Filipi 2:16 - ŊWÀʼ NYÙY

¹⁶ mo vèn fiʼtì sáʼka wo wù fó dzəʼə̀m yee là may aáwune. Vèn lóo yiì bèy, Jesus Kristu wíy wiy e kishiíy fó, é m wáa tuy shwín ji bó m yòʼ‑oò lo sòrkìr, lim yémé lày a kisáŋ.

Filipi 2:16 Referans Kwoze

1 Korin 9:26

M nén a leʼ kém kee kileʼ tìítiy, a dù a dzə̀ é shùu so. A bó m yòʼ fun yéem yee mfùn moo wír wo wù fun a dzə̀ shwér.

Galatia 2:2

Mò‑oò du e ghan sin, a suúy Nyùy ji m wàá du. M nèn dù, e yèn vilìmbìy ve kintatì ke wìr Kristu, vèr áwune bàr wún, m neèr kinyo ke m fiʼtì e wír ve bó yòʼ dzəə̀n veé Judàa aáwuné si ji á tar, e bìnsí, bìʼ fo m yòʼ‑oò taʼ ji lim ye mò‑oò rə́si lim, kìn ye m dzəə́ wìy a lìme lay kisáŋ.

1 Joon 1:1

Kinyo ke m sáŋ fo vèn kin ki dzə̀ ké wìr wo wù‑uù siìn, é bo ndzə wìy a kèʼ, a kér wun ntum ye yì fó dzəʼə̀m yee là may. Vèr à wír ámóʼó‑oò lo yèn wun e sí yérí, vèr áwune wáa ghanén, vèr wáa kùm wun, e kfə̀n a yen vinyo ve wù‑uù yii.

2 Korin 1:14

A vèn fə̀m dzəə́ méŋnin vinyo ve m yii vímóʼ ví lèn, bo m kù wày vifií e věn wùn ji vèn wíy màysì, e yen a mo vinyo vee shooy vi dzəə̀n. Wíy lóo dzə e kishiíy ke Tàr wòsən Jesus wíy kfən, vèsən lóo tiy e wùn si, é vèn nèn a koʼnín bìʼ mo, réŋréŋ mo m wíy a koʼnín bìʼ ven.

Joon 6:68

Simon Pita nèn bìnèr jii, «Tàr, vèr kfə̀n du, e yen a dzə̀ la? Kù jòʼsì wò wo à kér jí se sí fó dzəʼə̀m yee là may.

1 Tesalonika 3:5

Mo mò‑oò sí rəm vinyo vìn vidzə̀m, a ví tárir mo, m nen yèn ji bó yòʼ dzə̀ m kfə̀n a siʼsíʼ, e tùm Timoti fo vèn ji wù wiy, e lèéy a ji vèn sà kù dzəə́ wáy shilív e Nyùy wùn á? A mò‑oò fan fo kí wáa dzə ji kìn Satan woo ŋgaà mùm bìnèr ne ven, é lim yérí lay kisáŋ.

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

Ŋwàʼ Luk 12:8

«M nén a suúy e vèn jii, a wìr biìmé lèn e wírí si ji wun dzə̀ wír wom, bo ŋgaà wo yírí dzəə̀n *Wanwìr və̀n wíy biimé sa ŋgaàŋ e nshèelav se Nyùy sí si.

Hibru 4:12

Vèn wáa kiíy jii, jí se Nyùy si dzə̀ sigháʼtín, a dzə̀ sí yiì kinyo. Sí lim e wìr shiliv, lim e vifii, njím shaa shwàʼ wo á baàyìn mbìv sidzə̀m. Sí sáyri kwaʼtì wìr e dzə̀m, kìn dzə̀ ye yí tíy e shiliv, kìn ye wù kwaʼtì a dzə̀ fó vifii, kwaŋrì réŋréŋ mo shwàʼ ghàn é nsàn se vighvər.

1 Pita 1:23

a kiíy jii, jí se Nyùy se sí tíy fo ghán sidzə̀m, fó dzəʼə̀m ye fíyi, si yiì ne, á dzəə́ ven afíy. A bó yòʼ dzə̀ ji wón wìr wo dzə̀ wù kpù, vèn sì wón Nyùy wo wù gòʼòn kàŋ mòʼón.

1 Tesalonika 2:19

A vèr kér shií fo vèn ben, bìʼ fo dzəə̀n ven ve dzəə̀n viwìr vér, e kfə̀n a dzə kishéʼrì kér. Kí búŋ fó bey, bo Tàr wòsən Jesus wíy wìy, vèsən lóo tiy e wùn si, é vèr wáa kàn a dzə̀ ala, é vèr wáa sheʼrí a dzə̀ bìʼ ala, é vèr wáa binsí nsiì a dzə̀ bìʼ ala? Kù wíy a dzə bìʼ ven vin ve vèr kooyin ji wír və́.

Galatia 4:11

Vèn yii bèy, a m fan ji ghanmóʼ bo kinyo ke mò‑oò katìr, yéʼey ven shó ki lày ne a kisáŋ.

Aysaya 49:4

Yii bèy, m bìnèr kém jii, «M yiì ne lim ye Nyùy Tàr wayin e mǒ kiwo, a bó noshìndzə̀v yòʼ dzə̀ shó. M bvə̀ʼtí ne wún é lìm fèn, e bvə̀ʼtí bèy, a bó séʼ yòʼ dzə̀. Yii bèy, suuyrú dzə̀ jii, Nyùy Tàr kù wíy a kìŋsìn ghay wóm. Wun woo Nyùy wom kù wíy laamé mo fó lìm ye m lìmèn.»

Nsùyrì Nyùy 71:17

Éè Nyùy, à mèrìr ne mo, e kèʼ fo meterí, a m kù dzə́, fiʼtì viŋgaʼnìn ve vinyò ve à yii.

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Lim Aŋgàa Ntum 13:26

Por kfən yòŋ áwune jii, «Afə̀r vem, ven vee rám Abraham, e lì wír ve á ghvə́m sa Nyùy adzə̀m, Nyùy‑iì tiìsí ntum yee mo á wíy lùŋ rə̀n a dzə̀ e vèsən.

Matio 10:27

Kinyo ke m tír ven shó lèn e bǎm lav, vèn wáa fìʼtì a dzə̀ é maàndzə. Ke m səmrì e vèn sə́mrin, vèn wáa ghan, a jàŋ jàŋèn.

Nsùyrì Nyùy 40:9

M fìʼtì ne sáʼka wò wo juŋ e màŋgòŋ wìr vée mvəm, sáʼka woo ji à luŋèr a wír vé. Éè Nyùy Tàr, à kì ji bó m yòʼ dór fó a fèr.

1 Korin 1:8

A wun woo Jesus Kristu kù yíi a yiì, é vèn wáa tiy e wùn kinyò kitávín, e dù, e jòʼsì. Wíy lóo dzə e kishiíy ke wù wíy wìy kee shooy, é la vèn yòʼ dzəə gbù njò yìmòʼ gheéy.

Filipi 1:6

A m kì kijuŋ jii, Nyùy wo wù‑uù kèʼèn lim rə́ ye juŋe e věn meliv kù wíy a yiì, é vèn wáa dzə wír və́ ŋkuuŋkùŋ, e màysì e kishiíy ke Jesus Kristu wíy kfən, e maàr kinyo kee shooy.

Filipi 1:10

Vèn lóo səə̀m, é vèn nèn a fəə́r a dzə̀ ve juujùŋ vi, é wíy lóo dzə e kishiíy ke Jesus Kristu kfə́n e bàm, é vèn wáa tiy e wùn si là nsem, a wàrkìr.