Filipi 3:3 - ŊWÀʼ NYÙY

³ Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Filipi 3:3 Referans Kwoze

Kolosia 2:11

Mo vèn áwune tatin, wù nen nàŋsín ven ji wír Nyùy. A bó wù yoʼ nàŋsín ji wun səə̀m a dzə̀ wún fó ndzə mo wír veé Judàa yii səəmè. Kristu nàŋsín kfə́ a dzə̀ shilív, la shí yòʼ dzəə́ a tiy e vinyò ve mensə́ mè taʼà.

Ŋwàʼ woó Rom 7:6

Yii bèy, vèsən bòy ne lèn fo nsər ye yì‑iì kúr vèsən moo vé sháŋé rə̀n, bìʼ fo vèsən kpuun ne fo fo. A bó vèsən yòʼ dzəə́ yú a dzə̀ fó nsər ye á saŋen a dzə̀ é ŋwàʼ ji á fíʼ a yiì kinyo ke kí gheenen Nyùy. Vèsən sí kér dzəʼə̀m a dzə́ ye fíyi, yú a dzə̀ fo Kiyoy ke Ranén kí.

Remrí 30:6

Nyùy Tàr woo Nyùy won wíy naŋsín melív men, e naŋsín me ŋgwàʼ sén, e yiì, é vèn wáa kòŋ wun shilív shidzə̀m, e fo kitú kén shó, e wìy bonén, e shiíy.

Galatia 5:25

Mo vèsən sí dzə́ lèn a dzə̀ bìʼ Kiyoy ke Ranén kí, vèsən ku nèn a tiír kiwúu késən a dzə̀ mo wù suuyì.

Ŋwàʼ woó Rom 8:15

Nyùy yòʼ‑oò lo fò ven shilív a dzə̀ shé kwàn ji á wáa fàn wun fánen. Wù‑uù fò ven shilív, a dzə̀ shé won. Vèsən nén a yòŋrì Nyùy woo Tàr wòsən yóŋrin ji Taàtá, Taàtá.

Jeremia 4:4

Ven vee wír veé Juda wùn à ve á dzə́ e Jerusaleme, vèn kú a tiy a dzə̀ e mǒ *mensàŋ me m gwàrìn vèsən. Vèn su melív men mè, é mè wáa tiy e mò woo Nyùy Tǎr wùn. Là bey, bo dòʼshwíiy wom yíi koʼ moo və́y, a dzə̀ bìʼ vinyo vén ve bi ví, lóo tòn ven, é la wìr wóo ndzəmér yòʼ a dzə.»

Nsùyrì Nyùy 105:3

Vèn kú a tuy shwín bìʼ Nyùy Tàr, wù dzə̀ e ránén. Wìr dzə̀m wo wù kóʼti e wun si kú a seŋ, a sàvnìn.

Remrí 10:16

«Kí nén a dzə jii, kèʼ fo lèn, vèn kú a yunín a dzə̀ Nyùy Tàr, e làa yòʼ dzə́ə a tav kitú,

Efesor 6:18

Kidzə̀m ki nén a dzə ji vèn kú a lon kén a dzə̀ fo Nyùy ghán sidzə̀m. Vèn lóo bùnrì, lóo lon kinyo ke kí gháʼ ven, vèn kù a yu a dzə̀ fo Kiyoy ke Ranén kí, é kí wáa naàrì ven. Vèn ku nèn a bùnrì ghán sidzə̀m là dór, a lon fo afə́r vén ámóʼó ve dzəə̀n sá wír Nyùyi.

Jeremia 9:26

Kù dzə̀ jii, wír veé Ejiv, à veé Judàa, à veé Edome, à veé Ammone, à veé Moavi, à wìr dzə̀m wo wù dzə́ e kirə̀ʼ ké woʼ kí, wo á kèŋrìn kitú kfə́ fó mbìy, áwune kù dzə̀ ben, á sàŋ mbèʼ sév, aá náŋsin a dzə̀ wún. Wír veé Israyi wáa dzə adzə̀m feyì, a melív mev mè kù dzə̀ ben là náŋsín.»

Ŋwàʼ woó Rom 1:9

M suuy bèn, a Nyùy wo m foon kitú kém shó, a fìʼtì sáʼka və wo juŋ woo kùm Wán və kì ji m suuy a rú. M yii lóo bùnrì ghán sidzə̀m, m kù a kuumé ven,

Malakay 1:11

Yír yémé dzə̀ e gháʼtín e vitúm ví mvəm. Wíri kù ghvə́m mo, e kèʼ fo shùy yii tó, e dù, e meé fo yì yii nəə. Á ton kiláy, suyrì mo virə́ʼ vidzə̀m, cu mo e cu yee réŋé. Rúrú, yír yémé dzə̀ e gháʼtín e vitúm ví mvəm. Suuy mo woo Nyùy Tàr woo Taà Mànjòŋ.

Aysaya 45:25

Nyùy Tàr wíy sù njò rám Isray, aá luŋ adzə̀m, a sheʼrí, a burí wun.

Ŋwàʼ Jud 1:20

Ŋkàr sem, vèn ku nèn a kìm vitú vén, a tiy a dzə̀ e Nyùy kinyò ke vèn biimen, a dù duùn fó mbìy, a tiír Kiyoy ke Ranén kí fó mbìy, a bùnrì ghán sidzə̀m.

Ŋwàʼ woó Rom 15:17

A dzə̀ m wàa tuy shwín fó lìm ye Nyùy foon e mò rən. A m túy moo wír wo wù gheenen é lìm fèn a dzə̀ bìʼ Jesus Kristu.

Ŋwàʼ woó Rom 8:39

Kìn wìr dzə̀ feé, kìn wù dzə̀ é ntoò yùv, kìn wù nə̀ə́ e loònsay, bo bó kifá ki yòʼ dzə̀ shó ndzə e dzə̀m ke dzə̀ kí shèm fo Nyùy wáa kòŋ vèsən. Vèsən vin ve á tatin vèsən à Taàtá wòsən Jesus Kristu.

Ŋwàʼ woó Rom 9:6

Mo kùʼùn wìr veé Isray fə̀m tén fó way shilív e Kristu və̀n wùn, bo bó yòʼ dzə̀ ji kinyo ke Nyùy‑iì kàʼàn ji áwune wíy a dzə wón və́, kí shaà fó ghaŋ. Ke kí dzəə̀n kí dzə̀ jii, wù‑uù kàʼ a dzə̀ á wír ve dzəə̀n wón Isray ve ruú. A bó wír ve dzəə̀n rám Isray adzə̀me yòʼ fə̀m dzə̀ wón wun woo Isray ve ruú gheéy.

2 Korin 11:18

A m yii bèy, ji m fiʼ kòrìr a wír ve á rə́si saa wún é vinyò veé ndzə fèn.

Galatia 6:16

Wír ve á tíy e kinyò fèn adzə̀me dzə̀ ve Nyùy yén ji wír veé Isray vee rú. A m lón ji wù kú a sham áwune, a yiì, é melív mev mè wáa neŋ ji nyaáŋ.

Filipi 1:1

Ŋwàʼ və̀ne sàŋ mo woo Por vèr Timoti ve dzəə̀n aŋgàa lìm Jesus Kristu. Vèr sàŋ a dzə̀ fo vèn vee wír Nyùy ve á dzəə̀n é Filipi adzə̀m ve vèn à Jesus Kristu tatin. A wú dzə̀ fo vèn à vilìmbìy vén ví, à wír ve á lim e věn mvəmé adzə̀m.

Filipi 3:12

A bó m yòʼ suuy bèn ji m sí yii a vinyo ve m shóvti sí, leey vìn vidzə̀m, kìn ji m ràn ne a fo vinyò foo fèn. Yii bèy, m kù tùytí sí, a leéy fó mbìy ji m ghár á vinyo vee shooy e mǒ kiwo, bìʼ fo Kristu‑uù liìn mo ji wír və ji m wáa yiì vinyo vee shooy.

Filipi 3:14

M nén a leʼ tìítiy, a dù a dzə̀ fo á du, e seéy, e fíʼ so vinə́ŋsí ve Nyùy kàʼàn vèsən shó, a dzə̀ dzəʼə̀m ye wù wíy fo vèsən é yuv bìʼ kinyo ke Jesus Kristu‑uù yiìn fo vèsən.