Filipi 2:19 - ŊWÀʼ NYÙY

¹⁹ A Tàr wòsən Jesus biìmé, bo bèr shishàr, é m túm Timoti fo vèn. Wù dú wiy, fiʼtì mo vèn dzəə̀n, é shilív shém shí rəsin.

Filipi 2:19 Referans Kwoze

1 Korin 4:17

Á kinyo ke kí yiìn, bo m túm Timoti və̀n ji wù wiy, e yèn á ven. Dzə̀ wán wom bìʼ kinyo ke Jesus Kristu, a wù tíy sa e kinyò foo fèn shilív shimòʼón, a m koŋ wun feyì. Wù yíi wìy, é wù kfən màysì, e naàrì ven kinyo ke m yéʼey e vintatì ve Kristu vidzə̀m mo dzə̀ wìr wo wù tatin wùn Jesus Kristu wàa tiír kiwuú kfə́, a fìʼ.

1 Tesalonika 3:2

e tùm á fər wòsən Timoti fo vèn. Fər wòsən Timoti və̀n dzə̀ ŋgaà lìm Nyùy wo vèr wun fiʼtì sáʼka wo juŋ woo kùm Jesus Kristu. Mo vèr‑iì kiiyin ne ji vèn yén ŋgeʼ e ŋàŋ, vèr nèn a fàn fo melív men mè wáa weèy, e tùm Timoti ji wù wiy, e tàvír ven, e tìr ven mo dzə̀ vèn wày shilív e Nyùy wùn kijuŋ. A vèn kì sá ji ŋgeʼ see shoon si kù kér fó a koóy vèsən vee aŋgàa biimé adzə̀m.

Filipi 1:1

Ŋwàʼ və̀ne sàŋ mo woo Por vèr Timoti ve dzəə̀n aŋgàa lìm Jesus Kristu. Vèr sàŋ a dzə̀ fo vèn vee wír Nyùy ve á dzəə̀n é Filipi adzə̀m ve vèn à Jesus Kristu tatin. A wú dzə̀ fo vèn à vilìmbìy vén ví, à wír ve á lim e věn mvəmé adzə̀m.

Filipi 2:28

M nén a tàʼ lèn feyì ji bo m kì tsə̀nsí, é wù wiy. Vèn áwune yénninè, vèn lóo sheʼrí, é shilív shém shí fiʼ rə̀sìn sa.

Jeem 4:15

Ke dzə̀ vèn wàa suúy ki dzə̀ jii, a Nyùy sə̀, vèr wáa dzə sho, é vèr yii kin, e yiì kísə.

2 Timoti 1:12

M nén a yen ŋgeʼ e sháŋ lèn a dzə̀ bìʼ lim yee shooy. A bó yòʼ dzə̀ m wàa fàn ji yí lày ne a kisáŋ, bìʼ fo m kiìn mo wun woo Kristu wo m wayin shilív é wùn wó dzəə̀n. M kì féyì ji dzə̀ wù kù wìy a leéy a fo kinyò ke Nyùy wayin e mǒ kiwo, é kí wáa dù fo mbìy, e meé e kishiíy kee shó ke wù wíy kfən.

2 Tesalonika 1:3

A dzə̀ vèr kù a beèrì Nyùy bìʼ ven ghán sidzə̀m. A kí ghèén fo vèr wáa yiì bèy, bìʼ fo vèn wáy shilív e Nyùy wùn kijuŋ, du duùn fó mbìy, kfə̀n koŋ vitú vén féyì.

Efesor 1:13

A kù dzə̀ sá mo kén kí dzəə̀n, ven ve bó yòʼ dzəə̀n wír veé Isray. Vèn‑eè yù sáʼka woo rú woo kùm Jesus Kristu wo dzə̀ wù lùŋèr ven, e wày shilív é wùn wó. Mo vèn à Kristu siìn kintatì, Nyùy nen fò ven Kiyoy kfə́ ke Ranén kí ke wù‑uù yiìn ne kàʼ wír və́ shó. Wáa dzə kisəəm ke wù səə̀mèn ven shó ji və́ vee wír,

Ŋwàʼ woó Rom 16:21

Timoti wo vèr wun lim lim e mòʼón shaʼtì sa ven. A Lushor, wùn à Jason, à Sosipatar woo fə́r wom woó Juda shaʼtì sa ven.

Ŋwàʼ woó Rom 15:12

Aysaya kfən sùúy jii: «Taà saʼ wo fíy wíy fəə fo Jessi ram. Dzə̀ wun wo wù wíy saʼ vitúm ve bó yòʼ dzəə̀n veé Isray, aá wíy way vifií é wùn wó ji á luŋ fó fo.»

Matio 12:21

Vitúm vidzə̀m vi wíy tiír vifií a dzə̀ e wun wùn ji á fíʼ lùŋ.»

Jeremia 17:5

Nyùy Tàr wáa suúy jii: «Lòné dzə̀ wó ŋgaà wo wù wáy shilív a dzə̀ e wìr wùn, yén vitaáví a dzə̀ ve ví lo fo wìr msòŋ, wír, a wù bín ne ndzə̀m e Nyùy Tàr.

1 Pita 1:21

Vèn nén a way shilív e Nyùy wùn lèn, a dzə̀ bìʼ Kristu wo wù‑uù tumen, wù wìy, e kpù fo vèn. Wù kfən fə̀ə́r fo kpu, e bùʼ e vikuʼùy və́ ví. Melív men mè nén a tiy lèn a dzə̀ e Nyùy wùn, vèn wáa leéy fó mbìy ji wù li sá ven, e wày e wùn mvə̀m vijùŋ foo fèy.

Lim Aŋgàa Ntum 16:1

Por dù, e mèé e mvə̀mlaʼ yee Derbe, e wìy lò, e dù e Lista. Ŋgaà biìmé wùmòʼ wáa dzə fo, a yírí dzə̀ Timoti. Yè wov‑iì dzə̀ sá ŋgaà biìmé, a dzə̀ wír woó Juda, tàr wov wáa dzə wir Grik.

Filipi 2:18

M nén a tàʼ sa ji m wíy lóo sheʼrí e ghan see shooy, vèn wàa sheʼrí a sa.

1 Tesalonika 3:5

Mo mò‑oò sí rəm vinyo vìn vidzə̀m, a ví tárir mo, m nen yèn ji bó yòʼ dzə̀ m kfə̀n a siʼsíʼ, e tùm Timoti fo vèn ji wù wiy, e lèéy a ji vèn sà kù dzəə́ wáy shilív e Nyùy wùn á? A mò‑oò fan fo kí wáa dzə ji kìn Satan woo ŋgaà mùm bìnèr ne ven, é lim yérí lay kisáŋ.