Filipi 2:26 - ŊWÀʼ NYÙY

²⁶ Jìŋ yen sí yár wun e ŋàŋ féyì, a wù kfə̀n sov kitú, bìʼ fo wù‑uù yuun ji vèn‑eè yù á ji wun kì joyì.

Filipi 2:26 Referans Kwoze

Filipi 1:8

M suuy bèn, a Nyùy kì sá ji m kér rú á shií fo vèn, koŋ ven shilív shidzə̀m réŋréŋ mo Jesus Kristu koŋè.

Efesor 3:13

M nén a suúy e vèn ji lá vèn yòʼ a leéy ŋgeʼ se m yén e sháŋ, bìʼ fo m fiʼtì kinyo ke Jesus e vèn, a weèy fo kinyò ke wù liìn ven shó. Mo m biimen ŋgeʼ sìn a dzə̀ bìʼ ven, vèn kú a sheʼrí mo shéʼrín.

Ŋwàʼ woó Rom 12:15

Wíri lóo sheʼrí, vèn áwune wàa sheʼrí adzə̀m. Á lóo sòv kitú, vèn áwune wàa sòv adzə̀m.

Aysaya 61:3

Rúrú, Nyùy Tàr tùm ne mo ji m sə́mér wír ve á diy e Sion. Wù tùm ne mo ji m sə́ʼsí kibvə́ fo áwuné wùn, e sòv tán vibuùshì aáwuné kitu, e yiì, aáwune wáa yu vijuŋ moo wír wo á bòrìn virə̀ʼtìn ve bìʼ e wùn wó, e làa yòʼ dzə́ə a dìy. Aáwune kú a yòv a dzə̀ lúŋ nsùyrì, e làa yòʼ kfə̀n a sòv kitú. Áwune wíy a dzə moo kicí ke bìyìn wun woo Nyùy Tàr, kí téʼ, e rə̀ŋsìn. Á kù wíy a yiì a dzə̀ vinyo ve ru ví, é wíri wáa koʼór yír Nyùy, bìʼ kinyo ke wù yiìn.

Ŋgàn 12:25

Kwaʼtìi kù dzə̀ wùn à kinjuùmé kí. Wìr fó ntir ye juŋ, wúné bvə̀rkìr wír.

Filipi 4:1

Á bèy lèn afə̀r vem, m koŋ ven féyì, a jìŋ yen yár mo é ŋàŋ. Dzə̀ ven vin ve á yii, a m kér kishéʼrì. A m kfə̀n kwá ŋgúʼ a dzə̀ bìʼ ven. Ŋkar sem, vèn ku nèn a tiy kitávín a dzə̀ vèn à Tàr wòsən Kristu mo m kì suuyin ne.

Matio 26:37

Wù lì Pita wùn à wón Sebedi vee abaà, wùn áwune tsə̀ʼ wún. Wù nèn kèʼ, a rə̀m kinyo ke kí yíi koóy, shilív sə́ shí wáa buʼ.

Matio 11:28

Ven ve kibeʼèy keé ndzə fèn ki yúy ven, vèn wiy, e yèn mo, é m yii, é vèn meeme.

Nsùyrì Nyùy 69:20

Liy si kèr ne tím yém, a kém kí kù mày ne. Mò‑oò kiʼ vé kinshame, e làa yòʼ yen wír. Kiʼ ve á wáa njiysí mo, e làa yòʼ yen.

2 Samuel 13:39

Fòn‑eè dìy kpú Amnon, yí mày, shilív sə́ shí rə̀sìn, wù nèn a yar jiŋ Absalom.

1 Pita 1:6

Vèn kú a kuumé a dzə̀ kinyo kee shoon ki ghán sidzə̀m, a sheʼrí. Mo ŋgeʼ si fə̀m kooy ven fó shintsə̀mén shé ghan fen, vèn ku yòʼ a sheʼrí,

Filipi 1:3

M yii lóo kuumé ven ghán sidzə̀m, m kù a beèrì Nyùy bìʼ ven, Nyùy wo m foon kitú kém shó.

Galatia 6:2

Wìr kú a sə fə́r və kibeʼèy ke kí gháʼ wun. Vèn lóo yiì bèy, bo vèn sí lem nsər ye yì lo a dzə̀ fo Kristu.

2 Korin 9:14

Aá kfə̀n wíy way ven é meliv, a bùnrì fo vèn, bìʼ fo á yén ji Nyùy bùʼ ven e shilív she juŋ shi féyì, bo vèn wáa sə wíri bey.

1 Korin 12:26

Kí nén a dzə jii, a kibar ke wùn kímóʼ kí lò, a nyar, bo vibar ve wùn ví tàtí ne, a nyar vidzə̀m. Aá lò, a geʼ e kímóʼ kí, bo vibar ve wùn vidzə̀m vi sí yú vijuŋ.

Ŋwàʼ woó Rom 1:11

A m kér shií fó yen ven féyì, e fíʼ dìn vinyo vímóʼ ví e vèn, é Kiyoy ke Nyùy ki yii, é vèn maysi, e wày shilív e Nyùy wùn.

Lim Aŋgàa Ntum 21:13

Wù bìnèr jii, «Vèn diy, semèr shilív shém ben ji ka? M dzə̀ kibáʼtín fóo nəə́ e sháŋ é Jerusalem, e kfə̀n a dzə kibáʼtín fóo kpu bìʼ Taàtá Jesus.»

Ŋwàʼ Jov 9:27

Éè Nyùy, a m lò, e sùúy ji mo‑óò yar fó a ghvə̀vrì, a m lò, e wày ji mo‑óò tsəʼ mendzən fo si, e bvə̀tì vishí vém,

2 Samuel 24:17

Davir yén nshìylav Nyùy ye yì laar wíri, e sùúy e Nyùy Tàr jii, «Jày mo jay və̀n, yiì mo kinyo ke bi kin. Vin vee wíri jày kév ka? Á dzə̀ kév moo anjiì. Kii wò Nyùy Tàr, ku màʼ ŋgeʼ rə̀n a dzə̀ e vèr à kfə́ə yémé kitu.»

Filipi 2:25

A m kfə̀n yén sa ji bo m kì tsə̀nsí á fə́r wòsən Epafraditur fo vèn. Dzə̀ taà lav wom, a vèr wun rə́si funèn e kinyò ke Jesus Kristu. A dzə̀ wun wo vèn‑eè tumen ji wù wiy, a sə a mo.

Filipi 2:27

Wù‑uù lo jòy rú féyì, a tàʼ kpu. Yii bèy, Nyùy shám mendzən mvə, wù lùŋ, e kfə̀n rə̀r sá méem fo wù kpú, é m maysi, a sòv kitú e ŋàŋ.