Filipi 2:30 - ŊWÀʼ NYÙY

³⁰ bìʼ fo wù‑uù wayin vifií e Jesus Kristu kinyò, e bèr gheéy fó kpu. A wù‑uù wáy nyár e wun wùn bey cáʼ ji wun li á kirə́ʼ ke yì‑iì dzəə̀n kén, e wìy, a sə mo.

Filipi 2:30 Referans Kwoze

1 Korin 16:17

A m shéʼri mo wun woo Tefanar wùn à Fortunaatur, à Akaykur wìyìn, e yèn mo fen. Mo áwune wìyìn, kí nén a dzə mo m yèn a dzə̀ ven.

Filipi 4:10

M beerì Tàr wòsən Jesus Kristu, shéʼri feyì mo m kfə̀n yén, a vèn leey fo mò mo vèn‑eè leey fo ŋgùʼ. A bó m yòʼ suuy bèn ji vèn‑eè bìn á ndzə̀m fo mò, vèn‑eè tàn a dzə̀ dzə́ə.

Lim Aŋgàa Ntum 20:24

Yii bèy, a bó m yòʼ yén kitú kém, a kí mee e kifa, e shaà ji m maysi lim ye Tàr wòsən Jesus‑eè wayin e mǒ kiwo ji m wáa fìʼtì sáʼka Nyùy wo juŋ, a naàrì mo wù bùʼùn wíri.

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

2 Korin 12:15

M dzə̀ kibáʼtín féyì fó fo kitú kém e vèn, e kfə̀n jivír kifá ke m kér kidzə̀m, é vèn fiʼ màysì, e kìíy Nyùy. Mo m géŋsin e vèn ben, bo dzə̀ kee shooy ki yiì rú ji vèn wáa yen mo fó tèr a? Àáy.

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

Filemon 1:13

Mò‑oò koŋ feyì ji bo m lèm wun e mǒ ghaŋ, wù lí á kirə́ʼ ké, a leéy fo mò é sháŋ wo m lim fèn bìʼ sáʼka woo kùm Jesus Kristu.

Filipi 2:27

Wù‑uù lo jòy rú féyì, a tàʼ kpu. Yii bèy, Nyùy shám mendzən mvə, wù lùŋ, e kfə̀n rə̀r sá méem fo wù kpú, é m maysi, a sòv kitú e ŋàŋ.

Filipi 2:17

Mo vèn wayin shilív e Wàn Nyùy wùn, a sheʼrí, bo dzə̀ cu mo vèn cu Nyùy. A wù ben yèn ji á yúyrí mo, e dzə̀sì cu yén shó, bo m kù nəə a dzə̀ e věn mvə̀m kisheʼrì, é vèsən maysi, a yu vijuŋ.

1 Korin 16:10

Timoti wíy wìy sa, e ghan ven. Kii vèn, vèn ku keèrí wun kijuŋ. Wù lim sa lim a dzə̀ yé Tàr wòsən Jesus réŋréŋ mo m limè.

1 Korin 15:53

Vèn wáa kiíy ji wún wósən wo dzə̀ wú kpù, e fòy və̀ne kér fó wìy bìnkìr, a dzə ji kifá ke bó yòʼ dzə̀ kí dzəə kpù, e fòy.

Ŋwàʼ woó Rom 16:4

Aáwune‑eè lo wày féyì ji a fə̀m dzə̀ kpú, á kù kpù á fo mǒ kitu. A bó yòʼ jòʼsì mo wo m shéʼri áwune gheéy. Vintatì ve wìr Kristu ve ví dzəə̀n é vitum ve bó yòʼ dzəə̀n veé Juda vidzə̀m vi shéʼri sa áwune.

2 Korin 4:12

Á mo vèr biimen kér a dzə̀ kpú ji vèn fíʼ a ker dzəʼə̀m yee là may.