo, a bó wù máʼtí vifá və́ vidzə̀m.

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Ŋwàʼ Luk 14:26

«Bó yòʼ dzə̀ wìr wìy nə̀ə́ e mǒ ŋgoo, a bó wù yòʼ koŋ mo, e shaà tàr wov wùn yè wov, kfə̀n koŋ mo, e shaà wiíy və wùn à wóné, aàfə́r vəə́. A wù kfə̀n kér fó a kòŋ sa mo, e shaà mo wù koŋ kitú kfə́.

Ŋgàn 13:8

Ŋgaà bùʼ lo, wù fò káv və́ e dzə̀m ji wun fiʼ tìn kitú kfə́, a ŋgaà kitàn dzə̀ kfə́, a bó wìr yòʼ fə̀m bémer wun.

Kèʼlo 19:17

Nsheèlav se Nyùy si fəə́r áwune bey, e yòŋ jii, «Vèn wáa nyeŋ e vitú vén ví, é la wìr yòʼ lèéy bám, kìn ji wìr tiím é kirə̀ʼ, a fèn dzə̀ é mboʼ. Vèn du dúun, e kòʼ áàgwan, là bey, bo á yíi laàr sa ven fó.»

Ŋwàʼ Jov 2:4

Satan bìnèr e Nyùy Tàr jii, «Nyár wìri kù lò mo ŋgaàŋ yú. Wìr yíi lì kéŋ rə́ e dzə̀m, e kav dzəʼə̀m rə́ shó.

Ŋwàʼ Luk 16:8

Ŋgaà lìm və̀y shwìvrì tàr wov bey, wù wìy yèn, e kù yòʼ bìnsí jii, ‹Jwè və̀n fìír feyì.› » Jesus nèn a màysì jii, «Dzə̀ rú, wír veé ndzə fène fìír e vinyò ve áwune yii, e shaà mo wír Nyùyi fiir e vév vee vinyo vi.

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Kèʼlo 19:26

A wiiy Lot kì wiy fo wun bàm, e nèn bìnkìr, e lèéy bám. Mo wù leeyin bey, e kù nèn bìnkìr e kilan ke dzəə̀n shiŋgwáŋ.

Lim Aŋgàa Ntum 27:38

Wìr dzə̀m yíkír, e kùr. Á nèn fə̀ə́r kibér ke saŋ ye kikóŋ ki‑iì béʼé, e màʼ e ndzəv, kikóŋ ki caár.

Hibru 11:26

Wù‑uù yén kfə́ ji ŋgeʼ se dzə̀ wun wàa yen wùn à wír véví, a shìy Mfə̀ə́r wo Nyùy‑iì kàʼàn áwune shó, si bòŋ fo wun, e shaà bùʼ woó wòŋ Ejiv e dzə̀m, bìʼ fo wù‑uù leey kfə́ a dzə̀ fó mbìy, shiy və́ vee vikuʼùy a dzə̀ ve wíy fo Nyùy.

Ŋgaà Tàrvìnyò 3:6

Ghán se á taʼ kifá ke kí làyìn sí dzə̀, a sée yàr si dzə̀. Ghán see lèm kifá si dzə̀, a sée màʼày si dzə̀.

Maak 10:50

Wù nèn shwèy ndzə̀y se wù‑uù wavin fó nsay, e tùm é yuv, a dù fo Jesus wùn.