Filipi 3:14 - ŊWÀʼ NYÙY

¹⁴ M nén a leʼ tìítiy, a dù a dzə̀ fo á du, e seéy, e fíʼ so vinə́ŋsí ve Nyùy kàʼàn vèsən shó, a dzə̀ dzəʼə̀m ye wù wíy fo vèsən é yuv bìʼ kinyo ke Jesus Kristu‑uù yiìn fo vèsən.

Filipi 3:14 Referans Kwoze

1 Korin 9:24

A dzə̀ vèn fìʼsìn vinyo vìn moo kileʼ ke wíri yii sénin anín, kù sò wír e mòʼón, e kòóy kifá. Vèn ku nèn a leʼ rì sa kén kee kileʼ moo wír wo wù léʼ ji wun ku sò kifá,

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

1 Tesalonika 2:12

vèn wáa ker a liì wo wù gheenen Nyùy. A dzə̀ wun woo Nyùy wo wù liìn ven ji vèn wáa dzə e wùn mvə̀m saʼ, e nəə́ sa e wùn mvə̀m vijùŋ.

2 Pita 1:3

Dzə̀ Taàtá wòsən və̀n wo wù‑uù yiìn, é bo vèsən kiíy Nyùy wo wù‑uù liìn vèsən ji wír və́, aá fiʼ nə̀ə́ e wùn mvə̀m vijùŋ, a ker liì a dzə̀ və́ə. Mo vèsən kiiyin ne wun, wù nen fò vitaáví və́ ve ghaʼán ví e vèsən, á kiíy mo dzə̀ á wàa tiír kiwuú dzə́ə sidzə̀m, a ghan moo wír və́.

Hibru 3:1

Afə̀r vem, mo vèn siìn wír Nyùy, a lì wun ven ji və́ vee wír, vèn kú a kuumé wír wo dzəə̀n Jesus. Dzə̀ wun wo Nyùy‑iì tumen, wù wáa dzə taà cù wòsən wo kuʼùn fó kinyò ke Nyùy ke vèsən tíy sho.

1 Pita 1:13

Vèn ku nèn wày vifií, a dzə kibáʼtín fó a yiì moo wír Nyùy. A kí dzə̀ jii, vèn tiír á vifíi vén a dzə̀ é vijùŋ ve Nyùy wíy bùʼ ven shó e ghan se Jesus Kristu wíy wìy.

Hibru 6:1

Vèsən ku nèn nàʼ vinyo vee kùm Kristu ve dzə̀ wìr kù yèʼéy fo mbìy vìn, e tùmsín e vinyò ve dzəə̀n vé wìr ve á tuuyin ne. Lá vèsən yòʼ kfə̀n rə̀sí, a way a dzə̀ kinsə̀ŋ ke lav, a ŋeèvì vinyo ve vèn‑eè yeʼeyin ne jii, lá wìr yòʼ a way shilív é vinyò ve yii wun ji dzə̀ wun lùŋ fó fo. Wìr wáa way shilív a dzə̀ á e Nyùy wùn.

2 Korin 4:17

A ŋgeʼ se vèr yén fo shintàm fèn sìn si náŋsin ver náŋsín, é vèr wìy nə̀ə́ e Nyùy mvə̀m vijùŋ ve ghaʼán ví, ve bó yòʼ dzə̀ ví mày, a bó yòʼ dzə̀ wìr kìíy móo fìʼ.

Ŋwàʼ Luk 16:16

Jesus kfən sùúy jii, «Yì‑iì dzə̀ fó mbìy, a wíri yú a dzə̀ fó kinyò keé Ŋwàʼ Nsər Mooser, à fó kinyò ke aŋgàa ntum Nyùyi‑iì saŋen. Kèʼ mo Joon‑eè wìyìn, á sí fiʼtì lèn a dzə̀ sáʼka wo juŋ ji Nyùy sí yiì a saʼ vifon və́, a wìr dzə̀m sí táŋ dzə́ə fó nəə́ e Nyùy mvə̀m saʼ foo fèy.

Ŋwàʼ woó Rom 11:29

A kí dzə̀ bey bìʼ fo Nyùy yii li wír, la wù yòʼ kfə̀n màʼày. Wù kaʼ wír e kinyò, wù kù yiì kíwun.

Filipi 3:3

Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Kolosia 2:18

Lá vèn yòʼ a yuurí sa kinyo ke wìr ve á kóʼor wún ji á yú vinyo a dzə̀ é njèm, nèn nyaysì kén ji bó kí yoʼ ghèén, kan ven ji vèn wáa gvəʼə́r kitú e dzəə ye koŋ áwune, kfə̀n suuy ji vèn kù kér fó a bùnrì sa fo nshèelav se Nyùy si. Wír vìne kóʼor wún kisáŋ, suuy vinyo a dzə̀ mo kwaʼtì wírií dzəə̀n.

2 Timoti 1:9

Wù‑uù tìn vèsən fó lòn, á lùŋ, wù lì vèsən ji və́ vee wír. A bó wù yòʼ‑oò li bìʼ kinyo kímóʼ kí ke vèsən‑eè yiìn. Wù‑uù lì a dzə̀ mo kù‑uù sìysìn wun fo yàŋgùʼ ji wun wíy tatí vèsən à Jesus Kristu, e bùʼ ji wír və́.