Filipi 2:13 - ŊWÀʼ NYÙY

¹³ Vèn wáa kiíy ji lumèr Nyùy melív men, a vèn koŋ fó a yiì vinyo ve ví wáa bòŋ wun. A kù kfə̀n fó wun vitaáví, a vèn yii vinyo vee shooy sho.

Filipi 2:13 Referans Kwoze

Hibru 13:21

Nyùy ku fò ven vifá ve juŋ vi vidzə̀m, é vèn wáa yiì vinyo və́ shó. Wù ku yiì, é Jesus Kristu wáa sə ven, é vèn wáa yiì a dzə̀ vinyo ve ví boŋ wun woo Nyùy. Á kú a burí Kristu ghán sidzə̀m, là may. Amen.

2 Korin 3:5

A bó yòʼ dzə̀ ji vèr kér a vitaáví vée yiì kinyo kímóʼ kí ji yiì a ver. Kù fó Nyùy vitaáví, bo vèr wáa yiì vinyo ve á yii vidzə̀m, é ví wáa shemsín.

2 Timoti 1:9

Wù‑uù tìn vèsən fó lòn, á lùŋ, wù lì vèsən ji və́ vee wír. A bó wù yòʼ‑oò li bìʼ kinyo kímóʼ kí ke vèsən‑eè yiìn. Wù‑uù lì a dzə̀ mo kù‑uù sìysìn wun fo yàŋgùʼ ji wun wíy tatí vèsən à Jesus Kristu, e bùʼ ji wír və́.

Ŋwàʼ woó Rom 9:16

Kí nén a dìn ji bó Nyùy yòʼ shóʼ wír ji wír və, a dzə̀ á bìʼ fo ŋgaàŋ kì koŋ ji wù shóʼ, kìn bìʼ fo wù kì sòrkìn. Wù shóʼ a dzə̀ bìʼ fo wù rə́r mendzən fo ŋgaàŋ.

1 Korin 15:10

Yii bèy, Nyùy kú a kòŋ mo, a sham mo, bo m wáa dzə mo m dzəə̀n lèn bèn. A bó nshámmé və woo shooy yòʼ‑oò lo lày kisáŋ. M lò kém fó fo, e nèn lìm, e shaà aŋgàa ntum Kristu ámóʼó adzə̀m. A bó yòʼ dzə̀ ji mò‑oò yii lim rə̀n a dzə̀ fo mǒ vitaaví. Mò‑oò lim a dzə̀ mo Nyùy‑iì buʼ mo, a m limè.

Joon 3:27

Joon bìnèr jii, «Kù fó Nyùy lim wìr ye wù wáa lìm.

Efesor 1:11

Nyùy‑iì yiì ne shòʼ ver vee wír veé Isray fo ŋgùʼ ji á tátí wùn à Kristu, a dzə wír wun woo Nyùy. A wù‑uù shóʼ a dzə̀ mo wù kiìn réŋréŋ mo wù kù yii siysì vinyo veé ndzə vidzə̀m, a ví kooy mo nsìysì və dzəə̀n.

1 Korin 12:6

Wíri kfə́n a yiì sa lim sév é dzəə sí dzəə sí, a Nyùy wo wù fó vitaáví aáwune adzə̀m, bo á wáa yiì, kù mày e mòʼón.

2 Tesalonika 1:11

Vèr lóo kuumé kinyo ke kí wíy koóy e kishiíy fóo fèy, vèr nèn a bùnrì ghán sidzə̀m, a lon jii, Nyùy wòsən ku yiì, é vèn gheén á fó a dzə wír və́ vé ruú mo wù‑uù liìn ven ji vèn wáa dzə. Vèr kfə́n a lon ji wù fó ven vitaáví, é vèn maysi, e yiì a vinyo ve juŋ vi ve vèn taʼ, e yiì vidzə̀m, e kfə̀n màysì lim ye vèn wayin shilív e Nyùy wùn, a yiì rə̀n.

Efesor 1:5

Mo wù‑uù sí koŋ vèsən, wù nèn sìysì ji wun kù wíy yiì a kinyo ke wun wayin kin, e lì vèsən ji wón və́ bìʼ kinyo ke Jesus Kristu‑uù wíy yiì fo vèsən.

Efesor 2:8

Vèn ku nèn a kiíy ji Nyùy lùŋèr ne ven, ve vèn wayin shilív e Kristu wùn, a dzə̀ bìʼ fo wù shamen ven shámén. Bó yòʼ yiì ven gheéy. Wù bùʼ ven búʼun.

1 Afòn 8:58

Wù ku yiì, é vèsən wáy shilív e wun wùn, a ghan e wun mbòv, a yu sáʼ rə́, a yunín nsər sə́, a ghar vinyo ve wù tínen vidzə̀m, vinyo vidzə̀m ve wù‑uù yòŋèn áàtàr vesəné.

Nsùyrì Nyùy 119:36

Yìi, é shilív shém shí wáa lùm e vinyò ve à foon, é la m yòʼ a jùm a dzə̀ káv woó nsay.

Ŋwàʼ Luk 12:32

«Wónen, mo vèn à ŋgoo yen fə̀m dzəə̀n ashàr, lá vèn yòʼ a fàn, bìʼ fo Tàr won Nyùy shoʼon ne ven ji vèn wìy a dzə e wùn mvə̀m saʼ.

Efesor 1:9

Wù yiì ne lèn, vèsən kiíy kinyo ke wù‑uù yiìn ne sìysì fo ŋgùʼ, e tìír e Kristu wùn kin, a kí‑iì dzə̀ é kilìtì, la wìr yòʼ a kiíy. A wù‑uù ghàn a dzə̀ é dzəə̀ vifiì, e bóo dìn, é vèsən kiíy, bìʼ fo wù kiìn mo vifií vé wìr vi dzəə̀n.

Joon 6:65

Wù kfən sùúy jii, «Kù dzə̀ kinyo ke kí yiìn, bo m suúy ji bó yòʼ dzə̀ wìr wìy ji wun yén mo, a bó bánrí Tàr wor ŋgaàŋ.»

Jeremia 32:38

aáwune nèn a dzə wír vém, e m wáa dzə Nyùy wov.

Ŋwàʼ woó Rom 9:11

Mo áwune adzə̀m fə̀m‑eè dzəə̀n wón wun woo Aysi wo Nyùy‑iì shoʼon, Nyùy‑iì yiì ne sùúy e Rebeka, é bo wù wìy a dzəə́ jii, «Wan woo ŋgàywìr wíy a yu fo wo terí.» A wù‑uù shòʼ wo mòʼón woo wán, é bo á fəm wìy a yen liì wov bey, ji kinyo ke wù‑uù kèʼèn kí kú a dù a fo mbìy, é wun wáa shoʼ wír, a lì ji wír və, a dzə̀ mo kòŋèn wun, a bó yòʼ dzə̀ bìʼ kinyo kímóʼ kí ke ŋgaàŋ yiìn.

Jeremia 31:33

«Yii bèy, a mensaŋ me m wíy gwàr vèr à wír veé Isray, a me mvə mè seéy ne mè dzə̀ jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

Ŋgàn 21:1

Shilív shé fòn shi dzə̀ e Nyùy Tǎr kiwo, a wù danèr moo ndzə́v ye wù yii, a yí léŋ du fo wù koŋè.

Esra 1:1

Yì‑iì dzə̀ é kiya ke vé‑eè koʼorin Sayrus ji fon woó Persia, Nyùy Tàr nèn yiì, kinyo ke wù‑uù yòŋèn, e shaà fo *ŋgaà ntum və woo Jeremia ki gheén. Nyùy Tàr‑iì kùm shilív shé Sayrus, wù fó sáʼ, yí ghánén woŋ və́ e dzə̀m, e kfə̀n sàŋ sá aŋwàʼ, á ghánén.

Esra 7:27

Búríi wáa dzə fo Nyùy Tàr woo Nyùy atàr vér, wo wù wayin kwaʼtì yee moo rən e fòn shiliv, ji á fiʼ yiì lim yee Nyùy Tǎr lav ye yì dzəə̀n é Jerusalem.

Esra 1:5

Á bèy, vilìmbìy veé ram Juda wùn à veé ram Benjamin vi, aàtàá cùu, à wír veé ram Levìi, e lì wir dzə̀m wo Nyùy‑iì kùmèn shilív sə́, nèn ŋàʼáy, a dù ji á kfən bàʼrì a lav Nyùy Tàr yeé Jerusalem.

2 Wòŋ 30:12

Ké wìr veé Juda ki wáa dzə, a Nyùy‑iì lo màʼ sa kiwó aáwuné wùn, á wáa ker kwaʼtì e mòʼón, e nèn yù sáʼ ye fòn wùn aàtǎr ntoʼo‑oò foon ji á wáa yiì a mo kinyo ke Nyùy Tàr kí dzəə̀n.

Joon 6:45

Vé‑eè sàŋ é Ŋwàʼ Aŋgàa Ntum Nyùy jii, ‹Wíy a yeʼéy Nyùy áwune adzə̀m.› Kí nén a dzə jii, wír wo wù yuúri yéʼéy Nyùy Tàr yee shooy, kiiy mo yí dzəə̀n, dzə̀ á wo wù wiy sa, yén mo.

Aysaya 26:12

Nyùy Tàr, kù ló yiì wò, é bo vèr wáa dzə dzəʼə̀m ye juŋe. Kù yii yii wò, a vinyo vér ví ghán e mboʼ.

Nsùyrì Nyùy 141:4

Ku yiì, é la shilív shém shí yòʼ a yeʼtí e kinyò ke bi kí. Ku yiì, é la m yòʼ a tatí wír ve bií, é vèr áwune wáa yiì vinyo ve bi ví. Ku tèér fo m tátí áwune, é vèr áwune wáa yinín kikóŋ.

Nehemia 2:4

Á nèn dzə̀r e mò fó ntoʼ ji m sà kì koŋ ji á yée le e mò á? M nèn bùnrì Nyùy woó yuv,

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

Lim Aŋgàa Ntum 11:21

Nyùy nèn sə̀, áwune wáa bìnèr wír anín, á wáa way shilív e Jesus wùn.

Nsùyrì Nyùy 110:3

À wíy fəə rə́r é kishiíy fó, é wír vée wiy, a fo vitú vév. Awàʼ vée wíy wìy, e tom wò, a kaarí aàgwan ve dzəə̀n vé Nyùy moo ŋweʼ ye yí gbu kijàvndzə.

Ŋwàʼ Jov 33:29

«Rúrú, kù lim Nyùy vinyo vìn. Wù kù lim vinyo vìn e wìr akàŋ akàŋ.

Ŋwàʼ Luk 2:14

«Á wáa burí Nyùy wo wù dzəə̀n é ntoò yùv. Wù fò ne nyaáŋ é nsay fo wír ve wù koŋe adzə̀m.»

Ŋwàʼ woó Rom 12:3

Mo moo wír wo Nyùy tumen, e yiì, m wáa kiíy vinyo və́, m nén a tàʼ, e tir ven mo dzə̀ vèn wàa yiì. Wìr mòʼón mòʼón wáa yen fó a lì kitú kfə́, é kí wáa kuy, a shaà mo wù dzəə̀n. Vèn wáa lò ji weè, a səʼə́m, é wìr mòʼón mòʼón wáa tiy a dzə̀ é ntuʼ ye wù wayin shilív shó ji fò á Nyùy ji wun wáa yiì.