Filipi 3:17 - ŊWÀʼ NYÙY

¹⁷ Afə̀r vem, ven adzə̀m kú a lì mfìʼ a dzə̀ fo mò, e kfə̀n a lì sa fo wír ve á yii vinyo réŋréŋ mo mò‑oò dìnèn e vèn.

Filipi 3:17 Referans Kwoze

Filipi 4:9

Vèn kú a yiì vinyo ve mò‑oò yeʼeyin ven shó, e wày e věn kiwo, kìn dzə̀ kinyo ke mò‑oò suuyin suúyín, kìn dzə̀ ke vèn‑eè yenen, a m yii yiìn. Vèn lóo yiì bèy, é Nyùy wo dzə̀ wù yiì, bo melív me wíri mè wáa dzə nyaáŋ nèn a dzə e věn mvəm.

1 Korin 4:16

M nén a lon ji vèn kú a tiír sa kiwuú kén á mo m tiir kém.

1 Pita 5:3

Lá vèn yòʼ a ker liì ŋaáka vèn à wír vee shoone. Vèn wáa dìn a dzə̀ liì wo juŋ wo dzə̀ á wàa yen, a jùmrì.

2 Tesalonika 3:9

A yì‑iì dzə̀ kirə́ʼ kér fo vèn wáa yiír ver kisáŋ. Yii bèy, vèr ku nèn a yiì bèy ji vèn wáa bìʼnìn a liì wor.

Hibru 13:7

Vèn wáa kuumé wír ve vé‑eè tòmbìy dàn ven é kinyò ke Nyùy fèn. Vèn kuúmé mo vé‑eè dzə́, yú a dzə̀ fo Nyùy, wíri yú vijuŋ bìʼ áwune. Vèn kú a bìʼnìn, a yu fo Kristu moo áwune.

1 Timoti 4:12

Lá à yòʼ biìmé, é wíri wáa kay wò ji bìʼ fo à dzəə̀n wánlè fo áwune. Kú a dìn a dzə̀ liì wo dzə̀ aŋgàa biimé, á wàa jùmrì, kìn dzə̀ kinyo ke à suuy suùyín, kìn ke à yii yiìn, a kòŋ wíri, a way shilív a dzə̀ e Nyùy wùn, e làa yòʼ a ker liy yee kùm kinjàŋ.

2 Tesalonika 3:7

Vèr‑iì ló a suúy e vèn ji vèn kú a bìʼnìn kinyo a dzə̀ á ke vèr‑iì yii e ghan se vèsən‑eè dzəə̀n. Vèsən‑eè dzə́, a bó vèr yòʼ‑oò ló a yiì ŋgòy.

1 Korin 10:32

Lá vèn yòʼ a yiì kinyo ke kí wáa jivír wír ámóʼó, kìn dzə̀ veé Juda, kìn veé vitum vímóʼ ví, kìn wír ve dzəə̀n vé kintatì ke Nyùy.

2 Tesalonika 3:14

A wìr bèn dzə̀ shó wo wù tén fó yu kinyo ke vèr saŋen é ŋwàʼ fèn, vèn səə̀m ŋgaàŋ, a baàmè wun, é wù wáa woomé.

1 Tesalonika 1:6

Vèr kfə́n a kuumé sa mo vèn bìʼnìn ver, a dzə̀ ji vèn bìʼnìn a dzə̀ Tàr wòsən Jesus Kristu. Vèn‑eè biìmé kinyo ke Nyùy, á nèn a rəsí, a nyàvrì e vèn, vèn kú a way shilív, Kiyoy ke Ranén kí wáa yiì, vèn wáa ker kishéʼrì e věn meliv.

Ŋwàʼ woó Rom 16:17

Afə̀r vem, m nen kfə̀n a tir ven jii, vèn wáa baàmè a wír ve á ghán, yéʼey vinyo, a bó yòʼ dzə̀ ve vé‑eè yeʼeyin ven shó, bvəər vifií vé wíri, aá javsìn, dzə́ jeéy jeéy. Vèn wáa nyeŋ kfə́ə wìr vee bey,

Nsùyrì Nyùy 37:37

Wáy síi e wìr woo là nsem wùn. Wáy e wìr wo wù yii vinyo və́ tìítiy wùn. Wìr wo wù koŋ nyaáŋ dzə̀ wo wù wíy a ker rám.

1 Korin 11:1

Vèn kú a bìʼnìn mo réŋréŋ mo m biʼnìn Jesus Kristu.