Filipi 3:12 - ŊWÀʼ NYÙY

¹² A bó m yòʼ suuy bèn ji m sí yii a vinyo ve m shóvti sí, leey vìn vidzə̀m, kìn ji m ràn ne a fo vinyò foo fèn. Yii bèy, m kù tùytí sí, a leéy fó mbìy ji m ghár á vinyo vee shooy e mǒ kiwo, bìʼ fo Kristu‑uù liìn mo ji wír və ji m wáa yiì vinyo vee shooy.

Filipi 3:12 Referans Kwoze

Nsùyrì Nyùy 138:8

Rúrú, Nyùy Tàr, à kù wíy yiì kinyo kidzə̀m ke wò‑oò kàʼàn mo shó. Koŋ ye à kér fo wír vée yòʼ wíy mày. Lá à yòʼ màʼày wír vé ve wò‑oò bomen e wó yée.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

2 Korin 7:1

Ŋkar sem, mo Nyùy kàʼàn vèsən é kinyò fèn, vèsən ku nèn a nyeŋ vinyo ve ví kóʼoy fo Nyùy vidzə̀m, kìn dzə̀ ke wìr kwaʼtì fo wùn shiliv, kìn dzə̀ ke wù yii yiìn. Vèsən ku fò vitú vesən a dzə̀ e Nyùy ŋkuuŋkùŋ, a ghvəm wun, a yu a dzə̀ fó fo.

Aysaya 51:1

Nyùy Tàr suuy jii: «Vèn yuúrí, ven ve á wáy ŋàŋ ji á kú a yiì vinyo ve ví dzəə̀n réŋ, diy ji á wáa ghan e Nyùy Tǎr mbòv, vèn shoóshí kilán ke vèn sanen fó fo ki, wun woo ŋgaà wo vèn ràmèn fo wun bvə̀m.

Hibru 13:21

Nyùy ku fò ven vifá ve juŋ vi vidzə̀m, é vèn wáa yiì vinyo və́ shó. Wù ku yiì, é Jesus Kristu wáa sə ven, é vèn wáa yiì a dzə̀ vinyo ve ví boŋ wun woo Nyùy. Á kú a burí Kristu ghán sidzə̀m, là may. Amen.

Efesor 1:4

Bo wù fə́m a bom ndzə, a wù‑uù yiì ne shòʼ vèsən ji á wíy tatí vèsən à Jesus Kristu, a dzə a wír wun woo Nyùy, a tiy e wùn si là shilóm.

Filipi 3:16

Kinyo ke kuʼùn kí dzə̀ ji vèsən ku ghàr á kinyo ke vèsən yeʼeyin ne, e sèéy sho kijuŋ.

2 Pita 3:18

Vèn ku wày kén vifií ji vèn à Taàtá wòsən Jesus Kristu wo wù‑uù tinen ven fó lòn nəə́nín, é vèn wáa tiy e dzə̀ʼə̀m ye wù bùʼùn ven shó, a kiíy wun, a dù duùn fó mbìy. Vèsən kú a burí wun, a koʼór yír rə́, e kèʼ fo lèn, e dù, e mày. Amen.

Jeem 3:2

Dzə̀ rú, vèsən dzə̀ ben, a vèsən jáy vinyo vinín. Yii bèy, wìr lóo dzə a dzə̀ wù mèy kiliímé kfə́, e làa yòʼ a jay kinyo fo wùn shuù, bo ŋgaàŋ ghèén feyì. A dzə̀ wù kòytí kitú kfə́ dzə́ə sidzə̀m.

Hibru 12:14

Vèn wáa mùm kitávín ji vèn à wíri wáa dzə dzə́ ye juŋe ji nyaáŋ, e kfə̀n a mùm feyì ji vèn wáa ker a dzəʼə̀m ye yí wáa dzə e juŋ, là nsem, a kiíy jii, a wìr bùŋ dzəʼə̀m yee bey, bo bó yòʼ dzə̀ á wù wìy yèn Nyùy.

Galatia 5:17

Kinyo ke mensə́ mè koŋ ki yòʼ dzə̀ ke Kiyoy ke Ranén kí tíy sho. Ke Kiyoy ke Ranén kí tíy sho ki nén a dzə ke bó mensə́ mè yòʼ koŋè. Mo bó yòʼ dzə̀ vinyo vìn vi shèmsín, bo bó yòʼ dzə̀ vèn wàa yiì vinyo ve vèn koŋ a yiì.

Ŋwàʼ Jov 17:9

Yii bèy, wìr wo wù yúnin Nyùy kù yòʼ wíy a tiy a dzə̀ e wun mbòv, é wo wù yòʼ wáy kiwó e kinyò ke bi kí wáa kuy kuyín e wun liì.

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

2 Tesalonika 2:13

Yii bèy, afə̀r ver, vèn dzə̀ kén, a dzə̀ vèr kù a beèrì Nyùy bìʼ ven ghán sidzə̀m, ven ve Taàtá wòsən Jesus kòŋèn é ŋàŋ. Vèr beerì wun woo Nyùy, bìʼ fo wù‑uù shoʼon ne ven fó kèʼ ji vèn wìy lùŋ. A vèn lùŋ a dzə̀ mo Kiyoy kfə́ kí‑iì shavin ven ji vee jeéy, vèn kfən yù kinyo ke Nyùy ke ru kí, e wày shilív shó.

Efesor 4:12

A wù jav vifií vé vinyò vìn jeéy jeéy, é wír Nyùy adzə̀me fíʼ a dzə ve dzə̀ á wàa lìm kinyo, é kintatì ke dzəə̀n wún Kristu ki fiʼ tùúy, a tav, a dù fo mbìy,

2 Korin 13:9

A dzə̀ ji vèr wáa yensín fo ghaŋ, é kí yii, é vèn wáa tiy kitávín, bo dzə̀ ke vèr koŋè. Ke vèr lón kí kù dzə̀ ji Nyùy ku yiì, é vèn wáa yiì moo wír və́ ŋkuuŋkùŋ.

1 Korin 13:10

Yii bèy, wíy lòo dzə e ghan se wù wíy dìn vidzə̀m, aá nèn màʼtì menyorìn me á kiìn lèn mèn.

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Nsùyrì Nyùy 119:5

M diy feyì ji m wáa ghan a dzə̀ e wò mbòv, a yunín sáʼ yé ghán sidzə̀m.

Nsùyrì Nyùy 84:2

Rúrú, m yár jíŋ feyì yé a dzə e Nyùy Tǎr lav, a m yov shilív shidzə̀m, búri Nyùy, wun woo Nyùy wo wù dzəə̀n e tin.

Nsùyrì Nyùy 63:8

M kù rə́ŋ a dzə̀ e wò wùn, a vitaáví vé vi kiŋ mo.

1 Tesalonika 5:15

Vèn wáa yen fo wìr wáa siìr ŋkfə́tír e wùmòʼ. Vèn kú a mùm fó a yiì a dzə̀ vinyo ve juŋ vi e věn mvəm, e kfə̀n a yiì sa bèy e wìr dzə̀m.

1 Timoti 6:19

Á lóo yiì bèy, aáwune nèn a ker vikuʼùy ve dzə̀ á wàa tiír vifií shó a dzə̀ ve dzə̀ ví wìy shaàrì, aá kfən nə̀ə́ e dzə̀ʼə̀m yee là may ye dzəə̀n dzəʼə̀m ye ruú.

Lim Aŋgàa Ntum 9:15

Taàtá Jesus bìnèr sho jii, «Ku dù fo. M shòʼ ne wír woo shooy ji ŋgaà wom lìm, é wù wáa fìʼtì kinyo kém e wír ve bó yòʼ dzəə̀n veé Israyi, e kfə̀n a fìʼtì aàfon véví, a fìʼtì sa e wír veé Israyi.

1 Timoti 5:10

A dzə̀ kù a dzə sa wiíy wo wìr dzə̀m bínsi ji wù kù‑uù rə́si yii a dzə̀ á vinyo ve juŋ vi, dan wón və́ é dzəə yee réŋ, kér wíri e wùn lav, yii lim seé kintatì ke wìr Nyùy, kfə̀n sə́ vé ŋgeʼe. Kú a dzə wiíy wo wù‑uù liìn kitú kfə́ ji wun wáa yiì a dzə̀ á vinyo ve juŋ vi, ji a fəə̀ lim fèé, wun kù a yiì a yiìn.

Nsùyrì Nyùy 94:15

Wír ve á tínen nsaʼa wíy lò, a ghán sí gheén ne, aá kfə́n a tinén nsaʼ a dzə̀ é nsànloŋ. Á tínenè, é wír ve á yii réŋé wáa tomrí.

Hibru 12:23

Vèn tíy kén a dzə̀ é mvə̀m kintatì ke wìr ve Nyùy‑iì shoʼon ji wón və́ mbìyi, e sàŋ yír sév e wùn ŋwàʼ woó yuv. Vèn wìy ne lèn, a tiy e wun woo Nyùy wo wù tínen nsaʼ se wìr dzə̀m si, a wù tátí ne vèn à viyoy ve wìr ve vé‑eè wìyìn ne fo mbìyi, ve wù‑uù naŋsin ne ji wír və́ ŋkuuŋkùŋ.

Nsùyrì Nyùy 42:1

Mo nyàm yee njà ghán taʼ ndzə́v ye yí léŋ, rəsìnè, éè Nyùy Tàr, kù dzə̀ sá réŋréŋ mo m kér shii wò.

Matio 5:48

Kidzə̀m ki wáa dzə jii, vèn wáa yiì vinyo vén tìítiy, é ví wáa ran réŋréŋ mo Tàr won wo wù dzə́ e yuv ráné.»

Ŋwàʼ woó Rom 8:39

Kìn wìr dzə̀ feé, kìn wù dzə̀ é ntoò yùv, kìn wù nə̀ə́ e loònsay, bo bó kifá ki yòʼ dzə̀ shó ndzə e dzə̀m ke dzə̀ kí shèm fo Nyùy wáa kòŋ vèsən. Vèsən vin ve á tatin vèsən à Taàtá wòsən Jesus Kristu.

1 Korin 9:24

A dzə̀ vèn fìʼsìn vinyo vìn moo kileʼ ke wíri yii sénin anín, kù sò wír e mòʼón, e kòóy kifá. Vèn ku nèn a leʼ rì sa kén kee kileʼ moo wír wo wù léʼ ji wun ku sò kifá,

1 Korin 13:12

Vèsən dzəə́ yén vinyo lèn ji làʼrì làʼrì mo wìr yèn sí rə́ é mendzə̀v. Yii bèy, wíy lòo dzə e ghan see shooy, é vinyo vidzə̀m vi nèn ràn e vèsə́n si. Lèn və̀n, m kìíy vinyo kimbéʼ, a wíy lòo dzə e ghan see shooy, é m nèn màysì, e kìíy vinyo vidzə̀m réŋréŋ mo Nyùy kiiyin ne vém vee vinyo lèn.

Filipi 1:1

Ŋwàʼ və̀ne sàŋ mo woo Por vèr Timoti ve dzəə̀n aŋgàa lìm Jesus Kristu. Vèr sàŋ a dzə̀ fo vèn vee wír Nyùy ve á dzəə̀n é Filipi adzə̀m ve vèn à Jesus Kristu tatin. A wú dzə̀ fo vèn à vilìmbìy vén ví, à wír ve á lim e věn mvəmé adzə̀m.

Filipi 3:3

Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,