Filipi 3:15 - ŊWÀʼ NYÙY

¹⁵ Kí nen bòŋ ji vèsən ve á wayin ne gháŋ é kinyò ke Nyùyi wáa leéy a fó mbìy bèy. Yii bèy, a wìr lò, a leéy kfə́ a dzə̀ dzə́ə ye sən, bo yíi naàrì Nyùy e ŋgaàŋ.

Filipi 3:15 Referans Kwoze

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Galatia 5:10

Yii bèy, mo vèsən tíy e kinyò kee shó kimòʼón, a dzə̀ ké Taàtá wòsən Jesus Kristu, m kì kijuŋ jii, vèn kù wíy a tiy a dzə̀ é kinyò ke m suuy e vèn. A Nyùy wíy màʼ ŋgeʼ e wìr woo shooy wo wù bvəər vifií vén, kìn ŋgaàŋ dzə̀ la.

1 Korin 2:6

Yii bèy, a wír ve á yú a dzə̀ fo Kiyoy ke Nyùyi nèn yú kév kinyo ke m fiʼtì kìn, a kí din a dzə̀ vifií vé Nyùy. A bó vifií vee shooy vi yòʼ dzə̀ vé wìr veé ndzə fèn, a bó ví yòʼ fə̀m lò sa fo wír ve á kér ndzə yee lèn rə̀ne. Áwune kér vitaáví a dzə̀ lèn, a ví kù sí lo, e ŋeemé, e lày.

Kolosia 4:12

Epafar wo dzəə̀n wír woo věn kintatì, shaʼtì sa ven. Wù lim sa kitávín fo Jesus Kristu. A wù yii kuúme ven ghán sidzə̀m, bunrì ji Nyùy ku yiì, é vèn wáa tiy kitávín vèn à Nyùy, e màysì a dzə ji wír və́, a kiíy kinyo ke wù taʼ ji vèn wáa yiì, a tiy a dzə̀ shó.

1 Korin 14:20

Afə̀r vem, lá vèn yòʼ a kwàʼtì vinyo moo wónlè. Vèn kú a meŋ a dzə̀ kinyo ke bi kí moo wón ve bóri, yii bèy, a kwàʼtì vinyo moo ŋgày sé wìr.

Matio 5:48

Kidzə̀m ki wáa dzə jii, vèn wáa yiì vinyo vén tìítiy, é ví wáa ran réŋréŋ mo Tàr won wo wù dzə́ e yuv ráné.»

Aysaya 35:8

Á wíy waʼ kimà ké dzəə fó wáʼán. Dzə́ə, aá wíy a yòŋ ji dzə́ə ye yì du fo Nyùy Tàr dzəə̀n. Wìr dzə̀m wo wù kér *kifàn yòʼ wíy tiír kiwuú kfə́ é dzəə fen. Kù jòʼsì wír Nyùy ve á wíy a shaà sho. A wìr fə̀m dzə̀ kiyúŋ moó le, bo bó yòʼ dzə̀ wù wìy jày dzə́ə.

Hibru 5:14

Vifá ve yi vìn vi kù dzə̀ kifá ke wìr ve á kuykin ne, e tùúy e Nyùy kinyò, bìʼ fo wìr woo bey mèrìrìn ne, e kìíy móo tàr kinyo, e yen ké ru kí, e yen ke bi kí.

Kolosia 1:28

Vèr ku nèn a fìʼtì wun woo Kristu e wìr dzə̀m, a tir áwune, fo á rán vijuŋ vee shooy, a lì vifií vér, a yeʼéy wir mòʼón mòʼón, aá maysi, e tàtí wùn à Kristu, e ghèén mo dzə̀ wír Nyùyi wàa dzə.

Ŋwàʼ woó Rom 15:1

Afə̀r vem, kinyo ke dzə̀ vèsən wàa yiì ki dzə̀ jii, wìr wo wù kiìn ji dzə̀ wun wàa yiì vinyo, la shilív shí yòʼ a saʼ wun fo fo, ku yòʼ màʼtì vinyo vee shooy, e fíʼ sə fə́r və wo bó wù yòʼ kiìn bey. Lá vèsən yòʼ a yiì kinyo ji kí wáa bòŋ a dzə̀ á vèsən.

Ŋwàʼ Luk 11:13

Mo vèn dzəə̀n wír ve á kù yii vinyo ve bi ví, kù yòʼ kiiy mo dzə̀ á fò vifá ve juŋ vi e wón véné, bo dzə̀ Tàr won wo wù dzəə̀n é yuv fò sá Kiyoy ke Ranén kí e wír ve á lón fo wune.»

1 Joon 2:5

Wìr wo wù koŋ Nyùy shilív shidzə̀m dzə̀ wír wo wù yú kinyo kfə́, lemè. Kinyo ke dzə̀ kí dìn bo wìr kiíy ji wun tíy rú wùn Nyùy ki dzə̀ jii,

2 Timoti 3:17

A Nyùy‑iì fò ŋwàʼ və̀n bèn ji wìr wo wù yii lim rə́ fíʼ a ker kifá ke lìm, e kiíy kinyo kfə́ kijuŋ, a dzə kibáʼtín mó a yiì lim ye juŋe e dzə̀m.

Joon 6:45

Vé‑eè sàŋ é Ŋwàʼ Aŋgàa Ntum Nyùy jii, ‹Wíy a yeʼéy Nyùy áwune adzə̀m.› Kí nén a dzə jii, wír wo wù yuúri yéʼéy Nyùy Tàr yee shooy, kiiy mo yí dzəə̀n, dzə̀ á wo wù wiy sa, yén mo.

Efesor 1:17

A m lón fo Nyùy woo Ŋgaà Vikùʼùy, wun woo Tàr à Taàtá wòsən Jesus Kristu ji wù ku mvə̀ʼ vifií vén, é vèn wáa kiíy mo vinyo ve wù din e vèn ví dzəə̀n, e nèn màysì, e kiíy wun.

1 Tesalonika 4:9

Fo kinyò kee kùm kikoŋnìn ke fə̀r wùn fə̀r vee aŋgàa biimé, bó vèn yòʼ dzəə́ kér shií wo vèr wáa saŋ fo vèn, bìʼ fo vèn‑eè yeʼeyin ne fo wun woo Nyùy mo dzə̀ vèn wàa kòŋnìn.