Filipi 3:21 - ŊWÀʼ NYÙY

²¹ Wù wíy wìy, é wù biner viŋgà vesən vé wùn veé nsay vìn, é ví kfə́n réŋréŋ moo və́ woo wún wo dzəə̀n woó yuv. A vitaáví ve wù wíy bìnèr sho vìn vi dzə̀ ve dzə̀ wù bàʼtí vifá veé ndzə sho vidzə̀m, a saʼ.

Filipi 3:21 Referans Kwoze

Kolosia 3:4

Yii bèy, mo dzəʼə̀m yéné dzəə̀n yé wun woo Jesus Kristu, wù wíy lòo kfən, a wù sí kér vikuʼùy və́ veé yuv, é vèn nèn nə̀ə́ sa e wùn mvə̀m vikùʼùy fóo fèy.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

Ŋwàʼ woó Rom 8:29

Wù‑uù sìysì jii, wír ve wù‑uù yiìn ne kìíy ji wun wíy lì adzə̀me wíy a bìnkìr, a dzə moo Wán və, é wun woo Kristu nèn kòóy afə́r anín, a dzə ji wo mbìy.

Aysaya 26:19

Éè Nyùy Tàr, ku yiì, é wír vé ve á kpukin nee fəə́ fó kpu. Ku yiì, é dzə́n sé wìr vér ve á kpukin ne si ŋáʼáy é yuv. Ven ve á sí néŋ e nsay, vèn ŋáʼáy é yuv, a yòv, a sàvnìn, bìʼ fo Nyùy Tàr dzəə̀n kfə́ ji ŋweʼ ye yí gbu, njaʼkìrì, gbu bèy, a nsay yú, a vifá vi tókirì.

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Matio 17:2

Á lòo yen, a Jesus kúvsín ne, a kìʼ jeéy. Sí rəə́ wáa ban moo shúy, ndzə̀y sə́ sí wáa fər, e kfə̀n a tokír moo sí shùy.

Ŋgaà Yen 1:8

Nyùy Tàr, wun woo Nyùy suuy jii, «M dzə̀ *Alfa, e kfə̀n a dzə *Omega, a dzə̀ ji Keʼ wùn à Kinjòʼsì kí.» Suuy wun woo Nyùy woo Ŋgaà Vitaàví Vidzə̀m, wo wù‑uù siìn, a wù dzə̀ lèn, a wù kù wíy a dzə.

Matio 22:29

Jesus bìnèr jii, «Vèn jáy vinyo feyì, a dzə̀ bìʼ fo vèn yòʼ kiìn vinyo ve ví dzəə̀n é Ŋwàʼ Nyùy, a bó á yòʼ kì sá mo vitaáví vé Nyùy vi dzəə̀n.

Hosea 13:14

«A dzə̀ rú, m yiì tìn áwune fo aŋkfəə́ wòŋ à? A dzə̀ m bòyìr áwune fo kpuú wo à? Éè kpu, nyár ye à yii wiy shoo bèé? Éè wòŋ aŋkfə, laar ye à yii wiy shoo bèé? M yòʼ dzəə́ wìy sham mendzən mev.

Aysaya 25:8

Nyùy Tàr woo Taà Ndzə wíy laàr kpú, é yí may ŋkuuŋkùŋ. Wù wíy sòr mensíy fo wìr dzə̀m si, e sù wír və́ fó liy se á shur áwune shó virə́ʼ vidzə̀m. Á ŋkàʼmé wo Nyùy Tàr yiìn.

Yòv Viŋgér 1:11

Vèr yíi fèr vifá ve sùsù vé e *kisha ke mbàm ke baar kí, e nàvtì e kisha ke mbàm ke fəvír kí.