Filipi 2:21 - ŊWÀʼ NYÙY

²¹ A m suuy bèn, bìʼ fo kùʼùn wìr diy a dzə̀ kfə́ kee kinyo, e làa yòʼ a ci ké Jesus Kristu gheéy.

Filipi 2:21 Referans Kwoze

1 Korin 10:24

Lá wìr yòʼ a dìy a dzə̀ kitú kfə́. Wù wáa dìy ji wun sə́ sáa fə́r və.

Matio 16:24

Jesus suúy bey, e nèn sùúy e wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Filipi 2:4

Vèn lóo yiì kinyo, vèn wàa yiì a dzə̀ ke kí sə́ wir dzə̀m. Lá wìr yòʼ a yiì ji kí kú a sə a dzə̀ wun.

2 Timoti 3:2

Wíri wíy a dìy a dzə̀ vitú vév, a kòŋ mbàm e ŋàŋ, a yu wún, a koʼnín. Á wíy a kuùnìn, a tav kitú fo atàr véví, e làa yòʼ a ker ghán fo wìr, a bó á yòʼ wíy a yen kímóʼ kí ji Nyùy gheéy.

1 Korin 10:33

Vèn wáa yiì réŋréŋ mo m yii. M yii vinyo vém vidzə̀m ji ví wáa bòŋ a wir dzə̀m. A bó m yòʼ diy a dzə̀ kém kee kitú, m diy fo wìr dzə̀m ji m fiʼ yiì, aáwune wìy lùŋ.

1 Korin 13:5

a koʼnín, e kfə̀n a ŋar. A wìr koŋ wíri, la wù yòʼ a tav, a nyar shilív, e kfə̀n a lèm jay wìr e shiliv.

Ŋwàʼ Luk 14:26

«Bó yòʼ dzə̀ wìr wìy nə̀ə́ e mǒ ŋgoo, a bó wù yòʼ koŋ mo, e shaà tàr wov wùn yè wov, kfə̀n koŋ mo, e shaà wiíy və wùn à wóné, aàfə́r vəə́. A wù kfə̀n kér fó a kòŋ sa mo, e shaà mo wù koŋ kitú kfə́.

Aysaya 56:11

Áwune kù sì ji jwí se sí səŋnìn vifá ve yi sə́ŋnin. Aá fə̀m yìkír e le, bo bó yòʼ dzə̀ buù kpù. Anshìy wìr veé Israyi yòʼ kér vifií. Áwune adzə̀me kù sí yii kinyo a dzə̀ ke kí gheen áwune, a wìr kù taʼ a dzə̀ və́ə woo séʼ.

2 Timoti 4:10

Kú a kiíy ji Demar lò ne, a kòŋ a dzə̀ vijuŋ veé ndzə, e màʼày mo, e dù, a dzə e Tesalonika. A Kiresen dù ghán e wòŋ Galatia, Titur dú kfə́ é Dalmatia.

2 Korin 1:5

Vèn wáa kiíy jii, mo vèsən yén ŋgeʼ lèn, a dzə̀ ye Kristu‑uù yéné, Nyùy kù shám vèsən réŋréŋ mo wù‑uù shamen Kristu, rəər melív mèsən.

2 Timoti 4:16

Kee bìʼ nsaʼ yem kí nén a dzə jii, yì‑iì dzə̀ fó kàŋ mbìy wo mò‑oò koʼon é kibàʼ ke nsaʼ ji m túner kitú kém, wìr yòʼ‑oò dzə̀ shó wo wù‑uù tíy e mǒ mbìv gheéy. Wìr dzə̀m‑eè nyéŋ mo nyéŋén. Yii bèy, Nyùy ku làysìn kee shooy.

Lim Aŋgàa Ntum 15:38

yii bèy, la Por yòʼ a kòŋ gheéy, bìʼ fo Maak‑iì leʼen, e màʼtì áwune é wòŋ woo Pamfilia, e làa yòʼ màysì ghán ye wùn áwune‑eè kérí.

Lim Aŋgàa Ntum 13:13

Por wùn aàŋgaà və́ ŋgoo nèn nə̀ə́ e kikoŋ fo Pafor, a ghan e rìbà ndzə̀v, e dù, e fəə̀ é ntèʼ yee Pega, aá sì é wòŋ woo Pamfilia. Joon Maak nèn màʼtì áwune fó, a kfən e Jerusalem.

Malakay 1:10

Wù yoŋ feyì jii, «Ke m taʼ ki dzə̀ ji wìr fo věn mvəm ku sə̀tí shúu lav cùu sə́tín, fo vèn kfən tòn və́y é kiy cù. M yòʼ kér shií won, a bó m yòʼ yíi səəsí cu yén. Á ke yòŋèn mo woo Nyùy Tàr woo Taà Mànjòŋ.

2 Timoti 1:15

À kì sá mo Figelur wùn Hemogener, aàŋgàa ŋgoo vesən ve dzəə̀n sá wír veé Asiàa loòn ne, e lèʼ mo adzə̀m.

2 Afòn 12:6

Yii bèy, wáa dzə ji kiyá nshòv sitaár e mbaà mo Joash‑iì koʼon é kàvàʼ, a bó atàá cùu yóʼ ne nàŋsín kirə́ʼ é lav cù.