Filipi 2:4 - ŊWÀʼ NYÙY

⁴ Vèn lóo yiì kinyo, vèn wàa yiì a dzə̀ ke kí sə́ wir dzə̀m. Lá wìr yòʼ a yiì ji kí kú a sə a dzə̀ wun.

Filipi 2:4 Referans Kwoze

1 Korin 10:24

Lá wìr yòʼ a dìy a dzə̀ kitú kfə́. Wù wáa dìy ji wun sə́ sáa fə́r və.

Ŋwàʼ woó Rom 15:1

Afə̀r vem, kinyo ke dzə̀ vèsən wàa yiì ki dzə̀ jii, wìr wo wù kiìn ji dzə̀ wun wàa yiì vinyo, la shilív shí yòʼ a saʼ wun fo fo, ku yòʼ màʼtì vinyo vee shooy, e fíʼ sə fə́r və wo bó wù yòʼ kiìn bey. Lá vèsən yòʼ a yiì kinyo ji kí wáa bòŋ a dzə̀ á vèsən.

Jeem 2:8

A vèn kì taʼ, a yiì réŋ, bo á kì lem a dzə̀ nsər ye yì tíy vitú e Nyùy mvə̀m vifòn, a dzə̀ ye yì dzəə̀n é Ŋwàʼ Nyùy jii, «Wìr wáa kòŋ fə́r və mo wù koŋ kitú kfə́.»

Ŋwàʼ woó Rom 12:15

Wíri lóo sheʼrí, vèn áwune wàa sheʼrí adzə̀m. Á lóo sòv kitú, vèn áwune wàa sòv adzə̀m.

2 Korin 11:29

Shilív shé wìr shi lóo seèm, m nèn a yen kém ji seem a shém. Wìr lévti wír, wáy e kinyò ke bi kí, wàa yu mo nyár.

Matio 18:6

A sì ji wìr yii, é wìr fo ve á wáy shilív e mǒ wùn moo wón ve terí víne jáy dzə́ə, bo kí bòŋ ji á səə́y lúm tíy kiban e ŋgaàŋ kilòŋ, e màʼ e ndzəv, é wù lay.

2 Korin 6:3

Ver vee aŋgàa ntume nén a tiír kiwúu kér, a fìʼ, fo lim yérí bír, a baàmè, fó teʼtín dzə́ə wìr wùmòʼ, é wù rán mbùʼme Nyùy və̀n.

Filipi 2:21

A m suuy bèn, bìʼ fo kùʼùn wìr diy a dzə̀ kfə́ kee kinyo, e làa yòʼ a ci ké Jesus Kristu gheéy.

Kintaŋ 32:6

Mooser nèn yòŋ e rám Gad wùn à yé Rubene jii, «Bó afə́r véné bèn yíi a dù e shùu rər, é vèn maʼ wún, a neŋ fèn a?

Esta 2:22

Kinyo kìy ki tó e Mordekay kitùʼùr, wù suúy e Yaà Esta. Yaà nèn lì kilíŋ ke Mordekay, e bùn fon, e fìʼtì sho.