Filipi 2:27 - ŊWÀʼ NYÙY

²⁷ Wù‑uù lo jòy rú féyì, a tàʼ kpu. Yii bèy, Nyùy shám mendzən mvə, wù lùŋ, e kfə̀n rə̀r sá méem fo wù kpú, é m maysi, a sòv kitú e ŋàŋ.

Filipi 2:27 Referans Kwoze

Nsùyrì Nyùy 34:19

Ŋgeʼ si kooy wír wo wù yúnin Nyùy sinín, a Nyùy Tàr fəər wun fo fo sidzə̀m.

Filipi 2:30

bìʼ fo wù‑uù wayin vifií e Jesus Kristu kinyò, e bèr gheéy fó kpu. A wù‑uù wáy nyár e wun wùn bey cáʼ ji wun li á kirə́ʼ ke yì‑iì dzəə̀n kén, e wìy, a sə mo.

2 Korin 2:7

A dzə̀ lèn, vèn làysìn kinyo kee shooy fo wù wáa màysì, a rə̀m ntéŋ, é shilív sə́ shí wáa weèy.

1 Korin 10:13

Vèn wáa kiíy ji vinyo ve ví mumrì ven ví kù dzə̀ sáa ve ví yii mum wír ámóʼó. A Nyùy kù dzə̀ vèsən áwune, mo wù‑uù kàʼàn, a bó yòʼ dzə̀ wù biìmé ji vinyo vee shoon vi shaa vitaáví vesən. Mum yee shooyi lóo koóy ven, é wù kú a dìn dzə́ə ye dzə̀ vèn sò shó, e tòsín e mvəm wó, e làa yòʼ gbù.

Lim Aŋgàa Ntum 9:37

Wáa dzə e ghan see shooy, wiíy və̀n gbù yàsí, e nèn kpù. Á sù dzə́n, e kòʼ, e neèr e lav yìmòʼ fó yuv.

Ŋwàʼ Jov 5:19

Nyùy yíi a kìŋsìn wò fo ŋgeʼ akàŋ akàŋ, a sí fə̀m gìm wò e le, bo bó kifá ki yòʼ yíi sə̀ʼ wò.

Aysaya 43:2

A vinyo vi lò, a sùm ven mo rùn ndzə́v, e mèé e wìr kilòŋ, bo m kù yíi a dzə vèsən, a kìŋsìn ven. Vèn lóo tosín e mvə̀m ndzə̀v, bo bó m yòʼ yíi biimé, é yí gháʼ ven. Ŋgeʼ si lóo bav ven, kù mo báv və́y wír, bo bó yòʼ dzə̀ və́y ŋgeʼ və̀ne tòn ven, a bó yòʼ dzə̀ kiliímé ki kùm ven.

Habakuk 3:2

Éè Nyùy Tàr, m dzə̀ a m yú vinyo ve à yiìn. Éè Nyùy Tàr, m yèn vinyo ve à lìmèn, a ker gháʼ. Kú a fiyír vinyo vìn vi e věr ghan, ku yiì, aá wáa kiíy e ghan fen. A kilòŋ kí fə̀m shwiiy wò e le, à kù a sham ver.

Jeremia 10:24

Naàrì mo, éè Nyùy Tàr, a dzə̀ mo dzə̀ kí wàa dzə. Lá à yòʼ lì a dzə̀ mo dòʼshwiiy wò dzəə̀n, fóo lò, e səʼsí mo səʼsín.

Jeremia 8:18

Mendzən mem mè dzə̀, a bó yòʼ dzə̀ mè mày, a shilív shém shí yaʼ feyì.

Aysaya 38:17

Rúrú, m yèn ne ji mò‑oò sorkìr e nyar bèy, a yì‑iì dzə̀ á kinyo ke juŋ ki fo mò. Nyùy Tàr, à kòŋ ne mo é ŋàŋ, e kìm mo fo kpúu. Ké ru kí, à bìn ne ndzə̀m e mǒ vinyò ve bi ví.

Aysaya 27:8

Nyùy Tàr‑iì sə̀r áwune sə́rin, mo a yì‑iì dzə̀ á kù sə̀r, e fə̀ə́r, e tsə̀nsí e kwaʼ nsàm. Wù‑uù jùm áwune e dòʼshwíiy və, a wù lum moo shwér woó kirə̀ʼ ké woʼ kí.

2 Afòn 20:1

Wáa dzə e ghan see shooy, Fòn Hesekiya gbù yàsí, e bèr gheéy fó kpu. *Ŋgaà ntum Nyùy woo Aysaya wo dzəə̀n wan Amot nèn dù, e yèn wun, e sùúy sho jii, «Nyùy Tàr suuy a ji wù náŋsín vinyo vee wun lav, e sìysì, bìʼ á fo bó yòʼ dzə̀ á wù lùŋ. Wù waà lo, e kpu.»

Jeremia 45:3

à ndzə́kir, yoŋ ji lòné koò ne a wò, Nyùy Tàr kfən dzə̀sì a ŋgeʼ sé e nyári, aà sí shwíkir a lèn shwíkín, a bó à yòʼ à dzəə́ yìi lùŋ.

Filipi 2:26

Jìŋ yen sí yár wun e ŋàŋ féyì, a wù kfə̀n sov kitú, bìʼ fo wù‑uù yuun ji vèn‑eè yù á ji wun kì joyì.

Filipi 2:28

M nén a tàʼ lèn feyì ji bo m kì tsə̀nsí, é wù wiy. Vèn áwune yénninè, vèn lóo sheʼrí, é shilív shém shí fiʼ rə̀sìn sa.