Filipi 2:14 - ŊWÀʼ NYÙY

¹⁴ Vèn lóo yiì vinyo ve vèn yii vidzə̀m, lá vèn yòʼ a ghvə̀vrì, a bìʼ mbìʼ,

Filipi 2:14 Referans Kwoze

1 Pita 4:9

Vèn wáa sənín vitú vén, é wìr wáa səəsí wír e wùn lav, a ker kijuŋ, e làa yòʼ a ghvə̀vrì.

1 Korin 10:10

Lá vèsən yòʼ a sày Nyùy mo wír vìn ámóʼó‑oò yii, wù tsə́nsí nshìylav rə, yì laàr áwune.

Filipi 2:3

Lá vèn yòʼ a dzə, é wìr wáa dìy a dzə̀ kitú kfə́. Lá vèn yòʼ a sùmrì wún. Vèn wáa lì vitú vén shishàr, é wìr wáa yen wùmòʼ, a shaà kfə́ kee kitú.

Jeem 5:9

Vèn lóo shìy, afə̀r vem, lá wìr yòʼ a ghvə̀vrì fə́r və, fó dzə̀sì rə́ə yee njò. Vèn wáa kiíy ji wìr wo wù wíy a tàr kinyo ke wìr dzə̀m sí tíy e shùu lav.

Ŋwàʼ woó Rom 12:18

A fə̀m kooy ka ven, vèn kù a mùm ke dzə̀ vèn mùm ji vèn à wíri wáa dzə a nyaáŋ.

1 Tesalonika 5:15

Vèn wáa yen fo wìr wáa siìr ŋkfə́tír e wùmòʼ. Vèn kú a mùm fó a yiì a dzə̀ vinyo ve juŋ vi e věn mvəm, e kfə̀n a yiì sa bèy e wìr dzə̀m.

Jeem 1:20

Vèn wáa kiíy ji wìr lóo shwiíy kilòŋ, bo bó yòʼ dzə̀ wù dzəə yiì kinyo ke kí gheén Nyùy.

Galatia 5:26

Kí nén a dzə jii, lá wìr yòʼ dzə́ə a ràʼsì wún á ji yiì wun, e bóo gheén Nyùy, fó a tinsín fə́r və, é wù wáa siimé.

Galatia 5:15

Yii bèy, a vèn lò, e kù a nyàmnìn, a lumnín moo jwí si, vèn kù yòʼ a kiíy ji vèn sí bívir a vitú vén.

Jeem 3:14

A wìr lò, a ker kfə́ a dzə̀ kinsiimè e wùn shiliv, a dìy a dzə̀ ntaʼ, ŋgaàŋ wàa yen fó a dìn kitú kfə́ ji ŋgaà vifiì. A wù yii bèy, bo wù sí bívir kinyo ke Nyùy ke ru kí.

Ŋwàʼ woó Rom 14:1

Afə̀r vem, vèn kì sá jii, wír ámóʼó dzə̀ é vèsə́n mvəm, aá nyaʼ vinyo vímóʼ ví ve melív mev mè tún ji bó yòʼ dzə̀ áwune moo wír Nyùy, á wàa yiì. Vèn kú a lì wír vee shooyi líin e věn wùn mo á dzəə̀n, e làa yòʼ a sòv vinyo vév, é vèn áwune wáa rəsí, a bìʼ mbìʼ.

Nsùyrì Nyùy 106:25

Áwune wáa ghvə̀vrì fo áwuné tàv se tamén sí, e tèn fóo yunín jí Nyùy Tàr.

Ŋwàʼ Jud 1:16

Enok wáa suúy bèy, a kù dzə̀ mo wír vìne rə́si ghvəvrì Nyùy, e làa yòʼ a yen kinyo, é kí wáa gheén áwune gheéy. Á kù yii vinyo a dzə̀ ve mensə́ mev mè taʼà, ghaŋtì shuu, sévti vinyo sévtín, leerì wíri ji á fíʼ a koóy kifá.

1 Pita 3:11

Wù maʼti vinyo ve bi ví, a yiì a dzə̀ ve ru ví, a jùm a dzə̀ dzəʼə̀m yee nyaáŋ, e meé e ghan se wù wíy koóy.

Hibru 12:14

Vèn wáa mùm kitávín ji vèn à wíri wáa dzə dzə́ ye juŋe ji nyaáŋ, e kfə̀n a mùm feyì ji vèn wáa ker a dzəʼə̀m ye yí wáa dzə e juŋ, là nsem, a kiíy jii, a wìr bùŋ dzəʼə̀m yee bey, bo bó yòʼ dzə̀ á wù wìy yèn Nyùy.

Ŋwàʼ woó Rom 16:17

Afə̀r vem, m nen kfə̀n a tir ven jii, vèn wáa baàmè a wír ve á ghán, yéʼey vinyo, a bó yòʼ dzə̀ ve vé‑eè yeʼeyin ven shó, bvəər vifií vé wíri, aá javsìn, dzə́ jeéy jeéy. Vèn wáa nyeŋ kfə́ə wìr vee bey,

Lim Aŋgàa Ntum 15:2

Wùn à Por à Banabar rə́sí bìʼ sho, e bvəə̀rí. Kí gháʼ, á nèn sìysì jii, Por wùn à Banabar, à wír ámóʼó du é Jerusalem, e yèn aŋgàa ntum Jesus wùn aàtǎr vintatìi, aá tar á kinyo kee shooy.

Lim Aŋgàa Ntum 6:1

Wáa dzə e ghan fóo fèy, kintatì ke wìr Jesus ki kú a kùʼ, a dù duùn fó mbìy, a wír ámóʼó súŋnin lám woo fó laʼ, ámóʼó wó Grik. Ve vé‑eè súŋnin Lám Griki nèn lò, a ghvə̀vrì vee fó laʼ jii, á jav vifá e vikǐy ŋkfəə, bóʼ a vee áwuné mbìv.

1 Tesalonika 5:13

Vèn wáa ghvəm áwune kijuŋ, a kòŋ shilív shidzə̀m, bìʼ fo áwune lim bìʼ ven. Vèn kfə́n a kuumé ji lá vèn yòʼ a taŋnín ven ven.

Kintaŋ 14:27

«Màŋgòŋ liì kisaŋ və̀n wíy sày mo ben, e dù, e meé e le? M yù ne say ye wír veé Isray vìne say mo.

2 Korin 12:20

Kinyo ke m fan ki dzə̀ jii, ghanmóʼ, é m wìy wìy, e yèn kinyo ke kí wáa nyar mo, é m nèn a nyarnín sa. A m fan fó wìy wìy, e yen, a vèn seʼnìn, gheʼnìnè. Kìn vèn shwiiy a dzə̀ kilòŋ, kìn wìr diy a dzə̀ və́ woo shuu. Kìn dzə̀ ji vèn duú viduú, súʼ kinsuʼ. Kìn ámóʼó kóʼor wún, a wíri dzə́ jeéy jeéy.

Lim Aŋgàa Ntum 15:39

Wùn Banabar rə́sí, e kìŋnìn ŋkóŋkóŋ, e nèn jàvsìn. Banabar lì Maak, wùn wun dù, e nə̀ə́ e kikoŋ, a dù e wòŋ woo Saypur.

Lim Aŋgàa Ntum 15:7

Á rə́sí e sùŋnín, e dù kwaʼda. Pita nèn nànèn, a suúy jii, «Afə̀r vem, vèn kì sá ji Nyùy‑iì shòʼ a dzə̀ mo fo věn mvəm fó mbìy ji m wáa fìʼtì sáʼka və wo juŋ e wír ve bó yòʼ dzəə̀n veé Judàa, aá wáa yu, a biimé sa.

Maak 14:5

A dzə̀ réŋ, bo á kì fiìnè fíinen, e kòóy mbàm nyanyày, e shaà *danari ghii taár, a sə a vé ŋgeʼe shó. Á nèn lò, a saʼ wiíy və̀y sáʼán.

Matio 20:11

Áwune ghár mbàm, e nèn kèʼ, a ghvə̀vrì ŋgaà sùm woo shooy,

Ŋgàn 13:10

Kiŋkoʼòrwùn kí fəər a dzə̀ kitáŋnìn, a wìr wo wù kér vifií dzə̀ wo wù yú ntir.

Maak 9:14

Wùn à Jesus kaày, e lòo meé fo wón və́ lìm ámóʼó kì siiyin, a dzə, e yèn, a màŋgòŋ kaárí áwune, e tàr, a wùn à wír ve á yii duŋrì nsər Nyùy ámóʼó biʼ vinyo.

Ŋwàʼ Luk 5:30

Wír veé mbìv Farasi wùn a wír ve á yii duŋrì nsər Nyùy ámóʼó yén, e nèn a ghvə̀vrì, a dzər e wón lìm Jesuse jii, «Bìʼ ka mo vèn yíkir vèn à wír ve á báʼti mbàm se bàràʼ, à wír ve bi ámóʼó?»