Filipi 3:18 - ŊWÀʼ NYÙY

¹⁸ Mò‑oò ló a suúy e vèn fó ŋgùʼ, a m kfə̀n sí rémri lèn e mensíy mè e si jii, wíri dzə̀ e vèsə́n mvəm anín ve á loòn ne, a ker liì, a wù shwínin a dzə̀ á wo wìr ve á ban kinyo ke Kristu, ŋwáy kpú ye wù‑uù kpuun é kintam ŋwáyín.

Filipi 3:18 Referans Kwoze

Efesor 4:17

Ke m tír ven shó e Tàr wòsən Kristu yir kí nén a dzə jii, lá vèn yòʼ dzə́ə a dzə, a yiì a moo wír ve bó á yòʼ kiìn Nyùy. Áwune yòʼ kì fo á dzəə̀n.

Aysaya 8:11

Á bèy, Nyùy Tàr wáa suŋnín e mò woo Aysaya, m wáa yu vitaáví və́ e mǒ wùn, kù moo ji wun woo Nyùy kum mo kúmen e kiwó ki. Wù‑uù tír mo, kantì jii, m wáa yen a fó a jùmrì vinyo ve wír vìne yii. Wù‑uù sùúy e mò jii,

Galatia 6:12

M nen kfə̀n a suúy jii, wír ve á kan ven ji bo á kì sàŋ mbèʼ sén mo liì woó Juda dzəə̀né yii bèy, bìʼ fo á wáy kév vifií a dzə̀ é vinyò ve á yii ji wíri fíʼ a yen. Aá fan fo wír veé Judàa wáa bàn áwune ji á kù tíy kév kinyo kimòʼón á ji Jesus Kristu‑uù kpù ne e kintam.

Galatia 2:14

Mo m yenen, aáwune sí yii kinyo, a bó kí yòʼ dzə̀ réŋ mo sáʼka woo kùm Kristu dzəə̀n, m nèn yòŋ Pita e wìr dzə̀m si, a saʼ jii, wù sà dzə́ wír woó Juda, a bó wù yòʼ lo, wù wàa jùmrì liì woó Juda, kfə̀n dzə́ lèn ji wír ve bó yòʼ dzəə̀n veé Judàa kér fó a jùmrì liì woo shooy, é bo wùn áwune wáa dzə moó le á?

Galatia 1:7

Vèn jumrì bèy, a bó sáʼka Nyùy wo juŋ yòʼ dzə̀ dzə́ə sinín gheéy. Ke kí dzəə̀n kí dzə̀ jii, yii a wír ámóʼó ve á ghán e věn mvəm, bvəər vifií vén, aá taʼ ji á bívír á sáʼka woo kùm Jesus Kristu və̀n.

Jeremia 13:17

A vèn dzə̀ là fó yuurí, bo m yíi a dìy e kilìr bìʼ kiŋkoʼòrwùn kén. M yíi a dìy feyì kibiíbí, é mensíy mè wáa dàn fo mǒ si, a dzə̀ bìʼ wír Nyùy Tàr ve aŋgàa vibàné koorin ne ji akwàn.

2 Pita 2:10

bo taaka ve á yú a dzə̀ fo wún wóví, yii joonè wo mensə́ mev mè taʼà, káy sáʼ e dzə̀m mo aŋgàa yeʼéy ve á bóʼti wíri víne yii. Aŋgàa kimboʼtì vìne guynìn e ŋàŋ, yén a dzə̀ vitú vév, ŋeʼrì gheéy, á wàa kay sa vifá ve ví ghán e ndzə fèn, a ví kér vitaáví.

1 Tesalonika 4:6

Lá wìr yòʼ jày e wìr e kinyò fèn, e lì wiíy ŋgaàŋ, bìʼ fo Nyùy wíy fo ŋgeʼ ye kuʼùn e wír ve á yii vinyo vee shoone réŋréŋ mo vèr‑iì sí tír ven.

Filipi 1:4

M lóo bùnrì fo vèn, shilív shém shí wàa bòŋ,

Galatia 5:21

Aá kfə̀n siíme kinsiimè, rə́si nó a dzə̀ meluʼ, ghán bvəər virə́ʼ. M nen kfə̀n a tir ven mo mò‑oò sí tír fo mbìy, jii, vèn wáa yen a fó a yiì vinyo vìn, bìʼ fo bó yòʼ dzə̀ wír ve á yii kfəə́ se vinyò vìne wìy shòv sáʼ Nyùy e si.

Galatia 2:21

A dzə̀ la m yòʼ màʼày kilíŋ ke Nyùy bùʼùn mo shó ji və́ə woo wír. A bèn dzə̀ rú ji dzə̀ wìr ghèén fo Nyùy ji bìʼ fo wù kì lem nsər, bo Kristu‑uù kpù kisáŋ.

2 Korin 11:29

Shilív shé wìr shi lóo seèm, m nèn a yen kém ji seem a shém. Wìr lévti wír, wáy e kinyò ke bi kí, wàa yu mo nyár.

2 Korin 11:13

Vee shooyi yòʼ dzə̀ aŋgàa ntum Kristu gheéy. Á bóʼti ven bóʼtín. Áwune dzə̀ kév wír ve á ghán, lévti wíri lévtín, nèn binkìr ji aŋgàa ntum Kristu.

2 Korin 2:4

M nèn sàŋ vinyo vee shooy a dzə̀ é ŋwàʼ, a mò‑oò sáŋ, sə́ʼər mensíy, a shilív shém shí dzərì, la wúné yòʼ a càʼ mo gheéy. A bó m yòʼ‑oò sáŋ ji m yii, é vèn wáa yu a nyár. Mò‑oò sáŋ, é vèn fíʼ kiíy mo m koŋ ven é ŋàŋ.

1 Korin 6:9

Bó vèn yòʼ kì ji wír ve á yii liì wo bií yòʼ dzə̀ á wìy shòv sáʼ Nyùy e si à? Kìn dzə̀ ji ŋgaàŋ jaŋ kinjàŋ, kìn wù ghvə́m anyùy kisaŋe, kìn wù li wiiy wìr, kìn wiíy ghán viŋkar, kìn lumèn shaà wiíy, a lì lumèn,

1 Korin 1:18

A m kì ji kinyo ke m fiʼtì ji Kristu‑uù kpù é kintam bìʼ ajay wíri kí shwínin vinjeenjèm ve vinyò fo wír ve á sí nəə kév a dzə̀ é lòné. Yii bèy, a dzə̀ vitaáví ve Nyùy fó vèsən ve wù sí luŋèr, aá boy fó lòn foo fèn.

Ŋwàʼ Luk 19:41

Jesus lòo meé e ghaa Jerusalem, e lèéy, mendzən mè rə́r wun, wù wáa dìy,

Daniel 4:37

«Ké lèn ki, mo woo Nebukadnessar, m búri Fon woó Yuv, kóʼor yír rə́, ghvə́m wun. Lim sə́ sidzə̀m si din a dzə̀ suuyrú, a vinyo ve wù yii vi dzə̀ là kiloʼ, a wù dzə̀ a dzə̀ wù sèn wir dzə̀m wo wù kóʼor wún.»

Ŋwàʼ Jud 1:13

Á kfə́n a dzə sa moo ndzə́v lome, ye shwéri lóo tsəy, vifə́yfə́y ví wàa fə̀ʼ, a dzə̀ joonè wo áwune yii. Aá kfə̀n dzə̀ moo mejiy me mè kár karín, a bó mè yòʼ sə́ŋ fo Nyùy keèrìn. A Nyùy nàŋsín ne kirə́ʼ é ŋòròʼ wo wù sə́n ji cùm fo wù wíy way áwune, aá wáa neŋ fo viyá viyá là may.

2 Tesalonika 3:11

Vèr suuy bèn, bìʼ fo vèr yú ji wír ámóʼó dzə̀ e věn mvəm, aá yii ŋgòy, sev sèvìn kisáŋ, wáyri shuu e wírí vinyò, a bó á yòʼ lim a kifá.

Lim Aŋgàa Ntum 20:19

Mò‑oò neèr kitú kém, a lìm fo Nyùy, a səʼə́r mensíy. M kfə́n a yen ŋgeʼ símóʼ sí sinín, bìʼ fo wír veé Judàa‑aà rə́si dzə wúu yém.

Jeremia 9:1

Wìr ku lì ji kitú kém kí kì dzə̀ ntoò ndzə̀v, a sí yémé dzə̀ dàn mensiy, bo m kì diy e shùy, diy vitsə́ʼə́, bìʼ wír vér ve á yuyrin.

Nsùyrì Nyùy 119:136

M sə́ʼər mensíy e ŋàŋ, bìʼ fo wíri ŋwáy Nsər yè.

Galatia 6:14

A kém kí dzə̀, a bó m yòʼ taʼ, a sùmrì wún, e shaà kinyo kimòʼón ke m tíy sho ji Tàr wòsən Jesus Kristu‑uù lo kpù é kintam. Mo wù‑uù kpuun a dzə̀ bìʼ vinyo veé ndzə fèn vidzə̀m, vinyo vee shooy vi kpù ne fo mò, m kpú saa fo fo.

Cù 11:16

à kiŋkfə̀y ke loŋ ki, à kighvəŋ ki, à kilùŋ keé màndzə̀v kí, à nòkìndzəʼ, mo kfə́ə sév sí dzə̀kìn,

Cù 13:8

Taà cù kaʼay wun, e yèn ji yàsí dzə̀sì a ne rú, e dù e virə̀ʼ vímóʼ ví, bo taà cù tóʼor ji wù kér a kifàn. Dzə̀ yàsí woó jùv wùn.