Filipi 2:2 - ŊWÀʼ NYÙY

² Mo kí dzəə̀n bey, m nén a lon ji vèn ku yiì, é m maysi, a sheʼrí. Vèn kú a kwàʼtì kinyo kén kimòʼón, a kòŋnìn, e suùsín, a dzə shuu mòʼón.

Filipi 2:2 Referans Kwoze

Ŋwàʼ woó Rom 12:16

Vèn wáa sham wir dzə̀m réŋréŋ. Lá vèn yòʼ a koʼór wún. Vèn kú a koo viŋkar vèn à wír vee fó tèri. Lá wìr yòʼ a dìn ji kù kì wun vinyo.

1 Korin 1:10

Afə̀r vem, m nén a lòn feyì e Tàr wòsən Jesus Kristu yir jii, vèn ku tàtí, a dzə a shuu e mòʼón, e làa yòʼ jàvsìn, a dzə jeéy jeéy. Vèn kú a sìysì kinyo kén amòʼón, a tiy a dzə̀ e kíwun ki.

2 Korin 13:11

Afə́r vem, m nén a shàʼtì ven ji á bèr á ne. A m tír ven ji vèn navti vinyo vén, e yuùrí ntir sém kijuŋ. Vèn kfə́n shuu e mòʼón, a dzə dzə́ yee nyaáŋ, é Nyùy wo wù koŋ ven, kfə̀n yii, a melív men mè dzə́ nyaáŋ, nèn a dzə e věn mvəm.

3 Joon 1:4

Kinyo ke dzə̀ m shèʼrí é ŋàŋén kí yòʼ dzə̀, e shaà ke m yú ji ven vee wón vémé kù tíy e kinyò ke dzəə̀n ké ru kí.

Filipi 2:16

mo vèn fiʼtì sáʼka wo wù fó dzəʼə̀m yee là may aáwune. Vèn lóo yiì bèy, Jesus Kristu wíy wiy e kishiíy fó, é m wáa tuy shwín ji bó m yòʼ‑oò lo sòrkìr, lim yémé lày a kisáŋ.

Lim Aŋgàa Ntum 2:46

Á kfə́n a lò, a tarnín sa e *lav cù yeé Jerusalem foo fèy vishiíy vidzə̀m, a bùnrì, e kfə̀n a yikír e melav, a fonín e kishéʼrì ki,

2 Joon 1:4

Mò‑oò yèn mo wón vé ámóʼó jumrì kinyo ke dzəə̀n ke ru kí, a sheʼrí feyì. Aá jumrì réŋréŋ mo Nyùy suuy ji vèsən wáa yiì.

2 Tesalonika 2:13

Yii bèy, afə̀r ver, vèn dzə̀ kén, a dzə̀ vèr kù a beèrì Nyùy bìʼ ven ghán sidzə̀m, ven ve Taàtá wòsən Jesus kòŋèn é ŋàŋ. Vèr beerì wun woo Nyùy, bìʼ fo wù‑uù shoʼon ne ven fó kèʼ ji vèn wìy lùŋ. A vèn lùŋ a dzə̀ mo Kiyoy kfə́ kí‑iì shavin ven ji vee jeéy, vèn kfən yù kinyo ke Nyùy ke ru kí, e wày shilív shó.

Kolosia 2:5

Vèn wáa kiíy jii, mo bó m yòʼ fə̀m dzəə̀n vèsən fó si, m kù kwaʼtì ven ghán sidzə̀m, a m shéʼri mo m yén ji vèn tíy a kitávín vèn à Jesus Kristu, dzə́ shuu mòʼón.

Filipi 4:2

M lón fo Ewodia wùn Sintike jii, áwune ku màyìr a vinyo vév, e kfə̀n shuu e mòʼón, bìʼ fo áwune dzəə̀n wír Tàr wòsən Kristu, aá dzə̀ kintatì kimòʼón.

Filipi 2:20

Bó m yòʼ kfə̀n kér wír wùmòʼ, e shaà wun, wo wù wayin ven é shiliv réŋréŋ moo mo, a leéy fo vèn.

2 Korin 7:7

A bó yòʼ jòʼsì kee shooy, wù‑uù lóo fèr mo vèn keerin wun kijuŋ, shilív shér shí nèn màysì, e rə̀sìn. Wù wáa fèr mo vèn kér sa shií fó yen ver, e kfə̀n fèr mo vèn‑eè yòŋèn ŋwàʼ wóm, kitú ki wáa saʼ ven. Wù kfən fèr mo vèn wayin féyì, a tunér ji m dzə̀ rú á ŋgaà ntum Jesus Kristu. Mo m yuun vinyo vee shooy vidzə̀m, e nèn a sheʼrí ven féyì.

2 Korin 2:3

Á kinyo ke kí‑iì yiìn, bo m wáa saŋ a dzə̀ ŋwàʼ wo mò‑oò saŋen, ji m wíy wiyì, é la m yòʼ dzə́ə a sòv a kitú bìʼ ven. A dzə̀ ven vin ve mò‑oò yíi wìy, é vèn yii, é m wáa sheʼrí. Mò‑oò yèn jii, a m wìy, a sòv kitú, é la vèn yòʼ a yu saa vijuŋ. A m kì ji ven adzə̀m kù kooy vijuŋ a dzə̀ fo vém ví.

Lim Aŋgàa Ntum 5:12

Aŋgàa ntum Jesuse wáa yiì viŋgaʼnìn ve vinyò vinín e wírí mvəm, á wáa yen vitaáví vé Nyùy. Wùn aŋgàa biimé adzə̀me kfə́n a tarnín e lav cù, a dzə̀ʼə̀m e ŋgày ye á yoŋ ji ye Solomon.

Lim Aŋgàa Ntum 1:14

Áwune ku nèn a baʼtí fo wùn à vikìy ve vé‑eè jumrì sa Jesuse, à Maria woo yìy à Jesus, aàfə́r Jesuse, a bùnrì amòʼón.

Filipi 1:4

M lóo bùnrì fo vèn, shilív shém shí wàa bòŋ,

Joon 3:29

Wìr wo wù kooy jín dzə̀ lum jìn. Ŋkar rə lóo tiy fo ghaŋ, lóo yu mo wù yoŋrì, wù wàa sheʼrí sheʼrín. M nén a dzə sa moo ŋkar lum jìn, a sheʼrí lèn feyì.

2 Timoti 1:4

Jìŋ yè yár mo féyì, a m kuúme a dzə̀ mo wòsò‑oò lóo jàvsìn, à wáa səʼə́r mensíy. M nén a tàʼ, e kfə̀n yen wò, é shilív shém shí rəsin.

Lim Aŋgàa Ntum 2:1

Kishiíy ké kiŋkàʼ kímóʼ kí nèn wìy ghèén, aá yoŋ ji *Pentikor. A wír Jesuse kì bàʼtí kirə́ʼ kimòʼón adzə̀m.

Filemon 1:20

Fər wom, ku yiì kinyo ke m lón kìn ki, bìʼ fo wòsò tatin ji wír Jesus Kristu. Ku yiì rì bìʼ kintatì kee shooy, é shilív shém shí rəsin.

Nsùyrì Nyùy 122:8

Bìʼ koŋ ye m kér fo afə́r vémé wùn aàŋgaà vém ŋgoo, m wáa bùnrì ji nyaáŋ kú a dzə e vèn veé Jerusalemé mvəm.