Filipi 3:2 - ŊWÀʼ NYÙY

² Kí nén a dzə jii, vèn wáa baàmè a viŋgà vé wìr ve á ghán, yii vinyo ve bi ví, bvəər wíri, suuy ji á kér fó a saŋ *mbèʼ se wìr mo liì woó Juda taʼà, é bo wáa dzə wir Nyùy.

Filipi 3:2 Referans Kwoze

2 Korin 11:13

Vee shooyi yòʼ dzə̀ aŋgàa ntum Kristu gheéy. Á bóʼti ven bóʼtín. Áwune dzə̀ kév wír ve á ghán, lévti wíri lévtín, nèn binkìr ji aŋgàa ntum Kristu.

Titur 1:16

Wír vee béyi suuy feyì ji áwune kì á Nyùy, a vinyo ve áwune yii vi din ji bó á yòʼ kì. Áwune táv a dzə̀ kitú fo Nyùy, liì wov kóʼóy é ŋàŋ, a bó yòʼ dzə̀ á yiì kinyo kee réŋ gheéy.

Ŋgaà Yen 22:15

Wír ve á wíy a gòʼ kév a dzə̀ fó ndzəə dzə̀ á ve á yii joonè wùn à ve á sénin sə́m, à ve á jaŋ kinjàŋ wùn à ve á ghán viŋkari, à ve á yúyri wíri wùn à ve á ghvə́m vifá vímóʼ ví ji Nyùyi. A wír ve á koŋ kimboʼtì, tíy a dzə̀ shó adzə̀me kù wíy gòʼ sa fo ndzə.

Galatia 5:15

Yii bèy, a vèn lò, e kù a nyàmnìn, a lumnín moo jwí si, vèn kù yòʼ a kiíy ji vèn sí bívir a vitú vén.

Filipi 3:19

Vee shooy vee wíri wíy jòʼsì kév a dzə̀ é və̀y, bìʼ fo wóov woo Nyùy dzəə̀n shúuyi, aáwune kfə̀n sumrì wún é vinyò ve á kì rə̀ʼ‑ə́ə̀ wáa woomé woomén fó fo, wáy vifií vév a dzə̀ é vinyò veé nsay fèn.

Galatia 5:6

A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.

Nsùyrì Nyùy 22:16

Ŋgoo wìr ve bií gìŋ ne mo, e tàr mo ŋgoo jwi gìŋ nyám, sovtì wó yém wùn à wuú.

Matio 7:15

«Vèn wáa yen fo aŋgàa ntum kimboʼtìi nəə́ e věn ŋgoo. Wír vee shooyi woóne moo nyám ye bi ye yì màʼàn juv njiì, e nə̀ə́ e njiì ŋgoo ji wun laar njiì.

Nsùyrì Nyùy 22:20

Lá à yòʼ màʼtì, áàŋgaà vém vibàné gwati mo e nyùy. Fəə́r mo fo jwí sìn sí wo.

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»

Ŋgaà Yen 3:9

M kì wír ve á yoŋ vitú vév ji wír vém veé Juda, aá dzə̀ kév a dzə̀ e Satan ŋgoo. Vèn yú, m wíy yiì, aáwune kiíy ji wír ve m kòŋèné dzə̀ ven vin, e yiì, aáwune wiy, a gbù e věn si.

Ŋwàʼ Jud 1:4

A m suuy bèn, bìʼ fo wír ve á méŋ Nyùy ámóʼó woonen ne, e nə̀ə́ e věn kintatì, a yeʼéy kév wíri jii, mo Nyùy bùʼùn ne ven, e lì ji wír və́, vèn bóy fó lòn, a dzə̀ vèn wàa yiì lèn a mo mensə́ men mè taʼà. Aá suuy bèy, nèn káy Jesus Kristu wo kù jòʼsìn wun ji Taàtá wòsən wo dzə̀ á wàa yu fo fo. A Nyùy‑iì yiì ne dìn lòn wo wù wíy màʼ e wír vee bené kitu.

1 Timoti 1:19

À lóo màʼ, à kù a tiy a dzə̀ é kinyò ke wò‑oò wayin shilív shó, a yiì a dzə̀ kíwun ke shilív shé shi bínsi ji dzə̀ á kinyo ke ru kí. Kú a kiíy jii, wír ámóʼó lò ne, e kùn a dzə̀ é vinyò ve melív mev mè sháʼninè, e nèn màʼày kinyo ke ru kí ke vé‑eè wayin shilív shó fo mbìy.

Filipi 3:3

Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Galatia 5:13

Afə̀r vem, Nyùy fə̀ə́r ne ven fó vikwàn ve vèn‑eè reŋ fo nsər. Yii bèy, mo vèn bòyìn, lá vèn yòʼ kù nèn a yiì a dzə̀ mo mensə́ men mè taʼà. Vèn bòy, a kí dzə̀ ji vèn wáa kòŋnìn, e nèn a sənín vitú vén,

Ŋwàʼ woó Rom 2:28

Vèn wáa kiíy jii, wìr woó Juda woó rú yòʼ dzə̀ wo á səə̀mèn a dzə̀ fó wùn. A bó náŋsín ye á naŋsin wír rú ji wo Nyùyi yòʼ dzə̀ kifá ke á sáŋ a dzə̀ e ŋgaàŋ wùn mo dzə̀ á yèn.

Matio 7:6

«A bó kí yoʼ fə̀m ghèén ji vèn li kifá ke á cuùn Nyùy sho, e màʼ e jwí si, fo sí kfə́r, e kfə̀n bìnkìr, a nyàv ven e sóŋé. A bó yòʼ dzə̀ sá, á lì *síbaŋ, e fò e kǔnnyàm, wù wàa tay e kishàʼàr.

Ŋgàn 26:11

Mo jwi suʼ kifá, yì kfə̀n a yi, bo kù dzə̀ sá réŋréŋ mo kiyúŋ kí rúvti kiyúŋsì kfə́.

Ŋgaà Yen 2:9

M kì ŋgeʼ se sí rə́si kooy ven, a m kfə̀n kì mo kitan ki yúy ven. Yii bèy, a dzə̀ m wàa suúy ji vèn dzə̀ á vé bùʼu. M kì sá mo wír ámóʼó rə́si tóy vinyo e věn bàm, yoŋ vitú vév ji wír veé Juda, aá dzə̀ kév a dzə̀ e Satan ŋgoo.

2 Pita 2:22

Kfə́ə wìr vee béne yii a dzə̀ kinyo ke á maʼ ŋgàn sho jii, «Jwi suʼ kifá fo shuù, yì kfə̀n a yi.» Kfə̀n maʼ jii, «Á su kǔnnyàm, wù kfə̀n dzə̀ŋrí e kishàʼàr.»

Matio 24:10

Kí kooy bèy, é wíri bin ndzə̀m e mò anín, e bìnkìr, a bàn afə́r vév, a kar menàŋ aáwuné bàm.

Nsùyrì Nyùy 119:115

Ven ve á buʼtì vinyo, vèn kíŋrí fo mǒ si, é m bóo fíʼ a yunín nsər se Nyùy wom.