Filipi 3:5 - ŊWÀʼ NYÙY

⁵ M dzə̀ wán woó nsay Isray feyì, a m lò fo kfəə Benjamin. M kfə́n a dzə naaŋkàntì wìr Hibru, a yì‑iì dzə̀ə́ wír veé Hibru mo. Kishiíy kí meé waamé, á náŋsín mo mo liì wor wòŋ taʼà. Á lóo kfən fo mbìv *Nsər Mooser, m nèn a dzə wír woó mbìv Farasi.

Filipi 3:5 Referans Kwoze

2 Korin 11:22

Aáwune dzə̀ wír Hibru nsayi, bo m dzə̀ sá fo. A dzə̀ wír veé Isray, bo m dzə̀ fó. A dzə̀ rám Abraham, bo m kù dzə̀ sá fo.

Ŋwàʼ woó Rom 11:1

M nen kfə̀n a ghay kímóʼ kí jii, mo Nyùy yiìn ne bèy, sà dzə̀ ji wù màʼày ne wír və́ veé Isray a? Àáy, wù yoʼ màʼày gheéy. Vèn wáa kuumé ji m dzə̀ wir Kristu bèn, a m dzə̀ sáa wír woó Isray feyì. M lò fo Abraham ram, a kfə́ə yérí dzə̀ yé Benjamin.

Lim Aŋgàa Ntum 23:6

Por lòo leéy, e yèn, a wíri dzə̀ fó mbìv sibaà, aámóʼó dzə̀ veé mbìv *Sadusi, ámóʼó veé mbìv *Farasi. Wù nèn waàmé e vé wòŋ vìyí mvəm jii, «Afə̀r vem, m dzə̀ wír woó mbìv Farasi, aàtàr vémé‑eè dzə̀ sá e mbìv fóo fèy. Kinyo ke kí yiìn, é bo m wáa ker nsaʼ fèn, ki dzə̀ bìʼ fo m leey fó mbìy ji aŋkfəə wíy fəəkír a fo kpu.»

Lim Aŋgàa Ntum 22:3

«M dzə̀ wír woó Juda, aá dzə̀ə́ mo é Tasor, e wòŋ woo Silisia, e lìy e Jerusalem fèn. Mò‑oò yèʼéy ŋwàʼ fo Gamalia, a wù‑uù yèʼéy mo ji m wáa lèm a nsər se atàr vesən vee fó mbìy kijuujùŋ. M nèn wày vifií é kinyò ke Nyùy réŋréŋ moo ven ve á dzəə̀n fen lèn.

Ŋwàʼ Luk 1:59

Kishiíy kí meé waamé, wíri wìykìr ji á náŋsin wán, e shù a yír wan, e nèn a tàʼ ji á yoŋ ji Sekariya mo yé tàr woví‑iì dzəə̀n.

Lim Aŋgàa Ntum 6:1

Wáa dzə e ghan fóo fèy, kintatì ke wìr Jesus ki kú a kùʼ, a dù duùn fó mbìy, a wír ámóʼó súŋnin lám woo fó laʼ, ámóʼó wó Grik. Ve vé‑eè súŋnin Lám Griki nèn lò, a ghvə̀vrì vee fó laʼ jii, á jav vifá e vikǐy ŋkfəə, bóʼ a vee áwuné mbìv.

Ŋwàʼ Luk 2:21

Wan woo shooy meé kishiíy waamé, á náŋsín, e kù nèn a yòŋ yír rə́ ji Jesus. A kù dzə̀ yír ye nshìylav Nyùy‑iì suuyin e yeè wàn, é bo wù wìy a tiím bvə́m wan.

Jona 1:9

Wù bìnèr jii, «M dzə̀ wir Hibru, a m yii ghvə́m Nyùy Tàr woo Nyùy woó yuv, a dzə̀ wun wo wù‑uù bomen rìbà ndzə̀v wùn à nsay.»

1 Samuel 4:6

Wír veé Filistiàa yú kiyor, e nèn a ghaynín jii, «Kfə́ə kiyòr kee ben ki dzə̀ keé le e wír veé Hibrùú kilaʼáy?» Wír veé Filistiàa lò, e kìíy ji ŋkùv mensàŋ Nyùy Tàr wìy a ne e wír veé Israyí kilaʼáy,

Kèʼlo 40:15

Vé‑eè koò mo koón e vitaáví ví fo věr wòŋ, woŋ wìr veé Hibru, e bóo wìy sho e Ejiv fèn. Á kfən wày mo é sháŋ, a bó m yoʼ jày kinyo kímóʼ kí é wòŋ fèn.»

Kèʼlo 14:13

Wìr wùmòʼ‑oò mùm, e lèʼ, e wìy, e bì Abram woo wír woó Hibru kinyo ke kí‑iì kooyin, a Abram‑eè dzə́ e ghaa vici vee *oak ve dzəə̀n vé Mamre woo wír woó Amor. Mamre‑eè dzə̀ fər Eshkol wùn Aner, aáwune‑eè dzə̀ vé kiŋkàay Abram.

Kèʼlo 41:12

Wan wìr Hibru wùmòʼ wáa dzə vèr áwune, a wù‑uù lim fo kitú ke vé rər ve á shiy ntoʼ ki. Vèr naàrì njèm sér e wun, wù nèn tòʼtí, e fò e vèr, tóʼti ye wìr, suuy mo nsàv dzəə̀n.

Ŋwàʼ Luk 5:38

Á kù yii wáy meluʼ me fíy mè a dzə̀ é vitem ve fíy vi.