Filipi 3:10 - ŊWÀʼ NYÙY

¹⁰ M nén a tàʼ cáʼ jii, m maysi, e suùsín vèr Kristu, e kìíy wun kijuŋ, a yu mo vitaáví və́ ví lim e mǒ wùn, wun wo wù‑uù fəən fó kpu. A m kfə̀n taʼ ji m biímé sá ŋgeʼ se wù‑uù biimen, a yu a dzə̀ fo Nyùy, e fò kitú kém, e kpù mo wù‑uù foon kfə́,

Filipi 3:10 Referans Kwoze

Galatia 2:20

Mo Kristu‑uù kpuun é kintam, sì yém yee kpú. M dzə́ lèn bèn, a bó yòʼ dzəə́ dzə́ mo gheéy, sí dzə́ Kristu e mǒ wùn. A dzə́ ye m dzə́ rə̀n, m dzə́ a dzə̀ bìʼ fo m wáy shilív e wun woo Wan Nyùy wùn, wo wù kòŋèn mo, e lì kitú kfə́, e tàŋrí mo shó.

Ŋwàʼ woó Rom 8:17

Mo vèsən siìn wón və́, bo vèsən wíy nəə́ sa e vijùŋ ve wù lèmèn e wír vəə́ adzə̀m, a kù dzə̀ víwun ve Kristu‑uù nəən shó. Vèsən kù wíy nəə́ sho, a vèsən fen biìmé sa ŋgeʼ ye Kristu‑uù biimen.

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,

1 Joon 2:3

Kímóʼ kí wáa dzə jii, a dzə̀ vèsən kù a lèm nsər se Nyùy, e bóo kiíy rú ji vèsən kì á wun.

Kolosia 3:1

Mo vèn tatin Kristu e kpu ye wù‑uù kpuun, Nyùy fəə́r vèn áwune fó fo, vèn ku nèn wày shilív shén a dzə̀ é vinyò veé yuv fo Jesus Kristu dzə́ lèn e Nyùy koy yìyí.

Kolosia 1:24

Yii bèy, á wày ne mo é ŋgeʼ lèn, bìʼ fo m fiʼtì kinyo kee shooy e vèn. A m shéʼri kee shooy shéʼrín, bìʼ fo m yén ŋgeʼ a dzə̀ fo kintatì ke dzəə̀n wún Kristu ki. Wù‑uù yèn ŋgeʼ sigháʼán, e bóo kèʼ kintatì kìn. M nén a yen kém ŋgeʼ lèn ji m maysi kinyo ke wù‑uù kèʼèn, é kintatì ki fíʼ tuúy.

2 Korin 1:5

Vèn wáa kiíy jii, mo vèsən yén ŋgeʼ lèn, a dzə̀ ye Kristu‑uù yéné, Nyùy kù shám vèsən réŋréŋ mo wù‑uù shamen Kristu, rəər melív mèsən.

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

2 Korin 13:4

Dzə̀ rú, wù‑uù lo weèy moo wír, á lì wun, e yùyrí e kintam. Yii bèy, a wù dzə́ lèn a dzə̀ bìʼ vitaáví ve dzəə̀n vé Nyùy. Mo vèr à Kristu tatin, vèr nén a weèy sa fo wùn. Yii bèy, a vèr kfə̀n dzə̀ sá bìʼ vitaáví ve dzəə̀n vé Nyùy, a dzə̀ víwun ve dzə̀ vèr neèr e věn nsàn.

1 Joon 2:5

Wìr wo wù koŋ Nyùy shilív shidzə̀m dzə̀ wír wo wù yú kinyo kfə́, lemè. Kinyo ke dzə̀ kí dìn bo wìr kiíy ji wun tíy rú wùn Nyùy ki dzə̀ jii,

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Ŋwàʼ woó Rom 8:29

Wù‑uù sìysì jii, wír ve wù‑uù yiìn ne kìíy ji wun wíy lì adzə̀me wíy a bìnkìr, a dzə moo Wán və, é wun woo Kristu nèn kòóy afə́r anín, a dzə ji wo mbìy.

Ŋgaà Yen 1:18

a m dzə̀ shó ghán sidzə̀m. Mò‑oò lo kpù, yii bèy, m sì lèn e tin, a m gòʼ ne kàŋ mòʼón. Kinyo kee kùm kpú ki dzə̀ a dzə̀ e mǒ kiwo, a kér mo kimbàʼ ke dzə̀ kí mvə̀ʼ shúu wòŋ aŋkfə.»

Kolosia 2:13

Yì‑iì dzə̀ fó mbìy, a vèn kpú ne fo Nyùy mbìv, bìʼ fo melív men mè kù‑uù yú a dzə̀ fo mensə́ men mè, e làa yòʼ a yu ké Nyùy gheéy. Wáa dzə lèn, a vèsən à Kristu tátí ne, Nyùy nen làysìn ajay vesən, e lì vèsən, e wày é dzə̀ʼə̀m ye fíyi.

Efesor 4:13

é vèsən nèn màysì, a way shilív e wun woo Wan Nyùy wùn, a kiíy mo vinyo və́ ví dzəə̀n, a tiy sho ji wír amòʼón. Vèsən nén a dzə wír ve sí yéví ranen ne, a kiíy vinyo ve Jesus Kristu réŋréŋ mo wun woo Kristu kiìn.

2 Korin 1:10

Wù‑uù lo fə̀ə́r ver fó ŋgeʼ ye tavín fen, a wù kù kfə̀n wíy fəə́r. Vèr ku nèn a way vifií a dzə̀ e wun wùn, a kiíy jii, a vèn fen tàtí, a bùnrì fo vèr, bo wù kù kfə̀n wíy sə a ver. Vèn lóo bùnrì bèy, é kí nèn wìy a dzə jii, mo vèn lón fo Nyùy wír anín bìʼ ver, wù wíy sə ver, aá nèn a sheʼrí wun sa anín, a beèrì wun.

Joon 10:18

A bó yòʼ dzə̀ ji wìr wíy yuyrí mo ji yùyrí ŋgaàŋ. Kòŋ mo, e bóo fo kitú kém. Dzə̀ kilíŋ kém fó fo kitú kém, kfə́n a dzə kilíŋ kém fó fəə fo kpu. Á mo Tàr wor‑iì suuyin ji m yii.»

Matio 20:23

Wù nèn sùúy jii, «Bo vèn wíy no rú fó bàr foo fèy. Yii bèy, a bó yòʼ dzə̀ vitaáví vém fó lì wír ve á wíy a dzə vitú ve ntaʼ e mǒ ghaŋ. Antaʼ vee shooyi sì vé wìr ve Tàr wor‑iì sìysìn ne, e lèm sho.»

Jeremia 9:23

Nyùy Tàr kfə́n a suúy jii, «Lá ŋgaà kìíy yòʼ a sùmrì wún bìʼ kiíy rə́. Lá ŋgaà vitaàví yòʼ a dzə̀v nsaŋ bìʼ vitaáví və́. Lá ŋgaà bùʼ yòʼ a koʼnín bìʼ bùʼ və.

Ŋwàʼ woó Rom 8:36

A dzə̀ ke vé‑eè saŋen ji wír ámóʼó bí Nyùy a jii: «Éè Nyùy wor, kpúu siʼìr ver vishiíy vidzə̀m bìʼ wò, a vèr sì moo njiì wo á sí du, e see.»

Galatia 6:17

M lóo màysì, e nèn a suúy jii, lá wìr yòʼ kfə̀n dzə́ə a jivír a mo é kinyò fèn. Vilur vee mǒ wùn ví din kijuŋ ji m dzə̀ kwàn a dzə̀ wó Kristu.

2 Pita 1:13

A m yén jii, mo m kù dzəə́ béʼri e nsay fèn, m kú a ratí vinyo vìn, a yìmrì ven shó,