Filipi 2:10 - ŊWÀʼ NYÙY

¹⁰ é wír ve á dzəə̀n é wòŋ woó yuv, wùn à veé nsayi, à vee aŋkfəə́ wòŋe lóo yu yír Kristu yee shoon, aá wáa gvəʼtí e wùn si.

Filipi 2:10 Referans Kwoze

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Hibru 1:6

Wáa dzə e ghan se wù‑uù sí túm Wán və wo wù tíy mbìy vifa vidzə̀m ji wù wiy é ndzə fèn, wù kfən sùúy sho jii: «Nshèelav se wun woo Nyùy sidzə̀m si kù kér fó a gvəʼtí e si wo.»

Efesor 3:14

M nen kfə̀n a màysì ke m kì gaʼan jii, mo Nyùy liìn ne ven sá ji və́ vee wír, m nén a tsəm e wun woo Tàr wòsə́n si, a bùnrì fo vèn.

Ŋgaà Yen 4:10

Ví lóo yòv, kfə́m sé wìr vee nshòv sikweè e mbaà siy si wàa wìy, a gbù e ŋgaà wo wù dzə́ e kàvàʼ və̀y si, a ghvəm wun wo wù kù dzəə̀n shó ghán sidzə̀m, là may. Á lóo yiì bèy, á wàa shoʼ antáráʼ vév, a neèr e shùu kàvàʼ, a kwa jii:

Efesor 1:10

Wù‑uù sìysì jii, ghán sí wíy gheén, é wun wáy vifá vidzə̀m e Kristu kiwo, kìn dzə̀ veé yuv, kìn dzə̀ veé nsay fèn, é wù tátí, é wùn à Nyùy kfə́n á ji kifá kimòʼón.

Matio 27:29

Á kfən kaàrí kicí ké njoŋ ki, e səə̀nè e kitu wo ji ntáráʼ, e tàʼ ŋkoó, e wày é kiwo wo ji kitoómé. Á yiì bèy, a koʼtí, a gvəʼtí e si wo, a bùn, a kwa jii, «Caamfoò, Fon wìr veé Juda.»

Ŋgaà Yen 20:13

Wáa dzə e ghan see shooy, a wír ve vé‑eè làykìn é ndzəví fəə́kír ne adzə̀m. Ve vé‑eè kpuun, e dù e sàyi fəə́kír sá. Wír vee aŋkfəə́ wòŋe báʼtí adzə̀m, aá kù tínen nsaʼ wìr a dzə̀ mo wù‑uù yii.

Efesor 4:9

Mo kí suuy fo ji wù kóʼ e yuv, bo dzə̀ ji wù kù‑uù lo sə̀y é nsay fèn.

Ŋwàʼ woó Rom 11:4

Wù‑uù bì bey, Nyùy bìnèr ji ka? Wù‑uù bìnèr jii, «M kér sa wír ámóʼó nsə̀kì saàmbà a dzə̀ wír ve á yòʼ‑oò yiì ne tsə̀m ndzəə́ e nyùy woo Baal.»

Matio 12:40

Mo Jona‑aà shiiyin e sə bvə̀m vishiíy vitaár, à shùy, à vitsə́ʼə́, dzə̀ sá réŋréŋ mo ŋgaà wo yírí dzəə̀n *Wanwìr wíy shiíy e loònsay vishiíy vitaár.

Kèʼlo 41:43

Wù fó *kiténtén kfə́ ké rər kímóʼ kí, a dzə̀ ke kí yii jumrì ké fòn, Joosev wáa ghan sho. Nsheèlav se fòn si wáa dù fo mbìy, a kwa jii, «Vèn wáa gvəʼtí, taà saʼ wiyì.» Farao ku nèn lèm wun ji taà saʼ woó wòŋ Ejiv e dzə̀m.

Nsùyrì Nyùy 95:6

Vèn wiy, é vèsən gvə́ʼtí, a sùyrì Nyùy Tàr. Vèsən tsə́m ndzəə́ e wun si. Wù dzə̀ Ŋgaà Mbom wòsən.

Ŋgaà Yen 5:3

Wù fúŋ bey, e làa yòʼ fə̀m a ker wír e yuv, kìn é nsay, kìn áàŋkfəə́ wòŋ wo dzə̀ wù bvə̀r ŋwàʼ woo shooy, e lèéy mvə́m.