Filipi 2:9 - ŊWÀʼ NYÙY

⁹ Bìʼ kee shooy, Nyùy kóʼór wun, wù wáa dzə vitú ve ntaʼ, e bùʼ e yír ye yí shaàn yír sidzə̀m,

Filipi 2:9 Referans Kwoze

Ŋgaà Yen 19:16

Wù wáa wìy bèy, m yén, aá sáŋ yír yímóʼó e wùn kikum, e kfə̀n sàŋ é kibìy, a yí dzə̀ jii, «Fon‑afòn, Tàr‑fo‑atàrí.»

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

1 Pita 3:22

e kòʼ é yuv, fo wù dzə́ lèn e Nyùy koy yìyí, sáʼ nshèelav se Nyùy wùn à vitú vév ví, à vifá ve ví kér vitaáví é yuv ví vidzə̀m.

Hibru 2:9

Ke vèsən yén lèn ki dzə̀ Jesus wo wù sáʼ vifá vìn vidzə̀m. A Nyùy‑iì lo lèm wun fo nshèelav sə́ sí mbìv tsə̀n e bǎm shintàm. Wù‑uù lèm bey ji Jesus kpú á fo wìr dzə̀m mo wun woo Nyùy‑iì shamen áwune, e sìysì. Wáa dzə lèn, a Nyùy búʼ ne wun, e fò vitaáví vé saʼ sho ji á wáa ghvəm, a yu fo fo, bìʼ fo wù‑uù biimen ŋgeʼ, e kpù fo wíri.

Aysaya 52:13

Nyùy Tàr suuy jii: «Vèn yén ri, wìr wom lìm və̀ne, a vinyo və́ ví wíy a ghanén kijuŋ. Á wíy a burí wun, a koʼór yír rə́, a ghvəm wun feyì kigháʼán.

Ŋgaà Yen 5:12

Aáwune yov, kwá kitávín jii: «Wàn Njiì wo vé‑eè yuyrin dzə̀ wo wù gheenen ji á kóʼór, e fò sáʼ sho. Wù kú a ker vifá vidzə̀m, a ker vifií, a ker vitaáví vidzə̀m. Á kú a ghvəm wun, a wùʼsì yír rə́, a burí wun.»

Daniel 7:14

Á fó wun vitaáví vé saʼ, e fò wun vikuʼùy, wù wáa saʼ vifon, é wìr dzə̀m fíʼ a lìm fo wun, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Sáʼ rəə́ dzə̀ sáʼ, a yí kù wíy a tiy fo, a bó yòʼ dzə̀ yí wìy mày. Vifon və́ ví dzə̀, a bó yòʼ dzə̀ kifá ki wìy laàr.

Hibru 1:4

Mo Wàn Nyùy dzə̀ʼə̀mèn e Nyùy ghaŋ, wù kóʼór wun, e shaà nshèelav sə́ sidzə̀m. A kù dzə̀ mo yír rəə́ kùʼùn, e shaà yé nshèelav sidzə̀m,

Nsùyrì Nyùy 89:27

M wíy lì wun ji wán wom mbìy, e lèm ji kitú ke afòn veé kitu ke nsay.

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

Aysaya 53:12

Bìʼ bey, m wíy bùʼ wun, e fo ghay, é wù wáa jàv vifá ve á kuuyin fó kwaʼ rər e kfə́m sé wìr si. M wíy yiì bèy, bìʼ fo wù‑uù foon kitú kfə́, e kpù bìʼ wíri, e biìmé ji á tátí wun wùn à vé jayi. Wù‑uù bèʼèy ajay wìr anín, e kfə̀n tìím mbìy, ji á ku làysìn ajay vév.»

Nsùyrì Nyùy 110:1

Nyùy Tàr‑iì sùúy e tàr wor jii, «Dzə̀ʼə̀m e mǒ koy yìyí, e meé e ghan se m wíy neèr aŋgaà vé vibàn e wò si, áà tiír wuú yé sho.»

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Nsùyrì Nyùy 110:5

Nyùy Tàr kù dzə̀ e wò koy yìyí. Dòʼshwiíy wíy kiv wun e kishiíy fó, é wù ton afon.

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Aysaya 9:7

Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.

Nsùyrì Nyùy 91:14

Nyùy suuy jii, «M wíy bòyìr wír wo wù tíy e mǒ wùn, koŋ mo, a kìŋsìn wír wo wù bínsi mo ji Nyùy.

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

2 Pita 1:17

Tàr wov Nyùy‑iì din vikuʼùy və́ vé saʼ, a vèr dzə̀ fó. Vèr yú mo wun wo dzəə̀n Vitú ve Saʼ suuy kùm Jesus jii, «Və̀n dzə̀ Wán wom. M koŋ wun e ŋàŋ. Wù bòŋ mo féyì.»

Kolosia 1:18

A kfə̀n dzə̀ wun kitú ke kintatì ke wìr Nyùy ke dzəə̀n ji wún və́. Kù‑uù yiì wun, bo kintatì kìn ki keʼ a dzə, bìʼ fo dzəə̀n wun wir mbìy wo Nyùy‑iì fəərin fó kpu, nén a dzə wun wo wù tíy mbìy vinyò vidzə̀m.

Lim Aŋgàa Ntum 5:31

Nyùy kóʼór wun, e dzə̀ʼə̀r e wùn koy yìyí ji wáa dzə wun Taà Vitu, e kfə̀n a dzə Ŋgaà Lùŋèr. A wù yii bèy ji wír veé Israyi fíʼ bìnèr melív mev, é wù laysin vinyo vév ve bi ví.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Joon 17:11

Wáa dzə lèn, a m sí maʼtì ndzə rə̀n, a kfən fo wò wùn, aáwune yíi siíy kév, e gòʼ sho. Tàr, kù jòʼsì wò ji Nyùy. Kú a shìy áwune mo yír yée dzəə̀n, a dzə̀ yíwun yee yír ye wò‑oò foon sá e mò. Kú a shìy áwune, aá tátí a dzə ji kitú kimòʼón mo wòsò dzəə̀n sá ji kitú kimòʼón.

Joon 17:12

Mò‑oò dzə́ vèr áwune é ndzə fèn, a shiy mo áwune mo yír yée kù dzəə̀n, yír ye wò‑oò foon e mò rəy. Mò‑oò kfə́vsi áwune, a bó wo mòʼón yòʼ‑oò lo lày. Kù‑uù lày wo yì‑iì siìn ŋgaà lòn ji kinyo ke vé‑eè saŋen e wò ŋwàʼ ki fiʼ ghèén.

Efesor 1:10

Wù‑uù sìysì jii, ghán sí wíy gheén, é wun wáy vifá vidzə̀m e Kristu kiwo, kìn dzə̀ veé yuv, kìn dzə̀ veé nsay fèn, é wù tátí, é wùn à Nyùy kfə́n á ji kifá kimòʼón.

2 Tesalonika 1:12

Nyùy wòsən wùn Taàtá wòsən Jesus Kristu ku sə̀, é vèn wáa yiì vinyo vìn vidzə̀m, a ghvəm Jesus, a sùyrì wun e dzəə fóo fèn. Vèn lóo yiì bèy, é wíri kfə́n a burí sa ven bìʼ wun woo Taàtá wòsən Jesus.

Hibru 1:9

Mo à sí koŋ a dzə̀ vinyo ve réŋ ví, ban yii ye bií, bo Nyùy woo Nyùy wò shòʼ ne wò, e yòʼ, à wáa yu vijuŋ e shaà awàʼ vé adzə̀m.»

3 Joon 1:7

bìʼ fo áwune ghán a dzə̀ bìʼ kinyo ke Jesus Kristu, a bo á yòʼ ghán bèy, leey shúu wìr ve bó yòʼ dzəə̀n vé Nyùy.