Biblia Todo Logo
Bib sou entènèt

- Piblisite -




Filipi 3:1 - ŊWÀʼ NYÙY

1 Afə̀r vem, m lóo màysì, e nèn a tir ven ji vèn wáa sheʼrí a dzəʼə̀m ye vèn kér vèn à Tàr wòsən Jesus. M nen kfə̀n a suúy kinyo kímóʼ kí, a dzə̀ ke mò‑oò saŋen ne fo vèn. A bó yòʼ dzə̀ m wàa dor fó a remrí kinyo kee shooy, bìʼ fo kí yíi a shìy ven fo vèn tó é kinyò.

Gade chapit la Kopi




Filipi 3:1
46 Referans Kwoze  

A m suuy e vèn adzə̀m jii, vèn wáa sheʼrí dzəʼə̀m ye vèn kér vèn à Tàr wòsən Jesus ghán sidzə̀m. A m suuy, kfə̀n lo li jii, vèn wáa sheʼrí.


A bó yòʼ jòʼsì kishéʼrì ke vèsən wíy a ker e ghan see shooy. Vèsən sí yú vijuŋ lèn vèsən à Nyùy, mo Tàr wòsən Jesus Kristu yiìn ne, vèsən à Nyùy koó viŋkar.


Afə̀r vem, ŋgeʼ si lóo koóy ven, vèn kù a lì ji bòŋ a vishí vén, a fə̀m dzə̀ kfə́ə ŋgeʼ yee ka.


A dzə̀ vèn wàa sheʼrí Nyùy shéʼrín ji wù yiì, vèn wáa yen ŋgeʼ bìʼ kinyo kfə́ mo Kristu‑uù yéné, wíy lóo dzə e ghan se Kristu wíy a wìy, a wù sí kér vikuʼùy a dzə̀ vé Nyùy, é vèn nəə́ sá e wùn mvə̀m vijùŋ, a sheʼrí.


Afə̀r vem, kinjòʼsì ké kinyò ki nén a dzə jii, vèn kú a kwàʼtì vinyo a dzə̀ á ve ru ví ve dzə̀ wíri wàa ghvəm, e kfə̀n a kwàʼtì ve ví dzəə̀n là kiloʼ wùn à vee là nsem vi. Vèn ku tìír vifií vén a dzə̀ é vinyò ve ví wáa bòŋ wir dzə̀m, ve wíri wáa yen, a kòŋ. A kinyo ke juŋ ki dzə̀ shó ke dzə̀ wíri wàa burí, vèn wàa kwàʼtì a dzə̀ kee shooy.


M nen màysì, a tir wir dzə̀m lèn jii, vèn wáa yòy a kiyoy kén kimòʼón, é wìr wáa sham fə́r və, a way e shiliv. Vèn wáa ker shilív she juŋ shi, é wìr wáa lì kitú kfə́ shishàr.


Afə́r vem, m nén a shàʼtì ven ji á bèr á ne. A m tír ven ji vèn navti vinyo vén, e yuùrí ntir sém kijuŋ. Vèn kfə́n shuu e mòʼón, a dzə dzə́ yee nyaáŋ, é Nyùy wo wù koŋ ven, kfə̀n yii, a melív men mè dzə́ nyaáŋ, nèn a dzə e věn mvəm.


Ŋkàr sem, ŋwàʼ wo m sáŋ fo vèn və́ne dzə̀ wo wú meen ji baà. A m lóo saŋ, m kù a ratí a dzə̀ vinyo ve vèn kiiyin ne vìn, e fíʼ a yìmrì vifií vén, é ví kú a tiy a dzə̀ é vinyò foo fèn.


Kidzə̀m ki nén a dzə jii, vèn wáa tiy a kitávín. A kí dzə̀ jii, vèn kú a tiy vèn à Tàr wòsən Kristu, a yeʼtí a dzə̀ e və́ vee vitaáví ve ghaʼán ví.


a m yú vijuŋ, shéʼri Nyùy woo Ŋgaà Lùŋèr wom.


Rúrú, wír veé ram Efrayime wíy a dzə antav e shùu rər, a yu vijuŋ mo wìr nó meluʼ, wúné wàa bòŋ. Wón véví wíy yen, a kòŋ, a sheʼrí kinyo ke Nyùy Tàr yiìn.


Nyùy Tàr woo Nyùy won dzə̀ e věn mvəm. Wù dzə̀ wir rə̀r wo tavín wo wù luŋèr ven. Wù wíy a sheʼrí ven, wù wíy a kòŋ ven, é melív men mè wáa dzə ji nyaáŋ. Wù wíy a sheʼrí ven, a seŋ, a sàvnìn,


Wò, woo ŋgònjuù yee Sion, á yòv kitávín, a sheʼrí. Wò, woo Isray, á yòv kitávín. Ŋgònjuù yee Jerusalem, á sheʼrí vèn à shilív shé shi shidzə̀m.


Éè wìr veé Sion, vèn wáa sheʼrí. Vèn wáa yu vijuŋ ve vinyò ve Nyùy Tàr woo Nyùy won yiìn e vèn ví. Wù yiì ne, wuú mbìyi gbú, e fíʼ dìn ji wun yù ne tóŋ yén. Wù sə̀ʼə́r ne wuú mbìyi, e sə̀ʼə́r yé bàmé, yí ku lò ben e mbòŋén, kù mo yí‑iì rə́si ló.


Kú a sheʼrí ké kí a dzə̀ Nyùy Tàr, é wù yii yiì kinyo ke shilív shé shi diyì.


Ven ve á yúnin Nyùy Tàr, vèn wáa sheʼrí, a sàvnìn. Ven ve melív men mè dzəə̀n tìítiy, vèn wáa kwa, a sheʼrí wun.


bo à yíi a yu vijuŋ ve Ŋgaà Vitaàví Vidzə̀m, a nàn sí, a leéy wun woo Nyùy e shiliv she juŋ shi.


Áwune‑eè yíkir, nó vifá, yú vijuŋ ve tavín ví e Nyùy Tǎr si e kishiíy fóo fèy. Áwune nèn lò, e bìysí Solomon woo wan Davir ji fon fo akàŋ vee abaà, e yòʼ wun ji fon wov e Nyùy Tǎr si, e nèn yòʼ sá Tsadok ji taà cù.


Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.


Á lóo lovtí e vèn bey, vèn wàa sheʼrí sheʼrín, bìʼ fo vèn kiìn ji Nyùy lèm ne vilaámé vén é yuv vigháʼán. Vèn wáa kuumé jii, dzə̀ sá mo vé‑eè lóvti aàŋgàa ntum Nyùy vee fó ŋgùʼú bey.


M yíi a sheʼrí Nyùy Tàr é ŋàŋén, shilív shém shí yíi a wùʼsì Nyùy wom. Wù lùŋèr ne mo, e kwàŋrì vinyo vém, e bòyìr mo, wáa dzə mo wù màʼ a dzə̀ kikúm ke fíy ki e mǒ wùn, m wáa dzə moo lum jìn wo wù naŋsin wún, a dzə moo jín wo wù wayrin wún e vifá ve sùsù vi.


Vèn wíy buʼ, e fetí, é shwéri li kibvər, é kinsəm ki kú a taʼár, a dù sho. Á bèy, é vèn nèn a sheʼrí mo woo Nyùy Tàr, a tuy shwín bìʼ mo woo Ŋgaà wo Ranén woó Isray.


Isray kú a sàvnìn, bìʼ Ŋgaà Mbom və, é wón veé Sione wáa sheʼrí, bìʼ Fon wov.


Nyùy Tàr sáʼ vifon, wìr msòŋ woó kitu ke nsay wáa sheʼrí. Á wáa sàvnìn, à veé shuù se rìbà ndzə̀ví shó.


M lóo kuumé vinyo vìn, shilív shém shí wàa tàʼ, e tum. Kuúmé mo vèr à màŋgòŋ‑eè duùn é lav cù, a m du fo mbìy, aá jumrì mo fó bàm, a vèr à vé ŋkàʼá waáme yòv vibeèrì fo Nyùy, a wúné tékir ver.


Yii bèy, ké wìr ve á lir e wò wùn, ku yiì, aá wáa yu vijuŋ, a yòv ghán sidzə̀m, a sàvnìn. Kú a kìŋsìn áwune, é wír ve á koŋ wòo wáa sheʼrí, a nàn yír yé.


A dzə̀ lèn vèn dù, a yikír, a no vifá ve nyomèn ví, a fo vímóʼ ví e wír ve bó á yòʼ kéríi. Dzə̀ kishiíy ké Nyùy Tàr kee jeéy kí. Lá vèn yòʼ dzə́ə a dzə e nsòv. Kishéʼrì ke Nyùy Tàr kí ku tàvír ven.»


Vèn kú a tuy shwín bìʼ Nyùy Tàr, wù dzə̀ e ránén. Wìr dzə̀m wo wù kóʼti e wun si kú a seŋ, a sàvnìn.


Á bèy, wìr dzə̀m woó Isray nèn a wìy e ŋkùv mensàŋ e Jerusalem, a yòv, a rəəmé, a toŋ loŋ, a toŋ sóŋ, a kwaʼ viŋkwaʼ, a kùm lúŋ mbàytì wùn à yé nshìí.


Hanna wáa bùnrì jii, «Nyùy Tàr rùnér ne shilív shém e kishéʼrì ki. M yú vijuŋ bìʼ kinyo ke wù yiìn e mò, a m shéʼ aŋgaà vém vibàn shéʼén. Nyùy Tàr, m yú vijuŋ, bìʼ fo à səən ne mo.


Vèn wiy e Nyùy Tàr woo Nyùy wón si, e kirə̀ʼ ke wù wíy shoʼ ji á wáa ghvəm yír rə́ fó, aá wáa yinín, a sàvnìn vèn à wón vén vee vilume, à vee vikìyí, e kù a sàvnìn sa vèn aàkwàn vén vee vilume, à vee vikìyí, à wír veé ram Levi ve á dzə̀kìn e věn ŋkà se laʼa. A sàvnìn vèn à viŋgwìy vi, à wón tsə̀ə́, à vikǐy ŋkfə ve á dzə́ e věn mvəmé.


Vèn kù wíy a yi vifá vee shooy a dzə̀ e Nyùy Tàr woo Nyùy wón si, e kirə̀ʼ ke Nyùy Tàr woo Nyùy won wíy shoʼ ji á wáa cù wun fo. Wíy a yi vèn à wón vén vee vilume, à vee vikìyí, aàkwàn vén vee vilume, à vee vikìyí, à wír veé ram Levi ve á dzə́ e věn ŋkà se laʼa. Vèn kù wíy a yi fo, a sàvnìn e Nyùy Tàr woo Nyùy wón si bìʼ séʼ wo vèn kooyin fo věn lìm si.


Afə̀r ver, vèr nen kfə̀n a tàʼ ji vèn kuúmé á kinyo ke Tàr wòsən Jesus‑eè yiìn e vèsən, a lon feyì jii, vèn ku màysì, a nəə́ nəə́n é liì wo Nyùy taʼ ji vèn wáa ker. Liì və̀n dzə̀ wo vèr‑iì yeʼeyin ven shó, a dzə̀ woo shooy wo wù bòŋèn Nyùy.


Kishéʼrì ki wíy run e wír vémé shiliv, aá wáa yòv, yii bèy, tímé wíy ndzəʼ ven, é vèn wáa toŋnín. Vèn wíy a dìy, a jeetí, bìʼ nyár ye yí wíy a kèr tím yén.


Ven ve á yúnin Nyùy Tàr, vèn wáa ndzəʼ, a sheʼrí wun. Wír Nyùy adzə̀me wáa burí wun.


Swiv nou:

Piblisite


Piblisite