Filipi 2:3 - ŊWÀʼ NYÙY

³ Lá vèn yòʼ a dzə, é wìr wáa dìy a dzə̀ kitú kfə́. Lá vèn yòʼ a sùmrì wún. Vèn wáa lì vitú vén shishàr, é wìr wáa yen wùmòʼ, a shaà kfə́ kee kitú.

Filipi 2:3 Referans Kwoze

Ŋwàʼ woó Rom 12:10

Vèn wáa kòŋnìn mo wìr yii koŋ fə́r və, é wìr wáa yen wír, a shaà kitú kfə́.

Galatia 5:26

Kí nén a dzə jii, lá wìr yòʼ dzə́ə a ràʼsì wún á ji yiì wun, e bóo gheén Nyùy, fó a tinsín fə́r və, é wù wáa siimé.

Efesor 5:21

Kímóʼ kí nén a dzə jii, ven vee wír Kristùu wáa fonín a vitú vén. Vèn lóo yiì bèy, bo á ghvə́m a dzə̀ wun woo Kristu.

Efesor 4:2

Vèn wáa lì vitú vén shishàr, a borkír, a ker wir dzə̀m ji weè, a kòŋ áwune, é la wìr yòʼ a yen jay wìr.

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

Filipi 2:14

Vèn lóo yiì vinyo ve vèn yii vidzə̀m, lá vèn yòʼ a ghvə̀vrì, a bìʼ mbìʼ,

Galatia 5:15

Yii bèy, a vèn lò, e kù a nyàmnìn, a lumnín moo jwí si, vèn kù yòʼ a kiíy ji vèn sí bívir a vitú vén.

1 Timoti 6:4

bo ŋgaàŋ raʼsì a dzə̀ wún kisáŋ ji wun kì vinyo, a bó wù yòʼ kì tsə̀r gheéy. Wìr woo ben lo, wù wàa jòy a dzə̀ mbìʼ, a taŋnín e kinyò là ndzə̀n. Wíri nèn a ghèʼnìn, a bvəərí, a duu viduú. Wìr lo, wù nèn a leéy wír e sí ye bií.

Ŋwàʼ Luk 18:14

Vèn wáa kiíy jii, wìr və̀n‑eè fəə̀, e lòo səy e wùn laʼ, a Nyùy lí ne wun ji wír woo là jay, e shaà wir Farasi və̀y. Kù dzə̀ mo Nyùy wíy sèn wír ve á kóʼor vitú vév adzə̀m, e koʼór ve bó á yòʼ yén vitú vév.»

Ŋgàn 13:10

Kiŋkoʼòrwùn kí fəər a dzə̀ kitáŋnìn, a wìr wo wù kér vifií dzə̀ wo wù yú ntir.

Kolosia 3:8

Yii bèy, lèn və̀n, vèn kér fó shoʼtí wó fo vinyò foo fèn vidzə̀m. Lá wìr yòʼ a shwiíy kilòŋ fo wùmòʼ, e làa yòʼ a nyarnín. Vèn maʼti melív me bi mè, e làa yòʼ a suʼ kinsuʼ, e màʼtì sa vimfèr ve bi ví.

2 Korin 12:20

Kinyo ke m fan ki dzə̀ jii, ghanmóʼ, é m wìy wìy, e yèn kinyo ke kí wáa nyar mo, é m nèn a nyarnín sa. A m fan fó wìy wìy, e yen, a vèn seʼnìn, gheʼnìnè. Kìn vèn shwiiy a dzə̀ kilòŋ, kìn wìr diy a dzə̀ və́ woo shuu. Kìn dzə̀ ji vèn duú viduú, súʼ kinsuʼ. Kìn ámóʼó kóʼor wún, a wíri dzə́ jeéy jeéy.

1 Korin 3:3

Vèn kù dzə̀ə́ moo wír ve á yú a dzə̀ fo mensə́ mev mè. Mo vèn rə́si gheʼnìnè, táŋnin ghán sidzə̀m, bó kí yòʼ din ji vèn dzəə́ yú a dzə̀ fo mensə́ men mè à? Vèn kù dzəə́ yii a dzə̀ kinyo ke wír veé ndzə fène yii.

1 Korin 15:9

A m dzə̀ kém aáwuné mvəm ji kinjòʼsìbàm ké wìr. A bó m yoʼ fə̀m ghèén ji á wáa yòŋ mo ji ŋgaà ntum Jesus Kristu, bìʼ fo mò‑oò nyavrì e kintatì ke Nyùy ki.

Ŋwàʼ woó Rom 13:13

Vèsən wáa ker liì a dzə̀ wo wìr veé ndzə ye ranén. Lá vèn yòʼ a ghan, a no a dzə̀ meluʼ, a yi vitú. Lá vèn yòʼ a jàŋ kinjàŋ, a yiì joonè woo bey. Lá vèn yòʼ a nyàmnìn. Lá wìr yòʼ a ghèʼ sa wír.

Ŋwàʼ woó Rom 2:8

Lóo dzə wír wo wù‑uù rə́si kfə́, táv a dzə̀ kitú, ŋwáy kinyo ke dzəə̀n ke ru kí, tíy a dzə̀ e vé kisaŋ vi, é Nyùy nèn dìn mo wù shwiiy kilòŋ fó vinyò foo fèy, e fò ké ŋgaàŋ a dzə̀ lòn wo biibií.

Kolosia 3:12

Mo Nyùy shoʼon ne ven, e nàŋsín ji və́ vee wír, a rəsí, a kòŋ ven ghán sidzə̀m, vèn ku nèn a ker liì a dzə̀ və́ə. Wìr wáa sham fə́r və, a yiì kinyo ke juŋ ki shó. Wìr kú a lì kitú kfə́ shishàr, a ker wir dzə̀m ji weè, a lò ji nyaáŋ,

1 Pita 3:8

M nen màysì, a tir wir dzə̀m lèn jii, vèn wáa yòy a kiyoy kén kimòʼón, é wìr wáa sham fə́r və, a way e shiliv. Vèn wáa ker shilív she juŋ shi, é wìr wáa lì kitú kfə́ shishàr.