Filipi 2:29 - ŊWÀʼ NYÙY

²⁹ Kí nén a dzə jii, wù wíy wiyì, vèn keèrí wun moo wir Kristu, a sheʼrí wun. Vèn wáa ghvəm kfə́ə wìr vee bene,

Filipi 2:29 Referans Kwoze

1 Timoti 5:17

Wìr lóo dzə taà kintatì, a wù lim e kintatì kijuŋ, á kù a geʼ sa sho feyì kijuŋ, bo taaka ve á fiʼtì kinyo ke Nyùy, yéʼey wíri.

1 Tesalonika 5:12

Afə̀r ver, vèr kfə́n a lon fo vèn ji vèn wáa ghvəm a wír ve á lim e věn mvəm, tír ven, bìʼ fo lèmèn Nyùy áwune ji á wáa leéy a fo vèn.

1 Korin 16:18

Shilív shém shí nen rə̀sìn, réŋréŋ mo wír vìne lo, á wàa rəə̀r méen mee melív. A kí bòŋ ji vèn wáa ghvəm a wír vee ben.

Ŋwàʼ woó Rom 16:2

Wù wíy wiy fo věn wùn, vèn kù keèrí wun ji fə́r won wùmòʼ é kinyò ke Tàr wòsən Jesus Kristu réŋréŋ mo dzə̀ wír Nyùy, á wàa yiì. Vèn yén, a kinyo ki gháʼ wun, vèn kù sə̀ wun, a kiíy ji wù dzə̀ ben, a wù sə̀ ne wír anín feyì, e kfə̀n sə̀ sá mo.

2 Korin 10:18

A kí dzə̀ jii, a wìr lò, a suúy a dzə̀ kitú kfə́, la wíri yòʼ a yen. Vitaáví vé Nyùy vi lóo yensín e wìr lìm, á nèn a yen.

1 Korin 16:10

Timoti wíy wìy sa, e ghan ven. Kii vèn, vèn ku keèrí wun kijuŋ. Wù lim sa lim a dzə̀ yé Tàr wòsən Jesus réŋréŋ mo m limè.

3 Joon 1:10

M wíy wìy, yén ven, é m tóʼtí vinyo və́, é wíri yú mo wù súʼ kinsuʼ, bóʼti vinyo ve kisaŋ vi e mǒ bàm. A bó yòʼ mày kee shooy. Wù tèn sá fó a ker afə́r vesən ve á gháné, kfə̀n sháʼnin fo wír ámóʼó wáa səəsí áwune. Á lóo səəsí, wù nèn a jùm áwune fó kintatì.

Hibru 13:17

Vèn wáa yu vilìmbìy vén ví, a yiì mo áwune suuyì. Lèm Nyùy áwune, á wáa shìy melív men fo wìr jáy dzə́ə, a kù kíyri Nyùy lim yév. Vèn kú a yiì, aáwune wáa yiì lim yév, a wàrkìr. Aá lim, rəm ntéŋ, bo bó yòʼ dzə̀ kí sə̀ ven gheéy.

Kolosia 4:10

Aritakur wo vèr wun lim sháŋ fen, shaʼtì ven, a Maak shaʼtì sa. Dzə̀ wun wo dzəə̀n wan jèmèr Banabar wo mò‑oò saŋen fo vèn ji a wù fen wìy, vèn kù keèrì a kijuŋ.

2 Korin 7:2

M nen kfə̀n a lon jii, vèn ku kfə̀n wày á ver é shiliv. Vèr yòʼ‑oò lo jày kinyo kímóʼ kí e wìr fo vèn gheéy. A bó vèr yòʼ‑oò lo yiì sa, wìr jáy dzə́ə, aá yòʼ‑oò ló a leèrì wír ji á fiʼ kòóy kifá.

Ŋwàʼ woó Rom 10:15

A yòʼ dzə̀ wìr dù, a fìʼtì e le, a bó á yoʼ tùm wun? Vé‑eè lo sàŋ é Ŋwàʼ Nyùy jii, «Feyì feyì, dzə̀ kinyo ke juŋ ki fóo yen aŋgàa ntum, aá wiy, fiʼtì sáʼka wo juŋ.»

Lim Aŋgàa Ntum 28:10

Wíri nèn a fo ver vifá nyanyày. Vèr wìy lòo lò, áwune kfən wìy e vifá ve vèr‑iì kér shií shó e kwaʼ ghan vi vidzə̀m, e bàʼtí e kikoŋ.

Lim Aŋgàa Ntum 8:8

Kishéʼrì ke kuʼùn kí nèn a dzə e mvə̀mlaʼ foo fèy.

Lim Aŋgàa Ntum 2:46

Á kfə́n a lò, a tarnín sa e *lav cù yeé Jerusalem foo fèy vishiíy vidzə̀m, a bùnrì, e kfə̀n a yikír e melav, a fonín e kishéʼrì ki,

Joon 13:20

A m suuy e vèn rúrú jii, wìr wo wù səə́si wír wo tumen mo, ŋgaàŋ səə́si a dzə̀ mo və̀n. Wìr wáa səəsí mo, bo wù səə́si a dzə̀ ŋgaàŋ wo wù tumen mo.»

Ŋwàʼ Luk 9:5

A ntèʼ yìmòʼ tèn fó səəsí ven, vèn wàa lò. Vèn lóo lò, vèn tèr nsay fo bàm, é wáa dzə kisəəm ké kinyò ke wír vee shooyi yiìn.»

Aysaya 52:7

Feyì feyì, dzə̀ kinyo ke juŋ ki fóo yen ŋgaà ntum, a wù wiy fo agwan, wiy, fiʼtì ji vinyo vidzə̀m vi sì á e mboʼ. Ŋgaà ntum, a wù wiy e ntum nyaáŋ, wiy e sáʼka wo juŋ, naarì ji Nyùy lùŋèr a ne wír və́, suuy e wír veé Sione jii, kù sí sáʼ Nyùy won ji Fon.

Filipi 2:28

M nén a tàʼ lèn feyì ji bo m kì tsə̀nsí, é wù wiy. Vèn áwune yénninè, vèn lóo sheʼrí, é shilív shém shí fiʼ rə̀sìn sa.