Filipi 2:6 - ŊWÀʼ NYÙY

⁶ Mo wù fə̀m‑eè dzəə̀n réŋréŋ ji Nyùy, bó wù yòʼ‑oò ló a tàŋèn ji wun kú a ker kilíŋ ke Nyùy kee shooy.

Filipi 2:6 Referans Kwoze

Joon 5:18

Kinyo kìy ki màysì, e yiì, vé wòŋe wáa tàʼ, e yuyrí Jesus, bìʼ fo wù‑uù yoŋ Nyùy ji Tàr wov, a dzə̀ ji wù sí fiʼsìn kitú kfə́ wùn Nyùy, a bó yòʼ mày cáʼ ji wù bívir a nsər kishìíy ké bam.

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.

Hibru 1:3

Wù dzə̀ ji kikúv ke wun woo Nyùy, a dzə kinyo kidzə̀m ji Nyùy, njaʼkìr réŋréŋ moo Nyùy. A dzə̀ wun wo wù kér ndzə e dzə̀m e wùn kiwo, súŋnin, bo yì wáa ker vitaáví, a lìm mo yì limè. Nén a dzə wun wo wù‑uù manen vinyo ve wìr veé ndzə ji á fíʼ ran fo áwuné ajay. Wù màysì, e nèn kòʼ é yuv, e dzə̀ʼə̀m e Nyùy woo Taà Vitu ghaŋ.

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Ŋgaà Yen 21:6

Wù kfən sùúy e mò jii, «Nsìysì wom ghèén ne lán e dzə̀m. Dzə̀ mo *Alfa wùn *Omega, a dzə̀ jii, Keʼ wùn à Kinjòʼsì kí. M wíy a fo mendzə́v me dzəə̀n dzəʼə̀m yee là may e wìr wo kilòŋ kí yúm e dzə̀m, a mè fəə́ fo mǒ dàn ghán sidzə̀m, aá nó kisáŋ,

Joon 10:30

a vèr Tàr wor dzə̀ ji kitú kimòʼón.»

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Hibru 13:8

Jesus Kristu və̀n yòʼ yii kúvsinè. Mo wù‑uu dzəə̀n é yooné, kù dzə̀ mo wù dzəə̀n lán, a kù dzə̀ mo wù wíy a dzə bèy, e dù, e mày.

Joon 10:33

Á bìnèr jii, «Bó vèr yòʼ kì yúyri wò fo kee shooy ki. Vèr yúyri wò, bìʼ fo à táŋ kilíŋ ke dzəə̀n ké Nyùy. Wò, wír fo wìr, aà suuy ji à dzə̀ sá ji Nyùy.»

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Ŋwàʼ woó Rom 9:5

aá ràm a dzə̀ fo wír ve vé‑eè súŋnin wùn à Nyùyi. Jesus Kristu woo *Mfə̀ə́r wìy wìy, e lì mbom wìr, á dzəə́ wun a dzə̀ aáwuné ram, a dzə̀ wun wo Nyùy lèmèn lèn ji vitú ve saʼ. Á ku nèn a burí Nyùy ghán sidzə̀m. Amen.

Aysaya 7:14

Mo á tenen ne fóo lon kisəəm fo Nyùy Tàr, bo wúnwun woo Nyùy Tàr lo, e dìn a kisəəm aáwune. Á yuúrí á kijuŋ, wánlè ŋgòn woo shó wíy tiím a bvəm, e dzəə́ wán lumèn, dzəə, é wù shu á yír ji Immanuel.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Joon 20:28

Tomar ku nèn sùúy suuyín jii, «Dzə̀ wò Tàr wor, aà dzə̀ Nyùy wom.»

Joon 10:38

Vèn yén, a m kù yii a dzə̀ vinyo vee shoon, a bó vèn yòʼ fə̀m koŋ, e biíme kinyo ke m suuy e mǒ kitu, vèn kù biìmé bìʼ vinyo ve m yii vìn, é vèn nèn wìy kìíy rú kijuŋ ji kù dzə̀ vèr Tàr wor, a vèr wun dzə̀ ji kitú kimòʼón.»

Hibru 1:6

Wáa dzə e ghan se wù‑uù sí túm Wán və wo wù tíy mbìy vifa vidzə̀m ji wù wiy é ndzə fèn, wù kfən sùúy sho jii: «Nshèelav se wun woo Nyùy sidzə̀m si kù kér fó a gvəʼtí e si wo.»

Titur 2:13

a shìy vijuŋ ve vèsən tiirin vifií shó, ji Jesus Kristu bvə́y, a wù sí kér vikuʼùy a dzə̀ veé yuv. Dzə̀ wun Nyùy wòsən wo ghaʼán wo wù luŋèr vèsən.

Matio 1:23

«Wánlè ŋgòn wùmòʼ wíy tiím bvəm, a bó wù yóʼ ne kìíy lumèn, e dzəə́ wán lumèn, aá wíy a yòŋ ji Emmanuel.» A nsàv yìr rən dzə̀ jii, «Nyùy sì vèsən áwune.»

Joon 14:9

Jesus yòŋ jii, «Filiv, m rə́si dzə́ vèsən, e kèʼ fo ŋgùʼ, a bó à yòʼ kì mo m dzəə̀n a? Wìr wo wù yenen mo, yèn a dzə̀ Tàr wor. A dzə̀ à kfə̀n a suúy ji m din Tàr wor dínen e vèn é le?

Jeremia 23:6

Wíy lòo dzə e wun ghan sé saʼ, é wír veé Judàa boy, é dzəʼə̀m wìr veé Israyi wáa dzə e kiŋsìn. Yír ye á wíy a yòŋ wun shoo dzə̀ jii, ‹Nyùy Tàr woo Ŋgaà Lùŋèr wor.› »

Aysaya 8:8

Á wíy sùm Juda moo ndzə́v ye kuʼùn ye yí rún, sum virə́ʼ, kóʼ, mee e wìr kilòŋ.» Yii bèy, Nyùy dzə̀ vèsən áwune. Wù kù wíy a kìŋsìn wír veé Juda mo shinə́n shí kùʼtí wón é sar vàv.

Hibru 1:8

Fo ké Wan və kí, wù suúy jii: «À dzə̀ Nyùy, a sáʼ yée kù wíy a tiy fo, e dù, e jòʼsì. À wíy a saʼ vifon vé kijuŋ feyì là kiloʼ.

Joon 5:23

é wìr dzə̀m fíʼ a ghvəm Wán və réŋréŋ mo á ghvə́m wun woo Tàr. A wìr dzə̀ là fó a ghvəm Wan Nyùy, bo bó ŋgaàŋ yòʼ ghvə́m sa Tàr wov wo wù tumen wun.

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

1 Timoti 1:17

Á kú a kwa Nyùy wo dzəə̀n Fon wo wù sáʼ ghán sidzə̀m, Nyùy, wo bó yòʼ dzə̀ wù kpù, a bó yòʼ dzə̀ wìr yèn sí rə́. Kù jòʼsì wun wo dzəə̀n rú Nyùy. Á kú a wùʼsì yír rə́ viyá viyá là may. Amen.

2 Korin 8:9

Vèn kì sá mo Tàr wòsən Jesus Kristu‑uù shamen vèsən. Vifá vidzə̀m vi dzə̀, a yì‑iì kér wun, wù màʼtì bìʼ vèsən, e wìy e ndzə ji ŋgaà kitàn. A wù‑uù yii bèy, ji vèsən fíʼ nəə́ e Nyùy mvə̀m vikùʼùy.