Filipi 2:12 - ŊWÀʼ NYÙY

¹² Ŋkàr sem, dzə̀ sá mo vèn kú a yu a dzə̀ fo Nyùy. Vèn‑eè ló a yu e ghan se vèsən‑eè dzəə̀n. Vèn ku nèn a yu e shaà bèy lèn wo bó m yòʼ dzə̀ə́ vèsən, e màysì, a yiì moo wír ve Nyùy liìn ji və́, a fàn, a yàʼ fó jay kinyo e wun, é vèn nèn wìy lùŋ.

Filipi 2:12 Referans Kwoze

1 Korin 15:58

Á bèy lèn, ŋkar sém sé sày, vèn wáy ri shilív, a tiy kitávín, a yu kinyo kimòʼón cáʼ ji kinyo ke Tàr wòsən Jesus Kristu, a kiíy ji kinyo kidzə̀m ke wìr yii bìʼ wun woo Kristu ki yòʼ dzə̀ á kí lày kisáŋ.

Hibru 4:11

Vèsən ku nèn wày kitávín ji á ku wìy nə̀ə́ e kirə̀ʼ ké meèmè fèn, a yen fo wìr ŋwáy kinyo ke Nyùy, e ràn meemè yee shooy mo vé mbìyi‑iì yiìn, e bóo ran.

1 Pita 2:11

Ŋkàr sem, vèn wáa kuumé ji vèn dzə̀ viŋgwìy, a vèn bee beèn é ndzə fèn. M nén a lon jii, lá vèn yòʼ a yu fo věn mensə me mè tíy a dzə̀ é vinyò veé ndzə fèn, funèn melív men me vèn tiirin e Nyùy wùn.

Matio 11:29

Vèn toór kimbùŋ a dzə̀ kém, a yu a dzə̀ fo mò. M yii géʼ e wíri géʼén, kér shilív shee nyaáŋ. Vèn ku wìy, e meèmè, é meliv men mè rəsin.

Filipi 1:27

Á bèy lèn, kinyo ke vèn wáa yiì ki dzə̀ jii, vèn wáa ker liì a dzə̀ á wo wìr ve á jumrì rú kinyo ke Jesus Kristu. A ke m taʼ ki dzə̀ jii, kìn m wìy fo vèn, kìn bó m yoʼ wìy, m kù a yu a ji vèn tíy kitávín, kér shilív shimòʼón, e kfə̀n a yu ji vèn wày vifií, a fùnèn kinyo kimòʼón cáʼ ji sáʼka Nyùy wo juŋ wáa dù fo mbìy, é wíri wáa biimé.

Aysaya 66:2

Bó yòʼ‑oò fèr mo vifá vìn vidzə̀m à? Rúrú, á mo vifá vìn vidzə̀m vi‑iì ghanen, e bó a dzə. Suuy mo woo Nyùy Tàr. «Á bèy, kfə́ə wìr wo m yíi a leéy, a yu vijuŋ dzə̀ wo wù li kitú kfə́ fó tèr, bórkir e mǒ si, yú jí yem, fan fó lì fo tèr.

2 Pita 3:18

Vèn ku wày kén vifií ji vèn à Taàtá wòsən Jesus Kristu wo wù‑uù tinen ven fó lòn nəə́nín, é vèn wáa tiy e dzə̀ʼə̀m ye wù bùʼùn ven shó, a kiíy wun, a dù duùn fó mbìy. Vèsən kú a burí wun, a koʼór yír rə́, e kèʼ fo lèn, e dù, e mày. Amen.

Hibru 5:9

Wù màysì, e nèn ghèén e wìr wo dzə̀ wù lùŋèr wír ve á yú kinyo kfə́, a wù kù wíy a lùŋèr bèy ghán sidzə̀m, e dù, e mày,

2 Timoti 2:10

M nen sə̀ ŋgeʼ sidzə̀m, é wír ve Nyùy‑iì shoʼon ji vəə́ fiʼ tàtí wùn à Jesus Kristu, e lùŋ, e nə̀ə́ e vijùŋ vee là may.

Ŋgàn 13:4

Njoó diy vifá, kù kpú e kitàn, a ntav kù yii kér vifá ve wù diyì vidzə̀m.

Hibru 4:1

Kinyo ke Nyùy‑iì kàʼàn ji dzə̀ wìr nə̀ə́ e wùn kirə̀ʼ ké meèmè ki kù tíy fo. Mo vèsən kiìn bey, vèsən ku nèn a yen fo kí wìy kòóy ji á lòo tàr, e yèn á ji wìr fo vèsən yoʼ ghèén, é wù rán vijuŋ vee shooy.

Hibru 12:1

Mo vèsən sí yén wír nyanyày e vèsə́n ghaŋ mbìv sidzə̀m, a dzə̀ ve á din mo dzə̀ wìr wày shilív e Nyùy wùn, vèsən ku nèn a yiì moo áwune, e màʼtì vinyo ve dzə̀ ví jàvsìn vèsən à Nyùy vidzə̀m. Vèsən maʼay vinyo ve bi ve ví rə́ʼəy vèsən, e wày ŋàŋ, a leʼ a dzə̀ kileʼ ke vèsən sí léʼé,

Filipi 4:1

Á bèy lèn afə̀r vem, m koŋ ven féyì, a jìŋ yen yár mo é ŋàŋ. Dzə̀ ven vin ve á yii, a m kér kishéʼrì. A m kfə̀n kwá ŋgúʼ a dzə̀ bìʼ ven. Ŋkar sem, vèn ku nèn a tiy kitávín a dzə̀ vèn à Tàr wòsən Kristu mo m kì suuyin ne.

Ŋwàʼ woó Rom 2:7

Lóo dzə wír wo wù‑uù rə́si yii a dzə̀ vinyo ve ru ví, leey ji wáa binsí Nyùy, shiy mbùʼmé a dzə̀ wo Nyùy ji wùn Nyùy ku wìy a dzə ghán sidzə̀m, é Nyùy nèn fò ké ŋgaàŋ a dzə̀ dzəʼə̀m yee là may.

1 Tesalonika 1:3

A vèr kuúme a dzə̀ mo vèn yii. Vèn wày shilív e Nyùy wùn, a lìm fo wun, e kfə̀n suùsín, a kòŋ wun, e nèn a lìm, a shaàsìn. A vèn kfə̀n leey sa fó mbìy, shiy ji Tàr wòsən Jesus Kristu wàá wiy, nèn tíy kitávín, la kinyo kímóʼ kí yòʼ dzə́ə a sə̀ʼ ven gheéy.

Filipi 1:29

Vèn wáa kiíy ji Nyùy yòʼ bùʼ ven ji wír Kristu cáʼcáʼ ji vèn wáy a dzə̀ shilív é wùn wó, e fíʼ lùŋ. Wù bùʼ sa ji vèn wáa yen ŋgeʼ bìʼ kinyo ke wun woo Jesus Kristu,

Nsùyrì Nyùy 119:120

Wúné yaʼ mo, bìʼ fan ye m fan wò. M leey vinyo ve à tinen, e wày ji nsər, wúné wàa beemé mo beemén.

Nsùyrì Nyùy 2:11

Vèn wáa ghvəm Nyùy Tàr, a fàn, a yàʼ, fóo jay kinyo.

2 Korin 7:15

Vèn màysì ne, e nə̀ə́ e wun woo Titur shiliv lèn feyì, bìʼ fo wù kuúme mo vèn‑eè səəsin wun, a fàn moo ŋgaà ntum, a neŋ e wùn si, a yu kinyo kfə́.

1 Korin 2:3

M nen wìy moo wír wo bó wù yòʼ kiìn kinyo ke dzə̀ wù yiì, shilív shém shí wáa buʼ, m wáa fàn ji kìn bó yòʼ dzə̀ m kìíy á móo suúy kinyo e vèn, aá yú.

Efesor 6:5

Ké ven vee akwàn kí wáa dzə jii, vèn kú a ghvəm atàr vén veé ndzə fène kijuŋ, a yu a dzə̀ fo áwune, a lìm fo fo shilív shimòʼón ji vèn lim a dzə̀ á fo Jesus Kristu.

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Ŋgàn 10:16

Wìr yúnin Nyùy, wù wàa ker dzəʼə̀m ye juŋe. Wìr méŋ Nyùy, wù wàa ker liì a dzə̀ wo bi.

Matio 11:12

A kí dzə̀ jii, kèʼ fo ghan se Joon‑eè wìyìn, a fìʼtì kinyo kfə́, e shem lèn, wíri sí nyornìn, táŋ dzə́ə ji á nəə́ e Nyùy mvə̀m saʼ, a wír ve á táŋ, du fo mbìyi sí faasì.

Esra 10:3

Bo kí dzə̀ jii, vèsən gwar *mensaŋ vèsən à Nyùy wòsən ji á sí fəər a vikìy vin wùn à wóné. Tàr wor, vèr kù yíi yiì mo vèn à wìr dzə̀m wo wù yúnin nsər se Nyùy tirin ver. Vèr kù yíi yiì réŋréŋ mo Nsər Nyùy taʼà.

Filipi 1:5

bìʼ fo m kù kuúme mo vèn‑eè tatin mo, e kèʼ fo kishiíy ké mbìy ki, vèsən wáa sàmèr sáʼka wo juŋ woo bìʼ Jesus Kristu, e shem lèn.

Lim Aŋgàa Ntum 9:6

Lò é yuv, e dù e mvə̀mlaʼ, aá suúy wò kinyo fo ke à kér fó a yiì.»

Filipi 2:19

A Tàr wòsən Jesus biìmé, bo bèr shishàr, é m túm Timoti fo vèn. Wù dú wiy, fiʼtì mo vèn dzəə̀n, é shilív shém shí rəsin.

1 Korin 4:14

M sàŋ vinyo vìn fo vèn ben, a bó yòʼ dzə̀ ji m taʼ a ji vèn wáa rəsí, a woomé. M taʼ, e tir ven tírín moo wón vém ve m kòŋèn é ŋàŋ.

Filipi 4:15

A vèn kì sá kijuŋ ji kù mày ven vee wír veé Filipi ve vé‑eè sə́ mo é ghan sé mbìy se vé‑eè dzəə́ keʼ sáʼka woo kùm Jesus Kristu kéʼen, a m lo fo věn wòŋ Masedonia, ghán, fiʼtì sáʼka woo shooy. A bó vèr à kintatì kímóʼ kí yòʼ‑oò lo nəə̀nín bèy gheéy, kù jòʼsì ven.

Lim Aŋgàa Ntum 16:29

Wù nèn jàŋ ji wìr ku wìy a e kikaʼày kí. Á wìy sho, wù tó é lav, e dù, e tsə̀m e Por wùn Silar si, a wù sí yaʼ yàʼàn.

Filipi 1:6

A m kì kijuŋ jii, Nyùy wo wù‑uù kèʼèn lim rə́ ye juŋe e věn meliv kù wíy a yiì, é vèn wáa dzə wír və́ ŋkuuŋkùŋ, e màysì e kishiíy ke Jesus Kristu wíy kfən, e maàr kinyo kee shooy.