Filipi 2:25 - ŊWÀʼ NYÙY

²⁵ A m kfə̀n yén sa ji bo m kì tsə̀nsí á fə́r wòsən Epafraditur fo vèn. Dzə̀ taà lav wom, a vèr wun rə́si funèn e kinyò ke Jesus Kristu. A dzə̀ wun wo vèn‑eè tumen ji wù wiy, a sə a mo.

Filipi 2:25 Referans Kwoze

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

Kolosia 1:7

A wìr wo wù‑uù tòmbìy fèr kinyo kee shooy e vèn dzə̀ Epafar wo vèr áwune lim kinyo ke Jesus Kristu wír amòʼón, a vèr koŋ wun feyì. Wù nèn lì kirə́ʼ kér, e wìy, a fìʼtì kinyo ke Jesus Kristu e vèn shilív shimòʼón.

Filipi 4:3

M nen kfə̀n a suúy e wò woo ŋgaà wom ŋgoo feyì ji à ku sə̀ á vikìy vee shooy, aá mán vinyo vév. Dzə̀ wír ve vèr áwune‑eè katìr, fiʼtì sáʼka Nyùy wo juŋ, a yì‑iì fiʼtì vèr à Kilemon, aàŋgaà vém ŋgoo ámóʼó sá. A wír vìn adzə̀me dzə̀, a Nyùy sàŋ ne yír sév é ŋwàʼ wo á sáŋ yír sé wìr ve á wíy lùŋ sho.

1 Korin 3:9

A ver vee abaà víne tàtí wó a dzə̀ vèr à Nyùy ji á wáa yiì lim rə́. Vèn nén a dzə kén moo súm wo Nyùy taʼ, e fùm, e kfə̀n a dzə moo lav ye wù bómé.

Filemon 1:24

Maak wùn à Aritakur, à Demar, à Luk ve vèr áwune tatin, a lìm kinyo ke Jesus Kristùu shaʼtì sa wò.

Ŋgàn 25:13

Wìr woo jwáʼ lo ntum, shilív shé ŋgaà ntum shi rə̀sìn, moo wír wo wù kavin vifá, e ndzə̀ʼnìn, e nò mendzə́v me rəə̀n mè, wúné rə́sín. Wù yii, a shilív shé tàr wov lìm shi rəsìnè.

Hibru 3:1

Afə̀r vem, mo vèn siìn wír Nyùy, a lì wun ven ji və́ vee wír, vèn kú a kuumé wír wo dzəə̀n Jesus. Dzə̀ wun wo Nyùy‑iì tumen, wù wáa dzə taà cù wòsən wo kuʼùn fó kinyò ke Nyùy ke vèsən tíy sho.

1 Tesalonika 3:2

e tùm á fər wòsən Timoti fo vèn. Fər wòsən Timoti və̀n dzə̀ ŋgaà lìm Nyùy wo vèr wun fiʼtì sáʼka wo juŋ woo kùm Jesus Kristu. Mo vèr‑iì kiiyin ne ji vèn yén ŋgeʼ e ŋàŋ, vèr nèn a fàn fo melív men mè wáa weèy, e tùm Timoti ji wù wiy, e tàvír ven, e tìr ven mo dzə̀ vèn wày shilív e Nyùy wùn kijuŋ. A vèn kì sá ji ŋgeʼ see shoon si kù kér fó a koóy vèsən vee aŋgàa biimé adzə̀m.

Kolosia 4:11

Joshua wo á kfə̀n yoŋ sa ji Justur shaʼtì sa ven. Fo wír veé Juda ve á tíy wùn à Jesus Kristùu kù mày vee ataár vìn ve á tatin ŋgoo yem, vèr áwune wáa fìʼtì kinyo kee kum sáʼ Nyùy. Aáwune sə́ mo féyì.

2 Korin 2:13

Yii bèy, mo bó m yòʼ‑oò lo yèn fər wòsən Titur fo, m ku nèn a dzə, a yaŋyáŋ yaŋyáŋ, e nèn lò, e shàʼtì wír vee fó, e tòsín, a dù e wòŋ Masedonia, a tàʼ wun fo fo.

Joon 17:18

Mo wò‑oò tumen mo é ndzə fèn, m tùm ne sa áwune fo wír veé ndzəə.

Joon 13:16

Vèn wáa kiíy rúrú jii, bó wan lìm yòʼ dzə̀ wù shaà tàr wov lìm. A bó yòʼ dzə̀ wír wo á tumen túmén shaà sá wír wo wù tumen wun.

Ŋwàʼ woó Rom 16:3

Vèn ku shàʼtì Piisila wùn lum və Akwila e fò e mò. Áwune dzə̀ wír ámóʼó ve vèr áwune tatin, a lìm fo Jesus Kristu.

Ŋwàʼ woó Rom 16:9

Vèn shaʼti sá Ubanur wo wù tatin, vèr áwune wáa lìm kinyo ke Jesus Kristu, e shàʼtì sa Shitakir woo ŋkar yem tìm.

Filipi 2:26

Jìŋ yen sí yár wun e ŋàŋ féyì, a wù kfə̀n sov kitú, bìʼ fo wù‑uù yuun ji vèn‑eè yù á ji wun kì joyì.