Filipi 2:7 - ŊWÀʼ NYÙY

⁷ Wù ŋwáy kilíŋ kee shooy, e lì a dzə̀ ké kwàn, á dzəə́ wun réŋréŋ ji wir msòŋ.

Filipi 2:7 Referans Kwoze

2 Korin 8:9

Vèn kì sá mo Tàr wòsən Jesus Kristu‑uù shamen vèsən. Vifá vidzə̀m vi dzə̀, a yì‑iì kér wun, wù màʼtì bìʼ vèsən, e wìy e ndzə ji ŋgaà kitàn. A wù‑uù yii bèy, ji vèsən fíʼ nəə́ e Nyùy mvə̀m vikùʼùy.

Matio 20:28

A dzə̀ réŋréŋ sá mo ŋgaà wo yírí dzəə̀n *Wanwìr və̀n yoʼ wìy ji wíri wáa lìm fo wun. Wù wìy ji wù wáa lìm fo wíri, e fo kitú kfə́, e fíʼ tin wír anín fo lòn.»

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Ŋwàʼ woó Rom 8:3

Nyùy yiì ne kinyo e mǒ wùn, a bó m yoʼ lò, a tùr a dzə̀ fó nsər, m yiì, bìʼ fo mensə́ mem mè yòʼ koŋ kinyo ke nsər suuyì. A kí dzə̀ jii, Nyùy‑iì tùm Wán wo dzəə̀n və́ə, wù wìy, e lì mbom a dzə̀ ye wìr wo wù yii vinyo ve bi ví. Wù‑uù kpù fo wírí ajay, nèn ndzəə̀r vitaáví vé vinyò ve ví lim aáwuné wùn vee shooy.

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.

Ŋwàʼ woó Rom 15:3

Vèn kì sá jii, Jesus Kristu yòʼ‑oò ló a yiì vinyo a ji kú a yu wun vijuŋ. Wù‑uù biìmé kfə́ a dzə̀ kinyo ke vé‑eè saŋen jii, «Liy se vé‑eè shur Nyùy sho si bìnkìr, e kfə̀n a dzə̀ e mǒ kitu.»

Aysaya 53:11

Wù wíy yen ŋgeʼ, yì mayì, lóo yen vijuŋ ve yì wìyìn shó, kiiy nsàv, é shilív sə́ shí neem é nsay. Nyùy Tàr suuy jii, «Rúrú, ŋgaà wom lìm wíy yiì, aá mayir ajay wìr anín, bìʼ fo wun wo wù yòʼ kér jay wíy bèʼèy ajay wìr anín.

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

Ŋwàʼ Luk 22:27

Wìr wo kuʼùn yii dzə́ vəné? Dzə̀ wo wù yéʼ, yíkir yìkín, moo wo wù fer vifá ve yi a? Bó yòʼ dzə̀ wo wù yéʼ kfə́, yíkir yìkín a? A m dzə̀ kém e věn mvəm ji wír wo wù lim fo vèn.

Ŋwàʼ woó Rom 15:8

Vèn wáa kiíy jii, Kristu‑uù wìy, e lì kitú kfə́ ji wánlè wìr veé Juda, e fíʼ dìn aáwune ji Nyùy kù yii yii kinyo ke wù kàʼàn, a wù yiì ne kíwun lèn ke wù‑uù kàʼàn atǎr ram vév vee fó mbìy sho.

Filipi 2:6

Mo wù fə̀m‑eè dzəə̀n réŋréŋ ji Nyùy, bó wù yòʼ‑oò ló a tàŋèn ji wun kú a ker kilíŋ ke Nyùy kee shooy.

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Nsùyrì Nyùy 22:6

Yii bèy, kém kí dzə̀, a bó wíri yòʼ yén mo ji wír. Á yén mo ji kiŋgoóŋgoŋ, shoor mo, kfə̀n ŋwáyí.

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Matio 12:18

«Vèn yén ŋgaà wom lìm wo m shoʼon. M koŋ wun e ŋàŋ, a shilív shém shí tíy a dzə̀ é wùn wó. M wíy fo Kiyoy kém shó, é wù wáa fìʼtì sáʼ ye dzəə̀n yee réŋ e vitúm ve bó yòʼ dzəə̀n wír veé Isray vi.

Hibru 13:3

Vèn kú a kuumé wír ve á túŋ sháŋé, a kuumé wír ve á nyavrì sho adzə̀me, é kí wáa dzə mo yén vèn áwune ŋgeʼ see shooy wír adzə̀m.

Ŋwàʼ woó Rom 1:3

A dzə̀ sáʼka woo kùm Wán və wo wù‑uù liìn mbom wìr, á dzəə́ wun e Fòn Davir ram.

Maak 9:12

Jesus bìnèr jii, «Dzə̀ rú, Elija kér fó wìy fo mbìy ŋkuŋ, e naŋsín vinyo vidzə̀m, é ví kfə́n vifíy. Yii bèy, mo vé‑eè saŋen sá e Ŋwàʼ Nyùy ji ŋgaà wo yírí dzəə̀n Wanwìr kér fó wìy yen ŋgeʼ sinín, aá káy wun, vé‑eè sàŋ bey bìʼ ka?

Sekariya 3:8

Éè Joshua, wò woo taà cù wo kuʼùn, vèn aàtàá cù ve á dzə́ e wò ghaŋe yuúrí lèn. Vèn dzə̀ kisəəm ké kinyò ke juŋ kímóʼ kí ke kí dzəə́ wiyì. Vèn yú, m wíy yiì, é ŋgaà wom lìm wiy, wùwun, aá yoŋ ji Tám.

Daniel 9:26

Ghán sin si wíy shaà, aá laar taà saʼ wo á yoʼon ne, e buúr sáʼ fo kiwo wo. Taà saʼ wùmòʼ wíy ŋaʼáy e ghan fèn, é vé rər vəə́ laar ŋkàlaʼ wùn à kirə́ʼ ké cù ki. Á wíy laàr fó mo laàr ndzə́v, é rə́r sí kú a shaà fo mbìy, e meé mo ghán see shooy si‑íì shaa. Á mo Nyùy wayin ji ŋgeʼ si wíy a koóy.

Aysaya 49:3

Á bèy, Nyùy Tàr yòŋ e mò jii, «Wò, wo à dzəə̀n ji Isray, à dzə̀ wír wom lìm. Wíri wíy a ghvəm mo, bìʼ wò.»

2 Korin 13:4

Dzə̀ rú, wù‑uù lo weèy moo wír, á lì wun, e yùyrí e kintam. Yii bèy, a wù dzə́ lèn a dzə̀ bìʼ vitaáví ve dzəə̀n vé Nyùy. Mo vèr à Kristu tatin, vèr nén a weèy sa fo wùn. Yii bèy, a vèr kfə̀n dzə̀ sá bìʼ vitaáví ve dzəə̀n vé Nyùy, a dzə̀ víwun ve dzə̀ vèr neèr e věn nsàn.