Filipi 3:13 - ŊWÀʼ NYÙY

¹³ Afə̀r vem, bó m yóʼ ne ghàr vinyo vee shooy. Yii bèy, ke m yii ki dzə̀ ji m màʼtì a vinyo ve ví‑iì shaàn ne vidzə̀m, a giytí ŋàŋ ji m ghár á ve ví dzəə̀n fó mbìy.

Filipi 3:13 Referans Kwoze

Ŋwàʼ Luk 9:62

Jesus bìnèr e woo shooy jii, «A wìr ghàr lá kisoo ji wun sí lim lim, e kfə̀n a leéy bám, bo bó ŋgaàŋ yoʼ ghèén fó a lìm e kinyò ke saʼ Nyùy.»

Filipi 3:12

A bó m yòʼ suuy bèn ji m sí yii a vinyo ve m shóvti sí, leey vìn vidzə̀m, kìn ji m ràn ne a fo vinyò foo fèn. Yii bèy, m kù tùytí sí, a leéy fó mbìy ji m ghár á vinyo vee shooy e mǒ kiwo, bìʼ fo Kristu‑uù liìn mo ji wír və ji m wáa yiì vinyo vee shooy.

Nsùyrì Nyùy 27:4

M kù lón a dzə̀ kinyo kimòʼón fo Nyùy Tàr, a dzə̀ kíwun ke m diyì. M koŋ ji m kú a rəsí a e Nyùy Tǎr lav, e dù, e meé mo m wíy kpu, a leéy vijuŋ ve Nyùy Tàr, a yu ntir si fo wun shuù.

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,

Hibru 6:1

Vèsən ku nèn nàʼ vinyo vee kùm Kristu ve dzə̀ wìr kù yèʼéy fo mbìy vìn, e tùmsín e vinyò ve dzəə̀n vé wìr ve á tuuyin ne. Lá vèsən yòʼ kfə̀n rə̀sí, a way a dzə̀ kinsə̀ŋ ke lav, a ŋeèvì vinyo ve vèn‑eè yeʼeyin ne jii, lá wìr yòʼ a way shilív é vinyò ve yii wun ji dzə̀ wun lùŋ fó fo. Wìr wáa way shilív a dzə̀ á e Nyùy wùn.

Filipi 2:12

Ŋkàr sem, dzə̀ sá mo vèn kú a yu a dzə̀ fo Nyùy. Vèn‑eè ló a yu e ghan se vèsən‑eè dzəə̀n. Vèn ku nèn a yu e shaà bèy lèn wo bó m yòʼ dzə̀ə́ vèsən, e màysì, a yiì moo wír ve Nyùy liìn ji və́, a fàn, a yàʼ fó jay kinyo e wun, é vèn nèn wìy lùŋ.

Ŋwàʼ Luk 10:42

a kinyo ke kí dzəə̀n é shií kí dzə̀ kimòʼón. Maria shòʼ ne kee shooy, a bó á yòʼ dzəə́ wìy sə fo fo.»

2 Pita 3:8

Ŋkàr sem, ke dzə̀ vèn wàa kiíy ki dzə̀ jii, Kristu yòʼ kì á ghán símóʼ sí jeéy. Kiyá nsə̀kì ki yoʼ kùʼ fo wun, e shaà kishiíy kimòʼón. A bó kishiíy kee kimòʼón ki yoʼ dòr fo wun, e shaà kiyá nsə̀kì.

2 Korin 5:16

Kí nén a dzə jii, kèʼ fo lèn, vèr yòʼ dzəə́ leey kinyo ke wìr e vifií ve dzəə̀n vé wìr vi. Vèr sí leey a dzə̀ e vé Nyùy vi réŋréŋ mo Kristu‑uù dzə́ e nsay fèn, a vèr leey kinyo kfə́ mo wíri yii leeyì, a bó vèr yòʼ dzəə́ leey bèy.

Nsùyrì Nyùy 45:10

Éè wiiy ntoʼ woo jín, fó vituʼùr ví, e yuùrí jí yem. Làysìn wír véné, làysìn à kfə́ə yéné,