Filipi 2:17 - ŊWÀʼ NYÙY

¹⁷ Mo vèn wayin shilív e Wàn Nyùy wùn, a sheʼrí, bo dzə̀ cu mo vèn cu Nyùy. A wù ben yèn ji á yúyrí mo, e dzə̀sì cu yén shó, bo m kù nəə a dzə̀ e věn mvə̀m kisheʼrì, é vèsən maysi, a yu vijuŋ.

Filipi 2:17 Referans Kwoze

2 Timoti 4:6

Kee kùm mo kí wáa dzə jii, ghán se m sí yìi màʼtì nsay si sì á fo mentsə̀m. Sì á ghán se á yíi lì mo, e yuyrí bìʼ kinyo ke Nyùy.

Ŋwàʼ woó Rom 15:16

Wù‑uù lì mo ji m wáa dzə ŋgaà ntum Jesus Kristu, a fìʼtì sáʼka və wo juŋ e wír ve bó yòʼ dzəə̀n veé Judàa. A m fiʼtì bèy ji Kiyoy ke Ranén kí fiʼ bìnèr áwune, aá wáa dzə wír wun woo Nyùy, é m wáa dzə kém moo taà cù wo wù báʼti áwune, e cù Nyùy sho, é wù wáa kòŋ.

2 Korin 12:15

M dzə̀ kibáʼtín féyì fó fo kitú kém e vèn, e kfə̀n jivír kifá ke m kér kidzə̀m, é vèn fiʼ màysì, e kìíy Nyùy. Mo m géŋsin e vèn ben, bo dzə̀ kee shooy ki yiì rú ji vèn wáa yen mo fó tèr a? Àáy.

Kolosia 1:24

Yii bèy, á wày ne mo é ŋgeʼ lèn, bìʼ fo m fiʼtì kinyo kee shooy e vèn. A m shéʼri kee shooy shéʼrín, bìʼ fo m yén ŋgeʼ a dzə̀ fo kintatì ke dzəə̀n wún Kristu ki. Wù‑uù yèn ŋgeʼ sigháʼán, e bóo kèʼ kintatì kìn. M nén a yen kém ŋgeʼ lèn ji m maysi kinyo ke wù‑uù kèʼèn, é kintatì ki fíʼ tuúy.

Filipi 1:20

Kinyo ke m taʼ feyì, e way vifií shó cáʼ ki dzə̀ ji lá kí yòʼ kòóy a ji m yii kinyo ke kí wáa fo mo woómé. M kú a kur shilív, a tiy kitávín ghán sidzə̀m, bo taaka lèn və̀n, kìn dzə̀ ji á yúyri mo, kìn m goʼ e tin, é kinyo ke m yii kidzə̀m ki wáa meér yír a dzə̀ yé Kristu.

2 Korin 7:4

Vifií vém ví kfə̀n tíy e věn wùn féyì, a m nyavnìn feyì bìʼ ven. Vèn rəər shilív shém ghán sidzə̀m. A m fə̀m yén ŋgeʼ e le, m kù a sheʼrí sheʼrín bìʼ ven.

1 Joon 3:16

Kinyo ke kí din e vèsən mo dzə̀ wìr wàa kòŋ wír ki dzə̀ ke Jesus‑eè yiìn. Wù‑uù fò kitú kfə́, e kpù bìʼ vèsən. A dzə̀ mo vèsən kú a yiì bèy, a fo vitú vesən bìʼ afə́r vesən.

Ŋwàʼ woó Rom 12:1

Afə̀r vem, mo Nyùy rə́si shám vèsən é ŋàŋ ben, m nén a lon feyì jii, vèn ku tàtí vitú vén adzə̀m, e fò e Nyùy, a dzə, a yu a dzə̀ fo wun. Vèn ku yiì bèy ji vèn wáa dzə a moo kifá ke á liìn, e cù Nyùy sho, wù wáa yu vijuŋ. Á dzə́ə yee réŋ ye dzə̀ vèn fò melív men e Nyùy, a bùnrì fo fo.

1 Pita 2:5

Vèn wiy ri fo Nyùy, é wù li sá ven ji tíy, e bòm lav rə ye Kiyoy kfə́ kí wáa dzə sho, é vèn wáa dzə atàá cù wun woo Nyùy, a yu a dzə̀ fo Jesus Kristu, a lìm fo Nyùy shilív shidzə̀m, é wáa dzə cu ye wù koŋ ji dzə̀ wír vəə́ wàa cù wun sho.

1 Tesalonika 2:8

Mo vèr‑iì sí báŋri ven bey, la vèr yòʼ a tàʼ, e fo ven a dzə̀ sáʼka Nyùy wo juŋ cáʼcáʼ. Vèr nèn fò sá vitú vér e vèn, bìʼ fo vèr kòŋèn ven é ŋàŋ.

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

Filipi 2:30

bìʼ fo wù‑uù wayin vifií e Jesus Kristu kinyò, e bèr gheéy fó kpu. A wù‑uù wáy nyár e wun wùn bey cáʼ ji wun li á kirə́ʼ ke yì‑iì dzəə̀n kén, e wìy, a sə mo.

Lim Aŋgàa Ntum 21:13

Wù bìnèr jii, «Vèn diy, semèr shilív shém ben ji ka? M dzə̀ kibáʼtín fóo nəə́ e sháŋ é Jerusalem, e kfə̀n a dzə kibáʼtín fóo kpu bìʼ Taàtá Jesus.»

Lim Aŋgàa Ntum 20:24

Yii bèy, a bó m yòʼ yén kitú kém, a kí mee e kifa, e shaà ji m maysi lim ye Tàr wòsən Jesus‑eè wayin e mǒ kiwo ji m wáa fìʼtì sáʼka Nyùy wo juŋ, a naàrì mo wù bùʼùn wíri.

Kintaŋ 28:6

Dzə̀ cu ye tonèné ye vé‑eè wayin nsər rə é Gwan Sinay, aá kù wíy a yiì ghán sidzə̀m, é kirəm kfə́ kí wáa rə̀ʼtìn, a bòŋ Nyùy Tàr.

Kintaŋ 28:7

Cu melùʼ ye á bár e wàn kiyaʼa wíy a dzə lita melùʼ, aá wíy a màʼ e ghaa kiy cù.

2 Korin 6:10

A vinyo vi fə̀m kooy ver, a vèr sov kitú, vèr kù yòʼ a sheʼrí Nyùy ghán sidzə̀m. Vèr dzə̀ aŋgàa kitàn, yii bèy, a wír aníne kooy fo vèr. Kifá ke dzə̀ wìr yèn ji kér kí yòʼ dzə̀, yii bèy, a vèr kì kijuŋ ji Nyùy fò ne vifá vidzə̀m ji vér.

Filipi 2:18

M nén a tàʼ sa ji m wíy lóo sheʼrí e ghan see shooy, vèn wàa sheʼrí a sa.

2 Korin 4:12

Á mo vèr biimen kér a dzə̀ kpú ji vèn fíʼ a ker dzəʼə̀m yee là may.