Filipi 3:6 - ŊWÀʼ NYÙY

⁶ A mò‑oò lo wày kitávín féyì, a tom mbìv yee shooy, a nyàvrì e wír Kristùu ji á bívir a Nsər Mooser. Fo mbìv fóo fèy, mò‑oò ló a tiy réŋréŋ vèr à Nsər Mooser, a dzə là nsem.

Filipi 3:6 Referans Kwoze

Lim Aŋgàa Ntum 8:3

A Saul kù taʼ kfə́ e laàr kintatì ke wìr Jesus láarin. Wù lo, wù wàa ghan e melav, a fətí aŋgàa biimé, kìn dzə̀ woo wiíy, kìn dzə̀ woo lumèn, a dòm, a dù sho e lav sháŋ.

Matio 5:20

Vèn wáa kiíy kijuŋ jii, a yii yéné dzə̀ là fó bòŋ, e shaà yé wìr ve á duŋrì nsər Nyùy wùn à yé wìr veé mbìv *Farasi, bo bó yòʼ dzə̀ féyì vèn wìy shòv sáʼ Nyùy e si.

1 Timoti 1:13

Mo m fə̀m‑eè dzə́ fo mbìy, suuy vinyo ve kisaŋ vi é bàm wó, kuurì wun, ron wuú wìr və́, wù ku yòʼ lì mo é lìm fèn. A wù‑uù shám mo, bìʼ fo mò‑oò yii vinyo vìn, a bó m yóʼ ne kìíy wír wo dzəə̀n Kristu, e làa yòʼ a kiíy ji m jáy a jayín.

Filipi 3:9

é vèr wun maysi, e làŋsìn, a dzə kifá kimòʼón. M dzə̀ lèn bèn, a Nyùy lì ne mo ji wír wo wù gheenen fo wun, a bó yòʼ dzə̀ ji m lèm a nsər sidzə̀m, a dzə là jay. Wù lì bìʼ fo m wayin shilív e Jesus Kristu wùn. M nen ghèén fo wun woo Nyùy lèn mo wír adzə̀m ve á wáy shilív e Kristu wùné gheenè.

1 Korin 15:9

A m dzə̀ kém aáwuné mvəm ji kinjòʼsìbàm ké wìr. A bó m yoʼ fə̀m ghèén ji á wáa yòŋ mo ji ŋgaà ntum Jesus Kristu, bìʼ fo mò‑oò nyavrì e kintatì ke Nyùy ki.

Ŋwàʼ woó Rom 7:9

Yì‑iì dzə̀, a bó m yóʼ ne kìíy nsər, kinyo kímóʼ kí yòʼ‑oò ŋáʼar shilív shém gheéy. Mo m kiiyin, shí nen ŋàʼáy, m kéʼ, e lòo yiì vinyo ve bi ví, ví nén yùyrí mo yúyrín.

Lim Aŋgàa Ntum 26:5

Áwune kì mo kijuŋ, e kèʼ fo ŋgùʼ. Aá kì koŋ, e fèr mo m dzəə̀n, á kù a fèr a dzə̀ ji m kù‑uù sì á ji wír woó mbìv *Farasi, a dzə̀ mbìv ye yì ghvə́m Nyùy, e shaà wír vér adzə̀m.

Lim Aŋgàa Ntum 21:20

Áwune yú, a burí Nyùy, e bóo kfə̀n yòŋ Por, e suúy sho jii, «Fə̀r, ku yèn mo wír veé Judàa wayin ne shilív e Jesus wùn ansə̀kì ansə̀kì. Aáwune dzə̀ adzə̀m bèn, aá kù ghár *Nsər Mooser kitávín,

Ŋwàʼ Luk 1:6

Wùn wiiy və wáa yiì vinyo réŋréŋ mo Nyùy taʼà, a yu sáʼ Nyùy, e kfə̀n a lèm nsər sə́ sidzə̀m, a dzə là nsem.

Matio 23:25

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vinyo vén ví dzə̀ moo ké wìr wo wù li bàr kìn kighín, wù sù ndzə ndzə, mvə̀m wàa koʼóy. A kù dzə̀ mo kimfaàsì wùn à bvə̀mkúʼ runen e věn meliv.

2 Afòn 10:16

e sùúy sho jii, «Wòsò wáa dù, áà yén shií wo m kér fo Nyùy Tàr.» Wùn Jehu nèn kù a dù e Jehu kar.

2 Samuel 21:2

Fòn nèn tòóy wír veé Gibeon, a lon áwune. Wír veé Gibeon vìne yòʼ‑oò dzə̀ kfəə́ yeé Isray, yì‑iì dzə̀ kibér ke wìr veé Amor. Wír veé Israyi‑iì yiì kilìʼ fó ŋgùʼ ji á yòʼ wíy kùm a áwune. Saul nèn wìy sìíy lò, a laàr áwune bìʼ shií wo wù‑uù kér fo wír veé Isray wùn à veé Judàa.

Ŋgaà Tàrvìnyò 7:16

Lá à yòʼ a nyàvrì e kitú ké ki ji à fíʼ a dzə là nsem ŋkuuŋkùŋ, kìn ji à fiír é ŋàŋ. À taʼ ji à yúyrí kitú ké bìʼ ka?

Lim Aŋgàa Ntum 22:5

A taà cù wo kuʼùn wùn à vé saʼ adzə̀me kì ji mò‑oò ló a yiì bèy. Yì‑iì sàŋ áwune aŋwàʼ fo afə́r vesən ve á dzəə̀n é Damaskusi, bo m du fó ji m koórí á wír ve vé‑eè jumrì dzəə Jesus, e kur, e kfən sho e Jerusalem, aá maʼ ŋgeʼ sho.

1 Korin 10:32

Lá vèn yòʼ a yiì kinyo ke kí wáa jivír wír ámóʼó, kìn dzə̀ veé Juda, kìn veé vitum vímóʼ ví, kìn wír ve dzəə̀n vé kintatì ke Nyùy.

Filipi 2:15

é vèn nèn a dzə e wírí si là njò, e làa yòʼ a ker nsem yìmòʼ gheéy. Vèn lóo yiì bèy, é vèn nèn a dzə wír Nyùy ŋkuuŋkùŋ, là jay e ndzə ye wíri yii joonè shó, kér melív me bi mè rə̀n. A vèn yíi a njàʼkìr e wír vee shooyí mvəm moo mejiy,

Cù 13:16

Yii bèy, a kiváv kí lò, e yuùmé, fóo wáa fəəsí, bo ŋgaàŋ kù du, e yen taà cù,

Atǎr Nsaʼ 6:30

Wír veé ŋkàlaʼa nèn wìy, e ghàr Joash jii, «Fəə́r wan wò cér, é vèr yúyrí. Wù kèr ne kíy cù Baal, e kfə̀n gwàtì wúr Ashera wo wú tíy e ghaŋ wo.»