Filipi 2:22 - ŊWÀʼ NYÙY

²² A vèn kì sá mo liì wun woo Timoti dzəə̀n. Vèr wun‑eè ghán, fiʼtì sáʼka Nyùy, a wù sə́ mo réŋréŋ mo wàn yii sə́ tàr wov.

Filipi 2:22 Referans Kwoze

1 Korin 4:17

Á kinyo ke kí yiìn, bo m túm Timoti və̀n ji wù wiy, e yèn á ven. Dzə̀ wán wom bìʼ kinyo ke Jesus Kristu, a wù tíy sa e kinyò foo fèn shilív shimòʼón, a m koŋ wun feyì. Wù yíi wìy, é wù kfən màysì, e naàrì ven kinyo ke m yéʼey e vintatì ve Kristu vidzə̀m mo dzə̀ wìr wo wù tatin wùn Jesus Kristu wàa tiír kiwuú kfə́, a fìʼ.

2 Timoti 1:2

A m sáŋ a dzə̀ fo wò woo Timoti. À dzə̀ wán wom féyì, a m kòŋ wò e ŋàŋ. M nén a lon jii, Nyùy Tàr wùn Taàtá wòsən Jesus Kristu kú a kòŋ wò, a sham wò, a yiì, é shilív shé shi wáa dzə nyaáŋ ghán sidzə̀m.

1 Timoti 1:2

A m sàŋ a dzə̀ fo wò woo Timoti. À dzə̀ wán wom féyì bìʼ kinyo ke Jesus Kristu wo wòsò wayin shilív é wùn wó. M nén a lon jii, Tàr wòsən Nyùy wùn Taàtá wòsən Jesus Kristu kú a kòŋ wò, a sham wò, a leéy fo wò, a yiì, é shilív shé shi kú a dzə nyaáŋ ghán sidzə̀m.

2 Korin 2:9

Mò‑oò sàŋ ŋwàʼ və̀y cáʼ ji m yén á mo kintatì ki yíi shù kinyo kee shooy, e kfə̀n yèn ji sà dzə̀ vèn yiì kinyo kidzə̀m ke m suuyì a.

1 Timoti 1:18

Wan wom Timoti, m kù wày kinyo ke m kì suuyin a dzə̀ e wò kiwo. Kú a yiì a dzə̀ mo m suuyin, a kuumé vinyo ve wír ámóʼó‑oò yuun fo Nyùy, a tiisí e wò kitu vi, é ví wáa ŋaʼár shilív shé, áà wáa tiy e Nyùy shùu rər kitávín.

2 Korin 8:22

Vèr nen tùm wùn Titur fo vèn lèn, e kfə̀n bàtír fər wòsən wùmòʼ fó. Dzə̀ wír, a vèr mùm ne wun akàŋ anín, a wù lim kijuŋ feyì. Wù nen màysì, e ghàr kinyo kìn, bìʼ fo wù kiìn féyì ji wun yíi wìy, é vèn yii á kinyo ke ru kí.

Titur 1:4

M nén a saŋ ŋwàʼ və̀n a dzə̀ fo wò woo Titur. À dzə̀ wán wom féyì bìʼ kinyo ke Nyùy ke wòsò biimen adzə̀m. A m lón jii, Tàr wòsən Nyùy wùn Jesus Kristu wo wù luŋèr vèsən kú a leéy fo wò, a yiì, é shilív shé shi wáa dzə nyaáŋ.

2 Timoti 3:10

Yii bèy Timoti, wò‑oò ló a yu kinyo ke mò‑oò yéʼeyì, a yen mo m tiir kiwúu kém, e kfə̀n a yen kinyo ke m tiir vifíi vém shó e mǒ dzə̀ʼə̀m. Wò‑oò yén mo m wáy shilív a dzə̀ e Nyùy wùn, li vinyo vidzə̀m ji weè, koŋ wíri, tíy a dzə̀ é kinyò ke ru kí.

Filipi 2:20

Bó m yòʼ kfə̀n kér wír wùmòʼ, e shaà wun, wo wù wayin ven é shiliv réŋréŋ moo mo, a leéy fo vèn.

2 Korin 8:24

Wùn áwune wiyì, vèn kù wày áwune e věn shiliv, a dìn, é vintatì vidzə̀m vi wáa yen ji vinyo ve vèr‑iì suuy aáwune, meer yír yén, ví dzə̀ á réŋ.

2 Korin 8:8

A bó m yòʼ suuy bèn ji m fó ven a dzə̀ á nsər yìmòʼ. M fèr ne mo wír vìne kér shií fó kinyò fèn, e fíʼ banrí ven, é vèn din ji vèn koŋ rú wíri, shám áwune.

Lim Aŋgàa Ntum 16:2

Timoti kfə́n a dzə wír, aàŋgàa biimé veé Lista wùn à veé Ikoniyume búri wun adzə̀m.

Ŋwàʼ woó Rom 5:4

Vèsən lóo yeʼtí bèy, é liì wòsən nèn màysì ghèén Nyùy. Gheenè, é vèsən ku nèn a leéy a dzə̀ fó mbìy, a shìy ghán se vèsən à Nyùy wíy a dzə.

1 Korin 16:10

Timoti wíy wìy sa, e ghan ven. Kii vèn, vèn ku keèrí wun kijuŋ. Wù lim sa lim a dzə̀ yé Tàr wòsən Jesus réŋréŋ mo m limè.

Filipi 1:5

bìʼ fo m kù kuúme mo vèn‑eè tatin mo, e kèʼ fo kishiíy ké mbìy ki, vèsən wáa sàmèr sáʼka wo juŋ woo bìʼ Jesus Kristu, e shem lèn.

Filipi 1:7

A dzə̀ m wàa kuumé ven bey, bìʼ fo vèn dzəə̀n tím yém, a vèsən tíy e kinyò kimòʼón, a dzə̀ ke Nyùy bùʼùn vèsən shó wír adzə̀m. Vèsən tíy sho lèn wo m dzəə̀n é sháŋ, a kù‑uù tíy vèsən é ghan se mò‑oò dzəə́ ghán, binèr fo sáʼka Nyùy wo juŋ, naarì mo wù dzəə̀n.

Filipi 1:12

Afə̀r vem, m taʼ, e yiì, é vèn kiíy ji ŋgeʼ se sí kooyin mo sin si yiì ne, sáʼka wo juŋ woo kùm Jesus Kristu wáa kuy kuyín, a dù fo mbìy.

Filipi 1:16

bìʼ fo áwune koŋ mo, aá kì ji wày Nyùy mo é sháŋ ji m fíʼ a dzə e ntoʼ fèn, a bìnèr fo sáʼka wo juŋ woo kùm Jesus Kristu.

1 Timoti 4:6

Aà lò, a dìn vinyo vìn aàfə́r vesəné, bo à sə́ áwune moo ŋgaà lìm Jesus Kristu wo juŋ. À lóo yeʼéy áwune shó, é wówò kitú ké nèn màysì nəə̀nín e kinyò foo fèy, bìʼ fo à kù tíy a dzə̀ é kinyò ke vèsən wayin shilív shó, e biìmé ji dzə̀ á kinyo ke ru kí.